یمن میں محکمہ صحت کے عہدے داروں اور طبی عملے کا کہنا ہے کہ ملک کے شمال مغربی حصے میں ایک فضائی حملے کے نتیجے میں کم از کم 26 افراد ہلاک ہو گئے ہیں۔
بدھ کے روز صوبے صعدہ میں کیے گئے فضائی حملے کا نشانہ ایک ہوٹل اور اس سے ملحق مارکیٹ بنی۔
یہ علاقہ سعودی سرحد کے قریب واقع ہے
ہوثی باغیوں نے ، جو گذشتہ تین سے یمن کے دارالحکومت پر قابض ہیں، الزام لگایا ہے کہ یہ حملہ سعودی قیادت کے اتحاد نے کیا تھا۔
انسانی حقوق کی تنظیمیں سعودی فوجی اتحاد پر یہ الزام لگاتی رہیں کہ وہ مارچ 2015 میں یمن کی حکومت کی حمایت میں شروع کی جانے والے فضائی حملوں میں شہری آبادیوں کو نشانہ بنا رہی ہیں۔
ہوثی باغیوں نے یمن کی بین الاقوامی طور پر تسلیم شدہ حکومت کا تختہ الٹ کر صدر منصور ہادی کو فرار ہونے پر مجبور کر دیا تھا۔
