پاکستانی کرکٹرز، آفیشلز اور بورڈ کے ممبران نے پاکستان کرکٹ ٹیم کے ہیڈ کوچ مکی آرتھر کے ہمراہ پنجاب کے صوبائی دارالحکومت لاهور کے علاقے قربان لائن میں واقع سیف سٹی اتھارٹی کا دورہ کیا۔
کھلاڑیوں میں پاکستانی کرکٹ ٹیم کے کپتان سرفرازاحمد کی قیادت میں یاسر شاہ، شعیب ملک، فخر زمان، اسد شفیق اور حسن علی شامل تھے۔
پاکستانی کرکٹ ٹیم کے کھلاڑ یوں اور بورڈ آفیشلز نے پنجاب سیف سٹیز اتھارٹی کے کیمروں کی مدد سے سیکیورٹی اور مانیٹرنگ کے عمل کا جائزہ لیا۔
پنجاب سیف سٹیز اتھارٹی حکام نے پاکستانی کرکٹرز اور آفیشلز کو سٹیڈیم کے أطراف میں نصب کیمروں سے شائقین کی مانیٹرنگ، امن وامان کی صورت حال پر بریفنگ دی۔
کرکٹ ٹیم و آفیشلز کو قذافی اسٹیڈیم کی سیکیورٹی، کیمروں کی تنصیبات، لائیو پریکٹس سیشن بھی دکھایا گیا۔ پاکستانی ٹیم اور آفیشلز نے پنجاب سیف سٹیز اتھارٹی کی کیمروں کے ذریعے مانیٹرنگ کے عمل پر اطمینان کا اظہار کیا۔
قومی کرکٹ ٹیم کوچ مکی آرتھر نے پاکستان کو پر امن ملک قرار دیا اور انٹرنیشنل ٹیموں کو پاکستان کا ضرور رخ کرنے کا پیغام دیا۔ مکی آرتھر نے کہا کہ سیف سٹیز جیسے پراجیکٹ نے انٹرنیشنل کھلاڑ یوں میں اعتماد کی فضاء قائم کی ہے۔
کپتان سرفراز احمد نے کہا کہ ورلڈ الیون، سری لنکا اور ویسٹ انڈیز کا پاکستان آنا شائقین ہی نہیں کرکٹرز کے لیے بھی خوشخبری ہے۔
قومی ٹیم کو سیف سٹیز حکام کی جانب سیف سٹیز اتھارٹی کی شرٹس تحفتاً دی، جبکہ قومی کھلاڑ ی پولیس کمیونیکشن آفسرز اور دیگر سٹاف کے ساتھ سلفیاں بنواتے رہے۔
