افغانستان: سالنگ سرنگ میں آتش زدگی سے 31 افراد ہلاک درجنوں زخمی
طالبان حکومت کی وزارت صحت کا کہنا ہے کہ ہفتے کی رات سالنگ سرنگ کے اندر ایک آئل ٹینکر میں آگ لگ گئی جس کے نتیجے میں اس حادثے میں 31 افراد هلاک اشر 37 زخمی ہو گئے۔
اس واقعے کے بعد شاہراہ سالنگ کو ٹریفک کے لیے بند کردیا گیا۔
وزارت کے ترجمان ڈاکٹر شرفت زمان امرخیل نے صحافیوں کو بتایا کہ ہلاکتوں کی تعداد میں اضافے کا خدشہ ہے۔
طالبان حکومت کے مطابق شاہراہ سالنگ تاحال ٹریفک کے لیے بند ہے۔
ایران میں جاری مظاہروں میں ہلاک ہونے والوں کی تعداد 500 تک پہنچ گئی
امریکہ میں مقیم حقوق کے نگران خبر رساں ادارے ’ایچ آر اے این اے‘ کے مطابق ایران میں ستمبر کے وسط سے شروع ہونے والے مظاہروں کے بعد سے اب تک کم از کم 500 افراد ہلاک ہو چکے ہیں۔
انسانی حقوق کے کارکنوں کی نیوز ایجنسی نے کہا کہ مرنے والوں میں 18 سال سے کم عمر کے 69ر افراد بھی شامل ہیں۔ جب کہ ایچ آر اے این اے کا کہنا ہے کہ ایرانی حکام اب تک 18 ہزار4 سو سے زیادہ افراد کو گرفتار کر چکے ہیں۔
تبریز میں ایک سیمنٹ کمپنی میں فائر فائٹرز اور کارکنوں سمیت یونین کے ارکان نے مظاہروں میں حصہ لیتے ہوئے اتوار کو بھی احتجاج جاری رکھا۔
فلم سازوں اور آرٹ کے شعبے سے تعلق رکھنے والے افراد نے تہران کی ایون جیل کے سامنے اکھٹے ہوکر اداکارہ ترانے علی دوستی کی گرفتاری کے خلاف احتجاج کیا جنہیں اس بنا پر گرفتار کیا گیا تھا کہ انہوں نے احتجاج کی حمایت کا اظہار کرتے ہوئے ایک تصویر پوسٹ کی تھی۔
ترانہ فلم 'دی سیلزمین' میں اداکاری کے جوہر دکھا چکی ہیں جسے پوری دنیا میں پذیرائی ملی تھی۔ انہیں اپنی پرفارمنس پر آسکر ایوارڈ بھی مل چکا ہے۔
کینیڈا: ٹورنٹو میں فائرنک کے واقعہ میں پانچ افراد ہلاک
کینیڈا کے شہر ٹورنٹو کے ایک مضافاتی علاقے میں اتوار کو فائرنگ کے نتیجے میں پانچ افراد ہلاک اور ایک زخمی ہو گیا۔ جب کہ قانون نافذ کرنے والے اداروں کے ساتھ فائرنگ کے تبادلے کے بعد فائرنگ میں ملشث مشتبہ شخص بھی ہلاک ہو گیا
مقامی پولیس کے سربراہ جم میکسوین نے صحافیوں کو بتایا کہ فائرنگ ایک اپارٹمنٹ بلڈنگ میں ہوئی ۔زخمی ہونے والے شخص کو اسپتال داخل کرا دیا گیا ہے اور اس کی حالت خطرے سے باہر ہے۔
پولیس اس بارے میں تحقیقات کر رہی تھی کہ آیا فائرنگ کا ہدف بنے والے افراد اور حملہ آور کے درمیان کوئی تعلق یا کوئی تنازع تھا۔
پولیس نے ابھی تک حملہ آور کی شناخت ظاہر نہیں کی۔
پولیس کا یہ بھی کہنا ہے کہ بظاہر یوں لگتا ہے کہ اس حملے میں کوئی اس کے ساتھ شریک نہیں تھا۔
یہ واقعہ ٹورینٹو کے شمال میں لگ بھگ 30 کلومیٹر کے فاصلے پر واقع وانگن نامی مضافاتی آبادی میں پیش آیا جہاں حملہ آور نے مختلف اپارٹمنٹس میں رہنے والو کو گولیاں مار کر ہلاک کیا۔
کینیڈین میڈیا نے بتایا کہ رہائشیوں کو فوری طور پر علاقے سے نکال لیا گیا ہے اور درجنوں ایمبولینسیں اور پولیس اہلکار جائے وقوعہ پر دیکھے گئے۔
اگرچہ کینیڈا میں امریکہ کے مقابلے میں فائرنگ کے واقعات کم ہوتے ہیں لیکن اب وہاں بھی گن تشدد میں اضافہ ہوا ہےاور حال ہی میں ہینڈ گن پر پابندی کے لیے قانون سازی کی گئی ہے۔
بلوچستان کے علما، عمائدین اور تاجروں کے وفد کی افغانستان میں طالبان حکام سے ملاقات
طالبان حکام نے پیر کے روز پاکستان کے صوبہ بلوچستان کے پاکستانی علماء، قبائلی عمائدین اور تاجروں کے ایک مشترکہ وفد سے صوبہ قندھار کے ضلع اسپن بلدک میں ملاقات کی۔
طالبان کی قندھار صوبائی حکومت کی طرف سے جاری ایک بیان میں کہا گیا ہے کہ دونوں فریقوں نے چمن اسپن بلدک سرحدی کراسنگ پوائنٹ کے قریب حالیہ جھڑپوں پر تبادلہ خیال کیا۔
بیان میں مزیدکہا گیا ہے کہ طالبان نے وفد کو بتایا ہے کہ طالبان جنگجوؤں نے اپنی سرزمین کے دفاع کے لیے ایسا کیا۔
بیان کے مطابق پاکستانی وفد نے طالبان حکام کو بتایا کہ وہ پاکستانی حکام سے ملاقات کے نتائج پر بات کریں گے۔