بھارتی کشمیر میں ہندوؤں کی اہم عبادتگاہ امرناتھ گفا کی یاترا پر جانے والےعقیدت مندوں کی خدمت پر مامور رضاکاروں کی جمیعت واپس گھروں کو لوٹ رہی تھی کہ ضلع سانبہ کے ایک پہاڑی راستے پر وہ ٹرک پھسل کر کھائی میں جاگرا، جس میں وہ سوار تھے۔
علاقے کے ڈپٹی کمشنر مبارک سنگھ نے بتایا کہ آٹھ مسافر موقع پر ہی ہلاک ہوگئے جب کہ زخمیوں میں سے مزید آٹھ اسپتال میں دم توڑ بیٹھے۔
زخمیوں کا جموں کے ایک سرکاری اسپتال میں علاج ہو رہا ہے اور ڈاکٹروں کا کہنا ہے کہ اُن میں سے بعض کو اِس قدر سخت چوٹیں آئی ہیں کہ اُن کا بچنا محال نظر آرہا ہے۔
امرناتھ یاتریوں کے ساتھ پیش آنے والا یہ دوسرا حادثہ ہے۔ چودہ جولائی کو 15یاتری ہلاک ہوئے تھے جب بس پہاڑی کھائی میں جاگری۔
دریں اثنا، بھارتی کشمیر کے شمالی قصبے بانڈی پور اور ملحقہ علاقوں میں فوج کے ہاتھوں ایک مقامی نوجوان ہلال احمد ڈار کو گولی مار کر ہلاک کرنے کے خلاف عام ہڑتال اور مظاہروں کا سلسلہ جاری رہا۔
علاقے کے ڈپٹی کمشنر مبارک سنگھ نے بتایا کہ آٹھ مسافر موقع پر ہی ہلاک ہوگئے جب کہ زخمیوں میں سے مزید آٹھ اسپتال میں دم توڑ بیٹھے۔
زخمیوں کا جموں کے ایک سرکاری اسپتال میں علاج ہو رہا ہے اور ڈاکٹروں کا کہنا ہے کہ اُن میں سے بعض کو اِس قدر سخت چوٹیں آئی ہیں کہ اُن کا بچنا محال نظر آرہا ہے۔
امرناتھ یاتریوں کے ساتھ پیش آنے والا یہ دوسرا حادثہ ہے۔ چودہ جولائی کو 15یاتری ہلاک ہوئے تھے جب بس پہاڑی کھائی میں جاگری۔
دریں اثنا، بھارتی کشمیر کے شمالی قصبے بانڈی پور اور ملحقہ علاقوں میں فوج کے ہاتھوں ایک مقامی نوجوان ہلال احمد ڈار کو گولی مار کر ہلاک کرنے کے خلاف عام ہڑتال اور مظاہروں کا سلسلہ جاری رہا۔
