گلگت بلتستان کے علاقے دیامیر میں آسمانی بجلی گرنے اور شدید بارشوں سے خواتین اور بچوں سمیت کم از کم 30 افراد ہلا ک اور متعدد زخمی ہو گئے ہیں۔
اطلاعات کے مطابق منگل کو رات دیر گئے گیس بالا اور ڈونگاکے علاقے میں بجلی گرنے کا یہ واقعہ پیش آیا اور مقامی آبادی نے ہلاکتوں میں اضافے کے خدشے کااظہار کیا ہے۔
گلگت بلتستان میں بھی حالیہ مون سون بارشوں اور سیلابی ریلوں کے باعث بیشتر سڑکیں اور پل بہہ گئے ہیں جس کی وجہ سے مقامی انتظامیہ کو متاثرین تک پہنچنے میں دشواریاں پیش آرہی ہیں۔
