صدر بائیڈن کے صاحبزادے ہنٹر بائیڈن پر آتشین اسلحہ رکھنے کے وفاقی قوانین کی خلاف ورزی پر فرد جرم عائد کی گئی ہے ۔فرد جرم کے مطابق ہنٹر بائیڈن نے 2018 میں اسلحہ خریدتے وقت منشیات کے استعمال سے متعلق غلط بیانی کی تھی۔
یہ ہنٹر بائیڈن کے بارے میں طویل عرصے سے جاری تحقیقات میں اب تک کا تازہ ترین اور سب سے ٹھوس ا قدام ہے۔
بائیڈن پر الزام ہے کہ انہوں نے اپنے منشیات کے استعمال کے بارے میں اس وقت جھوٹ بولا تھا جب انہوں نے اکتوبر 2018 میں آتشیں اسلحہ خریدا تھا۔
With indictment looming Hunter Biden probe worth revisiting court transcript July 26 failed plea hearing. Judge Noreika: I have had one or two cases involving a person struggling with addiction who bought a gun, we usually see a felony charge for false statement. The Defendant… pic.twitter.com/FAwreknKSM
— Catherine Herridge (@CBS_Herridge) September 14, 2023
ڈیلاویئر کی وفاقی عدالت میں دائر فرد جرم کے مطابق ایسااس عرصے میں ہوا جب ہنٹر نے کوکین کی لت سےنجات پانے کی کوشش کا اعتراف کیا تھا۔ صدر بائیڈن کے بیٹے کے کاروباری معاملات کی بھی تحقیقات کی جا رہی ہیں۔
ہنٹر بائیڈن سے ان کے کاروباری معاملات کے بارے میں بھی تفتیش کی گئی ہے۔ کیس کی نگرانی کرنے والے اسپیشل کونسل نے کہا ہے کہ وقت پر ٹیکس ادا کرنے میں ناکامی کے الزامات واشنگٹن یا کیلی فورنیا میں دائر کیے جا سکتے ہیں، جہاں وہ رہتے ہیں۔
جمعرات کی فرد جرم ایک ایسے وقت سامنے آئی ہے جب کانگریس کے ریپبلکنز، ڈیموکریٹک صدر کے خلاف مواخذے کی تحقیقات کر رہے ہیں۔ جو بیشتر ہنٹر بائیڈن کے کاروباری معاملات کے بارے میں ہے۔
SEE ALSO: نو منتخب صدر کے بیٹے ہنٹر بائیڈن کو ٹیکس معاملات پر وفاقی تفتیش کا سامناریپبلکنز نے اس بارے میں شہادت حاصل کی ہے کہ کس طرح ہنٹر بائیڈن نے بیرون ملک کاروبار کرنے کے لیے "بائیڈن برانڈ" کا استعمال کیا، لیکن انہوں نے صدر کی جانب سے کسی غلط کام کے بارے میں ٹھوس ثبوت پیش نہیں کیے ہیں۔
تین الزامات پر مبنی فرد جرم میں کہا گیا ہے کہ ہنٹر بائیڈن نے جب اکتوبر 2018 میں ولمنگٹن، ڈیلاویئرکی ایک ’گن شاپ‘ سے" کولٹ کوبرا اسپیشل "خریدی، تو انہوں نے گن کی خریداری کے لیے درکار فارم پر جھوٹ بولا تھا۔
ان پر یہ کہہ کر دروغ گوئی کا الزام لگایا گیا ہے کہ انہوں نےاس بارے میں باکس کو غلط طریقے سے چیک کیا کہ وہ منشیات کا استعمال نہیں کرتے یا اس کے عادی نہیں ہیں۔
SEE ALSO: ہنٹر بائیڈن کا اعترافِ جرم سے انکار، جج نے ان کے خلاف مقدمے میں معاہدے پر سوال اٹھا دیےاور منشیات کے استعمال کے ساتھ بندوق کو غیر قانونی طور پر رکھنے کا تیسرا الزام عائد کیا گیا ہے۔
ان میں سے دو الزامات میں 10 سال تک قید کی سزا دی جا سکتی ہے جبکہ تیسرے کے جرم ثابت ہونے پر پانچ سال تک قید ہو سکتی ہے۔
ایسو سی ایٹڈ پریس کے مطابق،وکلاء نےکہا ہےکہ وہ ہنٹرکے خلاف دائر اضافی الزامات کا مقابلہ کریں گے، لیکن انہوں نےجمعرات کو تبصرہ کرنے کی درخواست کا فوری طور پر جواب نہیں دیا۔
(یہ رپورٹ خبر رساں ادارے اے پی کی فراہم کردہ معلومات پر مبنی ہے۔)