چین کا بغیر کسی خلا باز کا خلائی طیارہ ہفتے کو مریخ کی سطح پر اترنے میں کامیاب ہو گیا ہے۔
چین کے سرکاری خبر رساں ادارے ’زینہوا‘ کے مطابق چین امریکہ کے بعد پہلا ملک بن گیا ہے جو مریخ کی سطح پر اپنی خلائی جہاز سے خلائی گاڑی اتارنے میں کامیاب رہا ہے۔
خبر رساں ادارے ’رائٹرز‘ کے مطابق چینی طیارہ تیانوان-1 مریخ کے یوٹیپیا پلینیشیا نامی علاقے پر اترا۔
چین کے سرکاری خبر رساں ادارے کا کہنا ہے کہ طیارے نے مریخ پر پہلا چینی نقش چھوڑا ہے۔
چینی صدر ژی جن پنگ نے مشن میں شامل تمام عملے کو مبارک بادی کا پیغام بھیجا ہے۔
SEE ALSO: مریخ پرناسا کے ہیلی کاپٹر کی پہلی کامیاب تجرباتی پروازچین کے صدر نے کہا کہ آپ سب اس چیلنج کو لینے کے لیے بہادر تھے۔ آپ نے عمدگی سے چین کو سیاروں کے کھوج کے میدان میں آگے بڑھایا ہے۔
چینی اسپیس نیوز نے رپورٹ کیا کہ طیارہ بیجنگ کے وقت کے مطابق کی ایک بجے شب اپنے مدار سے نکل کر مریخ پر اترنے لگا اور تین گھنٹے کے بعد وہ مریخ کی فضا میں داخل ہوا تھا۔
The lander carrying China%27s first Mars rover has touched down on the red planet, the China National Space Administration (CNSA) confirmed on Saturday morning. #GLOBALink pic.twitter.com/R2VcYVM0bT
— China Xinhua Sci-Tech (@XHscitech) May 15, 2021
چین کے سرکاری خبر رساں ادارے نے خلائی مشن کی انتظامیہ کے توسط سے رپورٹ کیا کہ یہ طیارہ بیجنگ کے وقت کے مطابق صبح سات بج کر 18 منٹ پر مریخ کی سطح پر اترا۔ اس طیارے نے 17 منٹ میں اپنے سولر پینل اور انٹینا کے نظام کو بحال کیا اور 320 ملین کلومیٹر کے فاصلے سے زمین پر سگنل بھیجنا شروع کر دیے۔
اس طیارے میں موجود خلائی گاڑی کو، جسے روور کہا جاتا ہے، زہورونگ کا نام دیا گیا ہے۔
اس خلائی گاڑی میں چھ سائنسی آلات ہیں جن میں ہائی ریزولوشن ٹوپوگرافی کا کیمرہ بھی شامل ہے۔ یہ کیمرہ مریخ کا جغرافیہ، اس کی سطح اور فضا کا مطالعہ کرے گا۔
تیانون-1، جس کا مطلب آسمانوں سے سوال اور ایک قدیم چینی نظم سے لیا گیا نام ہے، چین کا مریخ کی جانب پہلا مشن ہے۔
Your browser doesn’t support HTML5
اگر زہورونگ مریخ میں کامیابی سے کام شروع کر دیتا ہے تو چین پہلا ملک ہو گا جس کا خلائی جہاز مریخ کے مدار میں چکر مکمل کرنے کے علاوہ سطح پر اپنی پہلی کوشش میں ہی اترنے میں کامیاب رہا ہے۔
اس سال مریخ کی جانب بھیجے جانے والا تیسرا مشن متحدہ عرب امارات کا ’’ہوپ‘‘ یعنی امید ہے۔ یہ مشن مریخ کے مدار کے گرد چکر لگائے گا اور اس کی فضا کا معائنہ کرے گا۔ یہ مریخ پر نہیں اترے گا۔
چین ایک بڑے خلائی پروگرام کا ارادہ رکھتا ہے جس میں خلائی اسٹیشن کے علاوہ چاند پر خلاباز بھیج کر ریسرچ اسٹیشن کا قیام بھی شامل ہے۔