پاکستان سپر لیگ (پی ایس ایل) کے پانچویں ایڈیشن کا فائنل کراچی کنگز اور لاہور قلندرز کے درمیان منگل کو کراچی کے نیشنل اسٹیڈیم میں کھیلا جائے گا۔
دونوں ٹیمیں پہلی مرتبہ پی ایس ایل کے فائنل میں پہنچی ہیں۔ دونوں ہی حریف سمجھی جاتی ہیں اور اب پی ایس ایل کے فائنل میں ان دونوں ٹیموں کے ٹاکرے کو پاکستان اور بھارت کے درمیان میچ کے طور پر بھی دیکھا جا رہا ہے۔
پاکستان میں ٹوئٹر پر پی ایس ایل فائنل ٹرینڈ کر رہا ہے۔ کرکٹ کے مداح منگل کو کھیلے جانے والے میچ میں کانٹے کے مقابلے کی توقع کر رہے ہیں جس کا اُنہیں بے چینی سے انتظار ہے۔
ایک ٹوئٹر صارف نے اپنی ٹوئٹ میں لکھا کہ لاہور قلندرز اور کراچی کنگز کی ٹیمیں مداحوں کو ایسا احساس دلا رہی ہیں جس طرح پاکستان اور بھارت کے درمیان میچ ہوتا ہے۔
These teams are making the fans feel like Pakistan vs India#PSLFinal pic.twitter.com/sBp8ygHGC8
— Sheikhoo (@Da_sarmast) November 16, 2020
ایک صارف کہتے ہیں براہِ مہربانی پی ایس ایل کے فائنل کو بھارت اور پاکستان کا میچ نہ بنائیں اور اسے دو بھائیوں کے درمیان میچ ہی رہنے دیں۔
#PSLFinalKindly dont make it India vs PakistanMake it a match between 2 brothers who love eachother 💙 pic.twitter.com/StZUjXj4nc
— Omi Mirza (@OmairNaeem) November 16, 2020
زین علی نامی ٹوئٹر صارف کہتے ہیں کہ کراچی اور لاہور فائنل میں ہیں، کرکٹ کے شائقین اس سے زیادہ اور کیا مانگتے ہیں۔
Cant fight fate. A Karachi vs Lahore Final! What more could a cricket fan ask for! 😍🤩#LQvsKK 🔥#PSLFinal ❤️ pic.twitter.com/igw7OWBjuo
— Zain Ali ➐ (@optimisticzain) November 16, 2020
نوفل خان نامی ٹوئٹر صارف نے دونوں ٹیموں کو پہلی مرتبہ پی ایس فائنل میں پہنچنے پر جہاں مبارکباد دی وہیں انہوں نے دونوں ٹیموں کے درمیان فائنل مقابلے کو انڈیا بمقابلہ پاکستان، فٹ بال کے دو مایہ ناز کلب ریال میڈرڈ بمقابلہ بارسلونا، دو حریف نیوز چینلز اے آر وائی بمقابلہ جیو اور کراچی کی مشہور بریانی بمقابلہ لاہور کے پلاؤ قرار دیا۔
both Lahore and Karachi qualified for final for the first time !Congratulations !India vs Pakistan Madrid vs barcelona 😂 Ary vs Geo ✌️Biryani vs pulao 😂#PSLFinal pic.twitter.com/rMwBlVfHFT
— NOFIL KHAN (@NOFILKHAN11111) November 16, 2020
پاکستان سپر لیگ کے آفیشل اکاؤنٹ سے لاہور قلندرز کے کپتان سہیل اختر اور کراچی کنگز کے کپتان عماد وسیم کی ایک ویڈیو شیئر کی گئی ہے جس میں وہ نشانہ بازی کر رہے ہیں۔
اس مقابلے میں کراچی کنگز کے کپتان 28 پوائنٹس حاصل کر کے کامیاب تو ہو جاتے ہیں لیکن کون سا کپتان پی ایس ایل فائیو کا ٹائٹل اپنے نام کرے گا اس کا فیصلہ 17 نومبر کو کراچی کے نیشنل اسٹیڈیم میں ہو گا۔
#HBLPSLMuqabla - Episode 2 - Imad Wasim Vs Sohail Akhtar Lahore Qalandars and Karachi Kings battle it out over a game of darts! @lahoreqalandars @karachikingsary @simadwasim@imSohailAkhtarWho are you supporting for the #HBLPSLV final? #PhirSeTayyarHain #KKvLQ pic.twitter.com/zAddt4D9tz
— PakistanSuperLeague (@thePSLt20) November 16, 2020
دونوں ٹیموں کے اسکواڈ پر نظر دوڑائیں تو بالنگ اور بیٹںگ دونوں ہی شعبوں میں دونوں کے پاس مایہ ناز کھلاڑی موجود ہیں۔
لاہور قلندرز کے پاس تمیم اقبال اور فخر زمان جیسے مایہ ناز کھلاڑی اوپننگ اسٹینڈ میں موجود ہیں جس کے بعد کپتان سہیل اختر اور محمد حفیظ ہیں۔ مڈل آرڈر میں قلندرز کے پاس بین ڈنگ اور سمت پٹیل ہیں۔
ہٹنگ کے لیے لاہور قلندرز کا انحصار ڈیوڈ ویسے پر ہو گا جنہوں نے ملتان سلطانز کے خلاف ایلیمینیٹر میچ میں 21 گیندوں پر 48 رنز کی ناقابلِ شکست اننگز کھیلی۔ بالنگ کے شعبے میں قلندرز کے پاس شاہین شاہ آفریدی، حارث رؤف، ڈیوڈ ویسے، سمت پٹیل، محمد حفیظ، محمد فیضان اور دلبر حسین ہیں۔
اسی طرح کراچی کنگز بھی لاہور قلندرز سے کچھ کم نہیں۔ کنگز کے پاس شرجیل خان اور بابر اعظم کی صورت میں بہترین اوپنرز موجود ہیں۔
بابر اعظم ٹی ٹوئنٹی کے قابلِ بھروسہ اور موجودہ ایونٹ کے سب سے زیادہ رنز بنانے والے بلے باز ہیں جو اب تک 10 میچز میں 410 رنز بنا چکے ہیں۔
اسی طرح الیکس ہیلز، افتخار احمد اور کپتان عماد وسیم بھی بیٹںگ لائن کے مضبوط ہتھیار ہیں۔ جب کہ چیڈوک والٹن اور شیرفانے ردرفیلڈ کا بلا بھی کسی بھی وقت رنز اگلنے کی بھرپور صلاحیت رکھتا ہے۔
بالنگ کے شعبے میں کراچی کنگز کے پاس ٹی ٹوئنٹی اسپیشلسٹ محمد عامر اور وین پارنیل ہیں جب کہ کپتان عماد وسیم کے ساتھ ساتھ وقاص مقصود اور ارشد اقبال بھی رنز روکنے کی صلاحیت رکھتے ہیں۔