بھارت کے زیرِ انتظام کشمیر میں مرکزی حکومت کی طرف سے اراضی قوانین میں حال ہی میں کی گئی ترامیم کے خلاف احتجاج کا سلسلہ جاری ہے۔ ہفتے کو مختلف سیاسی جماعتوں کی اپیل پر مکمل شٹر ڈاؤن ہڑتال کی گئی۔ نئے قوانین کے مطابق زمین کے مالک کو اس بات کا اختیار ہو گا کہ وہ اپنی اراضی غیر مقامی افراد کو بھی فروخت کر سکتا ہے۔
اراضی قوانین میں ترمیم: کشمیر میں شٹر ڈاؤن ہڑتال
1
علاقے کی اراضی قوانین میں کی گئی ترمیم کے خلاف سیاسی جماعتوں نے مکمل ہڑتال کا اعلان کیا تھا۔
2
بھارتی حکومت کے اس اقدام کے خلاف سرینگر اور جمّوں میں گزشتہ کئی روز سے مسلسل احتجاجی مظاہرے ہو رہے ہیں۔
3
اس اقدام سے قبل ریاست میں رائج قوانین کے تحت ہر قسم کی اراضی اور غیر منقولہ جائیدادوں پر صرف جموں و کشمیر کے پشتنی یا مستقل باشندوں کو ہی مالکانہ حقوق حاصل تھے اور وہی اس کی خرید و فروخت کر سکتے تھے۔
4
نئے اراضی قوانین کے خلاف وہ جماعتیں بھی احتجاج کر رہی ہیں جو بھارت کے حکومتی حلقوں کے قریب سمجھی جاتی ہیں۔
