پاکستان تحریک انصاف کے چیئرمین عمران خان کی پہلی شریک حیات جمائما گولڈ اسمتھ نے عمران خان کو انتخابات میں کامیابی پر مبارک باد دی ہے۔
22 years later, after humiliations, hurdles and sacrifices, my sons’ father is Pakistan’s next PM. It’s an incredible lesson in tenacity, belief & refusal to accept defeat. The challenge now is to remember why he entered politics in the 1st place. Congratulations @ImranKhanPTI
— Jemima Goldsmith (@Jemima_Khan) July 26, 2018
ساتھ ہی انہوں نے ٹوئٹر پر اپنی اور عمران کی یادوں کو تازہ کرتے ہوئے لکھا ہے کہ انہیں وہ دن یاد ہے جب عمران خان نے 1997 میں اپنا پہلا الیکشن لڑا تھا۔
جمائما نے مزید ٹوئٹس میں لکھا ہے کہ ان دنوں عمران خان نئے نئے سیاست میں آئے تھے ۔ انہیں نہ کوئی تجربہ تھا اور نہ ہی پختہ نظریات۔
وہ ایک دلچسپ بات بھی شیئر کرتے ہوئے لکھتی ہیں، "1997 کے انتخابات کے بعد عمران نے کئی بار فون کیا اور کہا کہ ہم نے ہارنے میں کلین سوئپ کیا ہے۔"
سوشل میڈیا پرپیغام دیتے ہوئے جمائما نے یہ بھی لکھا ہے کہ’ 22سال کی جدوجہد اور قربانیوں کےبعد میرے بیٹوں کے والد پاکستان کے اگلے وزیر اعظم ہیں۔‘
انہوں نے پاکستان کی عوام کو انتخابات کی مبارکباد دی۔ ’ خوبصورت‘، ’پگلے ‘، ’پیارے‘ اور’ پرانا دوست‘ کہہ کر پاکستان کے لیے پیار اور دلی جذبات کا اظہار کیا۔
Happy Election Day Pakistan, you maddening, beautiful, crazy, beloved old friend.Here’s hoping the people who count your votes, let your vote count. And you get the leader you believe in.Pakistan Zindabad!
— Jemima Goldsmith (@Jemima_Khan) July 25, 2018
انہوں نے ’پاکستان زندہ باد‘ لکھا اور یہ امید کی کہ 'پاکستان کے لوگوں کو وہ رہنما مل جا ئے گا جس پر وہ یقین رکھتے ہیں۔'