پاکستان کے معروف گلوکار اور اداکار علی ظفر "بھائی" کے روپ میں پہلی بار پاکستان سپر لیگ کے آغاز میں ہونے والے ایک تنازع کی کے بعد لوگوں کے سامنے آئے تھے۔ لیکن ان کا "بھائی" والا انداز اتنا مقبول ہوا کہ وہ اب سوشل میڈیا پر بھائی کے نام سے ہی پہچانے جا رہے ہیں۔
کرونا وائرس کی پاکستان آمد کے بعد کچھ سوشل میڈیا صارفین علی ظفر سے متعلق دلچسپ تبصرے کر رہے تھے اور کرونا وائرس روکنے کے لیے ان سے مدد مانگ رہے تھے۔
مثال کے طور پر ایک ٹوئٹر صارف محمد حارث نے علی ظفر کو مخاطب کرتے ہوئے لکھا کہ بھائی کرونا وائرس کا کچھ کرو، ہمیں ڈر لگ رہا ہے۔
@AliZafarsays bhae corona virus ka kch karo drr lag raha hai hame...
— Muhammad Haris (@haris8339) March 13, 2020
شاہ زیب اعجاز نامی صارف نے بھی علی ظفر سے کچھ ایسا ہی مطالبہ کیا۔
@AliZafarsays bhai Corona Virus ko b solve kar den #bhaihazirhai
— Shahzeb Ijaz 💿 (@ShahzebIjazREAL) March 14, 2020
ایک اور ٹوئٹر صارف نے لکھا کہ کرونا وائرس پاکستان آگیا ہے۔ بھائی کا کتنا ہاتھ ہے اس میں؟
@AliZafarsays Corona Virus Pakistan aa gya hai Bhae ka Kitna hath hai es mein?#CoronaVirusPakistan #bhaeehazirhay
— Bari Khan Pitafi (@BariKhanWorld) March 13, 2020
علی ظفر نے صارفین کی ان ٹوئٹس پر کوئی تو تبصرہ نہیں کیا۔ لیکن وہ کرونا وائرس سے متعلق ایک نئی ویڈیو کے ساتھ دوبارہ لوگوں کے سامنے آئے ہیں۔
اپنی حالیہ ویڈیو میں علی ظفر "بھائی" بن کر اپنے مخصوص انداز میں کرونا وائرس سے بچنے کے طریقے بتا رہے ہیں۔
مذکورہ ویڈیو حکومتِ پنجاب نے علی ظفر کے تعاون سے بنائی ہے جس کا مقصد زیادہ سے زیادہ لوگوں تک کرونا وائرس سے متعلق آگاہی پہنچانا ہے۔
ویڈیو میں علی ظفر ناظرین سے کہتے ہیں کہ "بھائی حاضر ہے اور بھائی کی بات بہت اہم ہے جسے سننا ضروری ہے۔"
Your browser doesn’t support HTML5
کرونا وائرس سے بچاؤ کے لیے 'بھائی' حاضر
علی ظفر ویڈیو میں کرونا وائرس کو جان کا عذاب قرار دیتے ہوئے کہتے ہیں کہ اپنی بھی جان عذاب میں نہ ڈالیں اور دوسروں کی بھی نہ ڈالیں۔ وہ احتیاطی تدابیر کے بارے میں بتاتے ہوئے کہتے ہیں کہ ہاتھ کو دھوتے رہیں اور انہیں منہ کے پاس نہیں لانا۔
وہ مزید کہتے ہیں کہ اگر چھینک آئے تو دوسروں کا خیال کرتے ہوئے کنٹرول کر کے مارنی ہے اور پھر ہاتھ دھونے ہیں اور نزلہ و زکام کی صورت میں فوراً اسپتال سے رجوع کرنا ہے۔
البتہ حیران کن بات یہ ہے کہ علی ظفر کی یہ ویڈیو سوشل میڈیا پر کہیں دکھائی نہیں دے رہی۔