انٹرنیشنل کرکٹ کونسل (آئی سی سی) نے کھلاڑیوں کی نئی ٹیسٹ رینکنگ جاری کر دی ہے جس کے مطابق بہترین بلے بازوں کی فہرست میں نیوزی لینڈ کے کپتان کین ولیمسن بدستور پہلے نمبر پر موجود ہیں۔
دس بہترین بلے بازوں میں آسٹریلوی بیٹسمین اسٹیو اسمتھ ایک درجہ ترقی پا کر تیسری سے دوسری پوزیشن پر آ گئے ہیں جب کہ بھارت کے کپتان ویرات کوہلی ایک درجہ تنزلی کے بعد دوسری سے تیسری پوزیشن پر چلے گئے ہیں۔
بہترین بلے بازوں کی فہرست میں آسٹریلیا کے مارنس لیبسچگنی چوتھے، پاکستان ٹیم کے کپتان بابر اعظم پانچویں نمبر پر ہیں اور ان دونوں کھلاڑیوں کی پوزیشن میں کوئی تبدیلی نہیں آئی۔
Kane Williamson retains the top spot!⬆️ Steve Smith takes second place⬆️ Henry Nicholls leaps into the top 10Here%27s the latest update in the @MRFWorldwide ICC Test Rankings ☝️#ICCRANKINGS pic.twitter.com/nliMxZQQGK
— ICC (@ICC) January 12, 2021
انگلینڈ کے بین اسٹوک دو درجہ ترقی پانے کے بعد آٹھویں سے چھٹی پوزیشن پر پہنچ چکے ہیں جب کہ بھارت کے اجنکایا رہانے ایک درجہ تنزلی کے بعد ساتویں پوزیشن پر آ گئے ہیں۔
بھارت کے ہی چتیسور پجارا نے دو درجہ ترقی پائی ہے اور وہ آٹھویں نمبر پر ہیں۔ اسی طرح ہینری نکولس کی تین درجہ ترقی اور ڈیوڈ وارنر کی تین درجہ تنزلی ہوئی ہے۔ دونوں بلے باز بالترتیب نویں اور دسویں نمبر پر ہیں۔
دس بہترین بالروں کی فہرست میں پاکستان کا کوئی بالر شامل نہیں ہے جب کہ اس فہرست میں آسٹریلیا کے تین، انگلینڈ، نیوزی لینڈ اور بھارت کے دو دو جب کہ جنوبی افریقہ کا ایک بالر شامل ہے۔
Australia%27s Josh Hazlewood moves up three places ⬆Here%27s the latest bowling update in the @MRFWorldwide ICC Test Rankings pic.twitter.com/F1z6IdS9oH
— ICC (@ICC) January 12, 2021
آئی سی سی کی بالرز کی نئی ٹیسٹ رینکنگ کے مطابق آسٹریلیا کے فاسٹ بالر پیٹ کمنس بدستور پہلے نمبر پر موجود ہیں۔ انگلیںڈ کے اسٹورٹ براڈ، نیوزی لینڈ کے نیل ویگنر اور ٹم ساؤتھی بالترتیب، دوسرے، تیسرے اور چوتھے نمبر پر ہیں اور ان کھلاڑیوں کی پوزیشن میں کوئی تبدیلی نہیں ہوئی۔
آسٹریلیا کے جوش ہیزلی وڈ تین درجہ ترقی پا کر پانچویں پوزیشن پر آگئے ہیں جب کہ انگلینڈ کے جمی اینڈرسن تین درجہ ترقی پانے کے بعد دسویں سے ساتویں پوزیشن پر پہنچ چکے ہیں۔
جنوبی افریقہ کے کگیسو رابادا چھٹی، اینڈرسن ساتویں، مچل اسٹارک آٹھویں، روی چندرن ایشون نویں اور جیسپرت بمراہ دسویں پوزیشن سنبھالے ہوئے ہیں۔