پاکستان کرکٹ ٹیم کے تینوں فارمیٹس کے کپتان بابر اعظم نے اپنی کارکردگی کے تسلسل سے ایک مرتبہ پھر ثابت کیا ہے کہ وہ قابلِ اعتماد بلے باز ہیں۔
منگل کو نیشنل اسٹیڈیم کراچی میں پاکستان سپر لیگ فائیو کے فائنل میں انہوں نے لاہور قلندرز کے خلاف نہ صرف ناقابلِ شکست اننگز کھیلی بلکہ وہ میچ اور ٹورنامنٹ کے بھی بہترین کھلاڑی قرار پائے۔
انہوں نے فائنل میچ میں ناٹ آؤٹ رہتے ہوئے 49 گیندوں پر 63 رنز کی ذمہ دارانہ اننگز کھیلی۔
پی ایس ایل فائنل سے قبل بیشتر ماہرینِ کرکٹ یہی تبصرے کر رہے تھے کہ بابر اعظم کا فیکٹر ایونٹ کے فائنل میں اہم کردار ادا کر سکتا ہے اور منگل کو دائیں ہاتھ سے کھیلنے والے بلے باز نے ماہرین کی اس بات کو درست ثابت کر دکھایا۔
انٹرنیشنل کرکٹ کونسل نے بھی اپنے ایک ٹوئٹ میں کہا کہ بابر اعظم کو روکا نہیں جا سکتا۔ وہ پی ایس ایل 2020 میں سب سے زیادہ رنز (473) بنانے والے بلے باز ہیں۔
Babar Azam in PSL 2020:🏏 Leading run-scorer with 473 runs at 59.12🎖️ Player of the Match in the Qualifier⭐ Player of the Match in the final🏆 Player of the TournamentUnstoppable 🙌 | 📸 @thePSLt20 pic.twitter.com/ty68iyTVeh
— ICC (@ICC) November 18, 2020
بابر اعظم نے ٹورنامنٹ کے تین بڑے ایوارڈز اپنے نام کیے جن میں کوالیفائنگ مقابلوں میں بہترین کھلاڑی کے علاوہ ٹورنامنٹ اور پی ایس ایل فائنل کے بھی بہترین کھلاڑی ہونے کا اعزاز شامل ہے۔
بابر اعظم کی زبردست کارکردگی کے بعد ان کے نام کا ہیش ٹیگ پاکستان میں ٹرینڈ کرتا رہا جس میں کرکٹ کے مداح اپنے جذبات کا اظہار کر رہے ہیں۔
کرکٹ کے تجزیہ کار آکاش چوپڑا نے کراچی کنگز کو فائنل میں جیت پر مبارک باد دیتے ہوئے کہا کہ بابر اعظم میچ کے اختتام تک کریز پر اس لیے موجود تھے تا کہ یہ یقینی بنا لیا جائے کہ میچ میں مزید کوئی ٹوئسٹ نہ آئے۔
Well done, #KarachiKings 👏👏 Babar was there till the end to ensure that no more twists in their already exciting tale. Guy is cut above the rest. Deano will be happy seeing his team lift the 🏆 for the first time. #PSLFinal
— Aakash Chopra (@cricketaakash) November 17, 2020
جنوبی افریقہ کے بلے باز کولن انگرام نے کراچی کنگز کی جیت پر ٹیم اور فرنچائز اونر کو مبارک باد دی اور کہا کہ بابر اعظم ایک خاص کھلاڑی اور زبردست شخصیت کے مالک ہیں۔ اُن کے بقول یہ دیکھ کر اچھا لگا کہ بابر اعظم نے ثابت کیا کہ وہ نمبر ون کھلاڑی کیوں ہیں۔
Congratulations to the @KarachiKingsARY & @Salman_ARY on winning the @thePSLt20 . Sure a lot of emotion in the win. @babarazam258 is an special player & a fantastic guy , great to see him getting all the recognition he deserves💪 #No.1 #PSL2020 #BabarAzam #cricket #PSL5
— Colin Ingram (@CAIngram41) November 18, 2020
ایک ٹوئٹر صارف نے انڈین پریمیئر لیگ کے 2020 کی فاتح ٹیم ممبئی انڈین کے کپتان روہت شرما اور بابر اعظم کی تصویر شیئر کرتے ہوئے سوال کیا ہے کہ ان دونوں میں سے کون بہترین ہے۔
Who Is Best #Babar or #Rohit pic.twitter.com/cWD24llO4g
— Ghani Albaloshi (@albaloshi_ghani) November 18, 2020
کرکٹ پر گہری نظر رکھنے والے وجے لوکاپالی کہتے ہیں بابر اعظم کا کسی کھلاڑی کے ساتھ مقابلہ کرنا ان کی کارکردگی اور صلاحیت کو کم کرنے کے مترادف ہو گا۔ اُن کے بقول جس طرح وسیم اکرم اور جاوید میانداد کا ایک مقام ہے اسی طرح بابر اعظم بھی ایک عظیم کھلاڑی بن رہے ہیں۔
Why can%27t @babarazam258 be Babar Azam ? A brand of his own ! Comparing him to others is demeaning his efforts and class. Can%27t remember Miandad or @wasimakramlive being compared to anyone. They stood towering on their own. Let%27s enjoy Babar, a great in the making, for what he is.
— Vijay Lokapally (@vijaylokapally) November 17, 2020
ریحان دیدا نامی ٹوئٹر صارف کہتے ہیں کرکٹ کی موجودہ جنریشن میں بابر اعظم کو کھیلتے دیکھنا بہت اچھا لگتا ہے۔
With all types of textbook cricketing shots and one of the best cover driver of the ball currently, @babarazam258 is the most aesthetically pleasing batsman to watch in current generation.#PSL2020 #babarazam #KarachiKings pic.twitter.com/RdayU4Cwra
— Rehan Deda (@cricmaniac_13) November 18, 2020
ایک ٹوئٹر صارف نے بابر اعظم کی تعریف کچھ اس انداز میں کی۔ "یہ شخص، اس کی کارکردگی اور بیٹنگ۔ اُف تیری ہر ادا۔"
THIS PERSON, HIS PERFORMANCE, HIS BATTINGGGGUFF TERI HR ADAAAAA... 😍😍I AM LOVING THIS MAN MORE THAN EVERRRR.May Allah bless him with more success. MashaAllah.Man of the tournament is a Pakistani player. MashaAllah pic.twitter.com/kLa4iuEwPL
— Ants Everafter (@TheNamalGirl) November 17, 2020
خرم عزیز نامی ٹوئٹر صارف نے کراچی کنگز کو مبارک باد دیتے ہوئے کہا کہ بابر اعظم نے ٹورنامنٹ کے بہترین کھلاڑی کا اعزاز حاصل کر کے ثابت کیا ہے کہ وہ باس ہیں۔
Congratulations Karachi Kings and all their fans, well played!!!Babar the Man of the Tournament showing why HE IS THE BOSS!!!!
— Khurram Aziz (@khurramaziz123) November 17, 2020
یاد رہے کہ پاکستان کرکٹ بورڈ نے حال ہی میں بابر اعظم کو ون ڈے اور ٹی ٹوئنٹی کے بعد ٹیسٹ ٹیم کا بھی کپتان مقرر کیا ہے۔
بابر اعظم اب تک 29 ٹیسٹ، 77 ون ڈے اور 44 ٹی ٹوئنٹی میچز میں پاکستان ٹیم کی نمائندگی کر چکے ہیں۔ انہوں نے تینوں فارمیٹس میں بالترتیب 2045، 3580 اور 1681 رنز بنائے ہیں۔
بابر اعظم کی قیادت میں پاکستان ٹیم نے اب تک تین ون ڈے میچز کھیلے ہیں جن میں دو میچز میں کامیابی پاکستان ٹیم کے نام رہی جب کہ ایک میچ ڈرا ہوا۔
اسی طرح بابر اعظم اب تک 11 ٹی ٹوئنٹی میچز میں ٹیم کی قیادت کر چکے ہیں۔ اُن کی قیادت میں پاکستان نے چھ میچز میں کامیابی، تین میں ناکامی اور دو میچز کا کوئی فیصلہ نہ ہو سکا۔