نوے کی دہائی میں مقبول ہونے والے امریکی سِٹ کام 'فرینڈز' سے عالمی شہرت پانے والے اداکار میتھیو پیری 54 سال کی عمر میں انتقال کرگئے۔ وہ ہفتے کی رات امریکی شہر لاس اینجلس میں اپنے گھر میں مردہ پائے گئے تھے۔
مشہور ٹی وی سیریز میں چینڈلر بنگ کا کردار نبھانے والے اداکار کی موت مبینہ طور پر باتھ ٹب یا جیکوزی میں ڈوبنے سے واقع ہوئی۔ تاہم ابھی ان کی موت کی اصل وجہ سامنے نہیں آئی ہے۔
پولیس رپورٹ کے مطابق ان کے جسم پر نہ تو تشدد کے نشانات پائے گئے نہ منشیات کا کوئی نام و نشان نظر آیا جس سے امکان ہے کہ ان کی موت حادثاتی ہوسکتی ہے۔
میتھیو پیری کی موت کی تصدیق دس سال تک 'فرینڈز' نشر کرنے والے ادارے ’این بی سی انٹرٹینمنٹ‘ نے سوشل میڈیا پر ایک تعزیتی پوسٹ کے ذریعے کی۔
We are incredibly saddened by the too soon passing of Matthew Perry. He brought so much joy to hundreds of millions of people around the world with his pitch perfect comedic timing and wry wit. His legacy will live on through countless generations. pic.twitter.com/VcAlZ26Nso
— NBC Entertainment (@nbc) October 29, 2023
اس پوسٹ میں لکھا تھا کہ میتھیو پیری جنہوں نے اپنی کمال کامیڈی ٹائمنگ سے کروڑوں چہروں پر مسکراہٹ بکھیری، وہ اب اس دنیا میں نہیں رہے۔
نہ صرف انہوں نے میتھیو پیری کے بطور چینڈلر بنگ آن اسکرین طنز کرنے کی عادت کو لاجواب قرار دیا بلکہ یہ بھی کہا کہ ان کا کام انہیں کئی سالوں تک زندہ رکھے گا۔
ٹی وی شو 'فرینڈز 'کے سوشل میڈیا نے ان کی موت پر گہرے دکھ اور افسوس کا اظہار کرتے ہوئے ان کے خاندان اور مداحوں سے اظہار ہمدردی کیا۔
میتھیو پیری کو 'فرینڈز' میں سب سے منفرد مقام کیوں حاصل تھا؟
امریکی سٹ کام 'فرینڈرز 'کو دنیا کے مقبول ترین کامیڈی شوز میں سے ایک مانا جاتا ہے اور میتھیو پیری کے کردار کو اس کا مقبول ترین کردار۔ انہوں نے دس سال تک اس شو میں چینڈلر بنگ نامی ایک ایسے نوجوان کا کردار ادا کیا تھا جو بلا تفریق ہر شخص کا مذاق اڑاتا ہے۔
'فرینڈز میں میتھیو پیری کے ساتھ ساتھ اداکاروں جنیفر اینسٹن، میٹ لی بلانک، کورٹنی کوکس، لیزا کڈرو، اور ڈیوڈ شوئمر نے عالمی شہرت حاصل کی۔ تاہم اپنے دوستوں میں سب سے بہتر نوکری ہونے کے باوجود چینڈلر بنگ کو سب سے غیر سنجیدہ ہی سمجھا جاتا رہا۔
Matthew Perry, known for playing Chandler Bing on the hit NBC sitcom “Friends,” has died. He was 54.https://t.co/pzUzh0mwZc pic.twitter.com/UnAoVPUQIN
— Variety (@Variety) October 29, 2023
گزشتہ سال ریلیز ہونے والی اپنی خود نوشت 'فرینڈز، لوورز اینڈ دی بگ ٹیربل تھنگ' میں میتھیو پیری نے اپنی کامیابی پر سے راز اٹھاتے ہوئے بتایا کہ چینڈلر بنگ ان کی شخصیت سے سب سے زیادہ قریب تھا جس کی وجہ سے انہیں اپنے کردار کو منفرد بنانے میں مدد ملی۔
ان کا مزید کہنا تھا کہ اپنے والدین کی طلاق کے بعد ان کی کوشش ہوتی تھی کہ اپنی ماں کو ہنسائیں جس کی وجہ سے ان کے مزاح کی حس بہت جلد ڈیولپ ہوگئی تھی۔
انہوں نے اسے ایک ایسا 'ڈیفنس میکانزم' قرار دیا جس نے آگے جاکر انہیں کامیاب اداکار بنایا۔
rest in peace Matthew Perry you will always be remembered pic.twitter.com/EcwOgWkmm7
— Sethy⁷ (@KnjMyLife) October 29, 2023
میتھیو پیری 19 اگست 1969 کو امریکی ریاست میساچیوسیٹس کے قصبے ولیمز ٹاؤن میں پیدا ہوئے لیکن جب کہ ان کے والد جون بینیٹ پیری اپنی بیوی سوزین اور نومولود بیٹے کو چھوڑ کر اداکار بننے کے لیے کیلی فورنیا چلے گئے تھے تو وہ اپنی ماں کے ہمراہ کینیڈا شفٹ ہوگئے۔ جہاں ان کی والدہ نے اس وقت کے وزیر اعظم پیئر ٹروڈو کی پریس سیکریٹری کے طور پر کچھ عرصہ کام کیا۔
اداکار نے اپنی کتاب میں انکشاف کیا تھا کہ جب ان کی والدہ نے معروف براڈکاسٹر کیتھ موریسن سے دوسری شادی کی تو ان کے اپنے رویے میں تبدیلی آگئی جس کے نتیجے میں انہوں نے منشیات کا استعمال شروع کیا۔ جس کا آگے جاکر انہیں نقصان ہوا۔
Matthew Perry dead at 54 after apparent drowning 🙏 pic.twitter.com/i2IIJyRrxV
— Daily Loud (@DailyLoud) October 29, 2023
اسی کتاب میں انہوں نے بتایا کہ کریئر کے عروج پر وہ منشیات کے ساتھ ساتھ مضر صحت ادویات کے عادی رہے جس کی وجہ سے انہیں متعدد مرتبہ ری ہیب بھی جانا پڑا۔ 2018 میں انہیں اسی سلسلے میں سرجری کے مرحلے سے بھی گزرنا پڑا جس کے بعد انہوں نے سوبر رہنے کا فیصلہ کیا۔
گزشتہ سال ریلیز ہونے والی کتاب میں انہوں نے نوجوان نسل کو ہدایت بھی دی کہ منشیات،شراب اور کوئی بھی نشہ آور چیز انسان کو صرف وقتی فائدہ پہنچا سکتی ہے۔ ان سے جتنا دور رہا جاسکتا ہے رہنا چاہیے۔
Happy trails to you, Matt. Thanks for being you. Wishing you a peaceful journey home through the stars.If you loved Matthew Perry as I did read his book. You will learn a lot about him. pic.twitter.com/CUHzTCQXBR
— Nancy Sinatra (@NancySinatra) October 29, 2023
بہت کم لوگوں کو اس بات کا علم ہے کہ 15 سال کی عمر میں جب میتھیو پیری کینیڈا سے امریکہ آئے تھے تو اس وقت وہ اداکار نہیں بلکہ ٹینس اسٹار بننا چاہتے تھے لیکن اپنے والد جون بینیٹ پیری کی مداخلت پر انہوں نے شوبز میں انٹری مارنے کا فیصلہ کیا۔
ان کا کریئر 1994 سے 2004 تک جاری رہنے والے 'فرینڈز' تک محدود نہیں تھا۔ انہوں نے 'فولز رش ان'، 'تھری ٹو ٹینگو'، 'دی ہول نائین یارڈز' اور اس کے سیکویل کے ساتھ ساتھ 'سیونٹین اگین' جیسی کامیاب فلموں میں بھی اداکاری کے جوہر دکھائے۔
کینیڈین وزیر اعظم، ساتھی اداکاروں نے میتھیو پیری کی وفات کو افسوسناک قرار دیا۔
میتھیو پیری پیدا تو امریکہ میں ہوئے لیکن ان کا بچپن کینیڈا میں گزرا جہاں موجودہ وزیرِ اعظم جسٹن ٹروڈو ان کے ساتھیوں میں سے ایک تھے۔
جسٹن ٹروڈو نے اپنے بچپن کے دوست کی موت کو افسوس ناک اور حیران کن قرار دیتے ہوئے ان کے ساتھ گزرے وقت کو یاد کیا اور کہا کہ دنیا بھر میں ان کے مداح انہیں ہمیشہ یاد رکھیں گے۔
Matthew Perry’s passing is shocking and saddening. I’ll never forget the schoolyard games we used to play, and I know people around the world are never going to forget the joy he brought them. Thanks for all the laughs, Matthew. You were loved – and you will be missed.
— Justin Trudeau (@JustinTrudeau) October 29, 2023
'فرینڈز' میں چینڈلر بنگ کی گرل فرینڈ جینس کا کردار نبھانے والی اداکارہ میگی ویلر نے بھی ان کے ساتھ گزرے وقت کو بہترین تجربہ قرار دیا۔ ان کا یہ بھی کہنا تھا کہ میتھیو پیری کو دنیا مس کرے گی۔
'فرینڈز' میں میتھیو پیری کی والدہ کا کردار نبھانے والی اداکارہ مورگن فیئرچائلد نے بھی اپنے آن اسکرین بیٹے کی موت پر افسوس کا اظہار کیا۔
ان کا کہنا تھا کہ ایک شاندار اداکار کی وفات سے انہیں اور ان کے چاہنے والوں کو حیرانی ہوئی ہے۔
I’m heartbroken about the untimely death of my “son”, Matthew Perry. The loss of such a brilliant young actor is a shock. I’m sending love & condolences to his friends & family, especially his dad, John Bennett Perry, who I worked with on Flamingo Road & Falcon Crest. #RIPMatthew pic.twitter.com/QWMsBVJEAr
— Morgan Fairchild (@morgfair) October 29, 2023
انہوں نے میتھیو پیری کے والد اداکار جون بینیٹ پیری سے بھی تعزیت کی جن کے ساتھ انہیں 'فلیمنگو روڈ 'اور 'فیلکن کریسٹ ' میں کام کرنے کا اتفاق ہوچکا ہے۔
معروف ہالی وڈ اداکارہ ویولا ڈیوس نے بھی میتھیو پیری کے انتقال پر افسوس کرتے ہوئے لکھا کہ لوگوں کی زندگی میں فرق پیدا کرنے کی وجہ سے انہیں ہمیشہ یاد رکھا جائے گا۔
اداکارہ سلمیٰ بلیئر نے میتھیو پیری کو اپنا سب سے پرانا بوائے فرینڈ قرار دیتے ہوئے ان کی موت کو ایک سانحہ قرار دیا۔
جب کہ اداکار وینڈل پیئرس نے سوشل میڈیا پر لکھا کہ میتھیو پیری نہ صرف ایک بہترین باس تھے بلکہ ایک رحم دل انسان اور مزاحیہ شخص بھی جن کے ساتھ کام کرکے انہوں نے بہت کچھ سیکھا۔
Damn. For 2 years Matthew Perry was my boss, my colleague, and a giving, kind, funny man. I pray and hope he is at peace. pic.twitter.com/lX2cav5NLs
— Wendell Pierce (@WendellPierce) October 29, 2023