بھارت کی سب سے زیادہ آبادی والی ریاست اتر پردیش میں حکام نے ڈیری، ملبوسات اور ادویات سمیت حلال تصدیق کے لیبل والی مصنوعات کی تقسیم اور فروخت پر پابندی عائد کر دی ہے۔ ان کا کہنا ہےکہ یہ غیر قانونی ہے۔
ریاستی حکومت کے ایک نوٹیفکیشن میں ہفتہ کو کہا گیا تھاکہ بیکری کی مصنوعات، چینی، خوردنی تیل اور ایسی دیگر مصنوعات جنہیں تیار کرنے والی کمپنیوں کے ذریعے ان پر "تصدیق شدہ حلال" کا لیبل لگایا گیا تھا، ان کی تقسیم اور فروخت پر پابندی عائد کردی جائے گی۔
The Uttar Pradesh government on Saturday banned the production, storage, distribution, and sale of food, medicines and cosmetic items with halal certification in the state with immediate effect.#UttarPradesh #Halal #ban pic.twitter.com/SczAPnAVnC
— IndiaToday (@IndiaToday) November 18, 2023
ریاست میں بی جے پی کے ترجمان راکیش ترپاٹھی نے پیر کو رائٹرز کو بتایا، "کھانے میں مذہب کو نہیں لانا چاہیے۔ بہت سی اشیاء جیسے کپڑے، چینی وغیرہ کو حلال قرار دیا جا رہا تھا، جو کہ قانون کے خلاف ہے۔"
ریاستی حکومت کےنوٹیفکیشن میں کہا گیا ہے کہ "کھانے کی مصنوعات کی حلال سرٹیفیکیشن ایک متوازی نظام ہے جو کھانے کی اشیاء کے معیار کے حوالے سے الجھن پیدا کرتا ہے۔"
نوٹیفکیشن میں کہا گیا ہے کہ فوڈ سیفٹی اینڈ اسٹینڈرڈز اتھارٹی آف انڈیا (FSSAI) ملک میں فروخت ہونے والی زیادہ تر کھانے پینے کی مصنوعات کے معیارات کا تعین کرنے کا ذمہ دار ملک کا اعلیٰ ادارہ ہے اور وہ یہ طے کرتا ہے کہ کھانے کی مصنوعات کو ان معیارات پر پورا اترنا چاہیے۔
اتر پردیش میں پر یوگی آدتیہ ناتھ کی حکومت ہے، جن کا تعلق وزیر اعظم نریندر مودی کی قوم پرست بھارتیہ جنتا پارٹی سے ہے، یو پی بھارت کی سب سے بڑے رقبے اور سب سے زیادہ آبادی والی ریاست ہے
آدتیہ ناتھ اور ان کی حکومت دونوں پر ناقدین کی طرف سے الزام لگایا گیا ہے کہ وہ ریاست کی بڑی اقلیتی مسلمان آبادی کے خلاف تقسیم کا ایجنڈا رکھتے ہیں، جس کی انہوں نے مسلسل تردید کی ہے۔
میڈیا کی رپورٹوں کے مطابق جمعیت علمائے ہند حلال ٹرسٹ نے ایک بیان میں ان الزامات کو بے بنیاد قرار دیتے ہوئے کہا ہے کہ وہ اس طرح کی غلط معلومات کا مقابلہ کرنے کے لیے ضروری قانونی اقدامات کرے گی۔
#WATCH | Uttar Pradesh | A team of FSDA (Food Safety and Drug Administration) conducted raid at a store in a mall in Lucknow today to look for halal-certified products. No such product was found. UP Government has banned the production, storing, distribution and sale of… pic.twitter.com/K0cnKUGbub
— ANI UP/Uttarakhand (@ANINewsUP) November 20, 2023
اطلاعات کے مطابق اس کے بعد ایف ایس ڈی اے نے ان آٹھ کمپنیوں کے خلاف مقدمہ درج کیا ہےجن کی مصنوعات پر ایسے لیبل تھے۔۔
اس رپورٹ میں کچھ معلومات رائٹرز سے لی گئی ہیں۔