پاکستان کے سابق کرکٹر رمیز راجا کی جانب سے ریٹائرمنٹ کا مشورہ دیے جانے پر شعیب ملک نے اس پر اپنے ردِ عمل کا اظہار کیا ہے۔
سابق کرکٹر رمیز راجہ نے شعیب ملک اور محمد حفیظ کو باعزت طور پر ریٹائر ہونے کا مشورہ دیا تھا۔ رمیز کے اس مشورے پر شعیب ملک نے کہا ہے کہ اُنہیں بھی ریٹائر ہو جانا چاہیے۔
شعیب ملک نے اپنے ایک ٹوئٹ میں رمیز راجا کو مخاطب کرتے ہوئے کہا ہے کہ وہ اس بات سے اتفاق کرتے ہیں کہ ہم تینوں کیریئر کے اختتام پر ہیں تو کیوں نا ہم تینوں ہی 2022 میں عزت سے ریٹائر ہو جائیں۔
اپنے ٹوئٹر پیغام کے ساتھ انہوں نے ایک ایموجی بھی شیئر کیا ہے جو مزاح کی نشاندہی کرتا ہے۔
شعیب ملک کے پیغام میں 'ایموجی' کے استعمال سے قیاس آرائی کی جا رہی ہے کہ شاید شعیب ملک نے رمیز راجا کے مشورے کو سنجیدگی سے نہیں لیا اور اسے ہوا میں اڑا دیا ہے۔
Yes @iramizraja bhai agreed. Since all 3 of us are the end of our careers let’s retire gracefully together - I’ll call and let’s plan this for 2022? 😅 @MHafeez22 #jokes https://t.co/vTwf9zzYOC
— Shoaib Malik 🇵🇰 (@realshoaibmalik) April 8, 2020
تاہم رمیز راجہ نے شعیب ملک کی ٹوئٹ کے جواب میں کہا ہے کہ "میں کس چیز سے ریٹائر ہو جاؤں؟ پاکستان کرکٹ کے حوالے سے اپنے دلی جذبات کا مظاہرہ نہ کروں؟
انہوں نے مزید کہا کہ وہ پاؤں سے لے کر گردن تک کرکٹ کے شیدائی ہیں لیکن ذہن میں اس حوالے سے کوئی بوجھ نہیں رکھنا چاہتے۔ توقع ہے کہ ملک صاحب (شعیب ملک) جلد کرکٹ سے ریٹائر ہو جائیں گے۔
@realshoaibmalik @MHafeez22 1-Retire gracefully .. from what ?.. speaking my mind on pak cricket? Sticking my neck out for pak cricket ? Wanting pak cricket back at top ? No chance .. won’t be gracefully retiring from that ever Malik Sahib!! as for ur post retirement plans ..
— Ramiz Raja (@iramizraja) April 9, 2020
شعیب ملک اور رمیز راجہ کی لفظی نوک جھونک کے ساتھ ساتھ کرکٹ شائقین اور شعیب ملک کے پرستار بھی اس موضوع پر اپنے خیالات کا اظہار کر رہے ہیں۔
ایک صارف عرفہ فیروز کا کہنا ہے کہ ایک کرکٹر اپنے خون کے آخری قطرے تک اپنے وطن کی خدمت کرتا ہے۔ عمر صرف سالوں کا شمار ہے شعیب ملک واقعی اچھی کارکردگی کا مظاہرہ کر رہے ہیں۔
Every cricketer strives hard to serve its last drop of blood for it%27s country. Age is just a number when performance and fitness are producing results and that%27s what Hafeez/Malik are doing now and doing really well! What%27s the point of asking retirement out of box!😒
— Arfa Feroz Zake (@ArfaSays_) April 9, 2020
ایک اور صارف فاروق اکبر خان نے شعیب ملک کی جانب سے آئی پی ایل سیزن فائیو میں اچھی کرکٹ کی مثال پیش کرتے ہوئے کہا کہ شعیب ملک کو ریٹائر نہیں ہونا چاہیے۔
اس بحث کے دوران کچھ صارفین نے رمیز راجہ کے خیال پر غصے کا بھی اظہار کیا جب کہ مجموعی طور پر دیکھا جائے تو یہ صارفین کا ملا جلا ردِ عمل نظر آتا ہے۔
کچھ صارفین نے رمیز راجہ پر تنقید بھی کی ہے:
Ramiz your choice of words and tone is so callous I thought you were a seasoned presenter , response of Shoaib Malik was more responsible
— Giddy4Weed (@fahadumeris) April 9, 2020
آپ کمنٹری سے ریٹائرڈ ہو کے کمنٹری اکیڈمی بنا سکتے ہیں ، اور نئے آنے والوں کو گروم کر سکتے ہیں ) ہو سکتا ہے پاکستانی عوام کمنٹری میں بھی نئی آواز اور شکل دیکھنا چاہتے ہوں
— Majid Majeed (@majidmajeed83) April 9, 2020