پاکستان کرکٹ ٹیم کے فاسٹ بالر شاہین شاہ آفریدی نے تیز رفتار یارکر پر افغان بلے باز کو آؤٹ کر کے 2021 کے ورلڈ کپ کی یاد تازہ کر دی ہے۔ شاہین کے اس یارکر کی گونج سوشل میڈیا پر سنائی دے رہی ہے۔
بدھ کو آسٹریلیا کے شہر برسبین میں ٹی ٹوئنٹی ورلڈ کپ کے وارم اپ میچ میں شاہین کے پہلے ہی اوور میں افغان بلے باز رحمت اللہ گرباز یارکر گیند پر ایل بی ڈبلیو آؤٹ ہو گئے۔
امپائر کے آؤٹ دیے جانے پر رحمت اللہ لنگڑاتے رہے اور ان کی مدد کے لیے ایک کھلاڑی آن فیلڈ پہنچے اور انہیں پیٹھ پر اٹھا کر گراؤنڈ سے باہر لے گئے۔
شاہین آفریدی اس سے قبل بھی کئی بلے بازوں کو اسی طرح کے یارکر پر آؤٹ کر چکے ہیں جن میں بھارتی کپتان روہت شرما نمایاں ہیں۔
افغانستان کے خلاف شاہین نے چار اوور میں 29 رنز دے کر دو وکٹیں حاصل کیں جس میں ایک وکٹ پرفیکٹ یارکر پر رحمت اللہ گرباز کی تھی۔ اس سے قبل انگلینڈ کے خلاف انہوں نے پہلے وارم اپ میچ میں دو اوورز میں سات رنز دیے تھے ۔
شاہین کی اس پرفارمنس پر شائقین کرکٹ سوشل میڈیا پر ان کی تعریفیں کر رہے ہیں۔
ایک ٹوئٹر صارف نے لکھا کہ شاہین کے یارکر پر کمنٹیٹر نے بھی کہا کہ شاہین کی ٹیم میں واپسی ٹی ٹوئنٹی ورلڈ کپ میں اوپننگ بلے بازوں کے لیے خطرناک ہے۔
The commentator on the mic - "The comeback of Shaheen Shah Afridi is an alarming situation for all the opening batters in the T20 WorldCup" #T20WorldCup
— Arfa Feroz Zake (@ArfaSays_) October 19, 2022
ہارون نامی ٹوئٹر صارف نے کہا کہ پاکستان ٹیم شاہین آفریدی کے بغیر نامکمل ہے۔ ان کا ٹیم میں واپس آنا بہت اچھا ہے۔
The Pakistan team feels incomplete without Shaheen. So nice to have him back🤗 #ShaheenShahAfridi
— Haroon (@hazharoon) October 19, 2022
راجیو رائے نامی ٹوئٹر صارف کا کہنا تھا کہ شاہین نے نہ کھیلے جانے والے یارکر پر رحمت اللہ گرباز کو آؤٹ کیا۔ پہلے ہی اوور میں یہ ہلاکت خیز یارکر تھا جس پر گرباز زخمی ہوئے۔
Unplayable Yorker by Shaheen Afridi to remove Rahmanullah Gurbaz. Deadly Yorker which injured gurbaz in very 1st over.#T20WC2022 #ShaheenShahAfridi#shaheenafridi #PAKvsAFG #WarmUpMatch #T20WorldCup2022 pic.twitter.com/lWgYRqLnTv
— Rajeev Rai 🇮🇳 (@Rajeev_Bharat) October 19, 2022
احمد نامی ٹوئٹر صارف شاہین کے یارکر پر تبصرہ کرتے ہوئے لکھتے ہیں کہ "ہم یقینی طور پر اس کا انتظار کر رہے تھے۔"
we waited? of course pic.twitter.com/7FWVaOi1s2
— Ahmed. (@ahmixdd) October 19, 2022
واضح رہے کہ شاہین شاہ آفریدی رواں برس جولائی میں میں سری لنکا کے خلاف گال ٹیسٹ میں فیلڈنگ کے دوران انجری کا شکار ہو گئے تھے جس کی وجہ سے وہ دورہ نیدر لینڈز اور ایشیا کپ کے لیے ٹیم سے باہر ہو گئے تھے۔
انجری کی وجہ سے شاہین کو برطانیہ میں ری ہیب کیمپ میں وقت گزارنا پڑا تھا اور وہ انگلینڈ کے دورۂ پاکستان کے موقع پر ٹیم کا حصہ نہیں تھے۔
گمان ظاہر کیا جا رہا تھا کہ شاہین کی ٹیم میں واپسی اس انداز میں نہیں ہو سکے گی جس طرح وہ ایشیا کپ میں بالنگ کر رہے تھے۔ تاہم انگلینڈ اور افغانستان کے خلاف وارم اپ میچز میں شاہین نے اپنی شاندار بالنگ کی بدولت تمام خدشات کو غلط ثابت کیا ہے۔
بدھ کو برسبین میں افغانستان کے خلاف شاہین کی شاندار بالنگ پر ایک ٹوئٹر صارف نے دو تصاویر شیئر کیں۔ ایک تصویر میں زخمی گرباز کو گراؤنڈ سے باہر لے جاتے ہوئے دکھایا گیا جس پر انہوں نے 'آرٹ' لکھا جب کہ دوسری تصویر میں شاہین کو خوش ہوتے ہوئے دیکھا جا سکتا ہے اور صارف نے اس پر 'آرٹسٹ' لکھ پر تبصرہ کیا۔
Art Artist#ShaheenShahAfridi pic.twitter.com/KgAczVyddP
— 𝐂𝐫𝐢𝐜 𝐕𝐢𝐛𝐞𝐬𝐬 🇵🇰✨ (@Cric_vibes) October 19, 2022
ایک ٹوئٹر صارف نے بھارتی کھلاڑیوں کی تصویر شیئر کرتے ہوئے لکھا کہ "فینز پاکستان ٹیم کا میچ دیکھ رہے ہیں۔"
Fans watching Pakistan cricket#PAKvsEng #ShaheenShahAfridi #ICCT20WorldCup #INDvsPAK pic.twitter.com/7mtrLDBWg1
— ḶQ 💚 🇵🇰 | 🏏 l❤️ (@Saddique_rao) October 17, 2022
احمد حسیب نامی ٹوئٹر صارف نے شاہین شاہ آفریدی کی میچ کے بعد گرباز سے ملاقات کی تصویر شیئر کی اور کہا کہ یہ شاہین کا اچھا اقدام ہے۔
Shaheen Shah Afridi went to Rahmanullah Gurbaz and asked him about the seriousness of his injury. Great gesture by Shaheen Afridi. Earlier Shaheen had stuck the yorker on Gurbaz%27s toe. #PAKvAFG #ShaheenShahAfridi #T20WorldCup #WarmUpMatch pic.twitter.com/Mbk0u5LJde
— Ahmad Haseeb (@iamAhmadhaseeb) October 19, 2022