صدر بائیدن کا طوفان سے متاثرہ پورٹریکو کا دورہ

صدر جو بائیڈن پیر کو پورٹریکو کا دورہ کر رہے ہیں جہاں وہ ہری کین فیونا سے ہونے والے نقصانات کا جائزہ لیں گے۔ سمندری طوفان گزرنے کے دو ہفتے بعد اب بھی ہزاروں افراد بجلی سے محروم ہیں اور ان کے گھر تاریکی میں ڈوبے ہوئے ہیں ۔

کیٹگری ون کے ہری کین نے32 لاکھ لوگوں پر مشتمل اس امریکی علاقے میں بجلی کا سلسلہ منقطع کر دیا ہے جہاں 44 فیصد لوگ غربت کی لکیر سے نیچے زندگی گزار رہے ہیں۔ اس علاقے کے 14 لاکھ 70 ہزار صارفین میں سے لگ بھگ 90 فیصد کی بجلی بحال کر دی گئی ہے لیکن ایک لاکھ 37 ہزار لوگ ابھی تک بجلی سے محروم ہیں ۔

اس کے علاوہ ہ 66 ہزارلوگوں کو پینے کا صاف پانی سبھی میسر نہیں ہے۔ بایڈن نے اتوار کو اپنے سرکاری ٹوئٹر اکاونٹ پر ایک پیغام میں پورٹو ریکو اور فلوریڈا کے لوگوں سے کہا ،" ہم دیکھ رہے ہیں کہ آپ پر کیا گزر رہی ہے، ہم آپ کے ساتھ ہیں" ۔

بائیڈن بدھ کو فلوریڈا میں ہونے والے نقصانات کا جائزہ لینے کے لیے وہاں جائیں گے۔

یورپ کو موسم میں قدرتی گیس کی شدید قلت کا سامنا ہو سکتا ہے

توانائی کے بین الاقوامی ادارے نے کہا کہ اس موسم سرما میں یورپ کوقدرتی گیس کی سپلائی میں غیر معمولی خطرات کا سامنا کر رہاہے۔

پیرس میں قائم آئی اے ای اے نے پیر کے روز گیس کے بارے میں جاری اپنی سہ ماہی رپور ٹ میں کہا کہ روس کی جانب سے یوکرین کی جنگ کے دوران پائپ لائن کے ذریعے گیس کی سپلائی مکمل طور پر بند کرنے کی صورت میں یورپی یونین کے ملکوں کے پاس گیس کی شدید قلت سے بچنے کا واحد طریقہ یہ ہی ہے کہ توانائی کی بچت کی جائے، اور انہیں موسم سرما میں گیس کا استعمال تیرہ فیصد تک کم کرنے کی ضرورت ہوگی۔ گ

روپ کا کہنا ہے کہ زیادہ تر بچت صارفین کے رویوں سے ہوگی مثلاً تھرمو اسٹیٹ کو ایک ڈگری کم کردینا اور بوائلر کے درجہ حرارت کو ایڈ جسٹ کرنا اور انڈسٹرئیل اور یوٹیلیٹی کو کم کرنا ۔

یوکریں: بحری جہازوں سے غریب ملکوں کو بھیجی جانے والی 530 ملین ڈالر کی گندم کی چوری

ایسوسی ایٹڈ پریس اور پی بی ایس سیریز "فرنٹ لائن" کی ایک تحقیقات نے ایک جدید ترین روسی اسمگلنگ آپریشن کے بارے میں معلومات فراہم کی ہیں جن کے مطابق جہاز کے مال کی جعلی فہرستوں اور سمندری ذخ کے استعمال سے کم از کم 530 ملین ڈالر مالیت کا یوکرینی اناج چوری کیا گیا ہے۔

اے پی اور فرنٹ لائن نے سیٹلائٹ تصاویر اور بحری رے ڈار کے ڈیٹا کو استعمال کر کے ان تین درجن بحری جہازوں کو ٹریک کیا جو یوکرین میں روس کے زیر قبضہ علاقوں سے مشرق وسطی کی بندر گاہوں تک گندم پہنچانے کے لئے پچاس سے زیادہ سفر کرتے ہیں ، انہیں معلوم ہوا کہ یہ چوری دولتمند تاجر اور روس اور شام میں سرکاری ملکیت کی کمپنیاں کر رہی ہیں ۔ ان میں سے کچھ پر پہلے ہی امریکہ اور یورپی یونین نے پابندیاں عائد کر دی ہیں۔

قانونی ماہرین کا کہنا ہے کہ چوری ایک ممکنہ جنگی جرم ہے ۔ کریملن نے کسی بھی قسم کے اناج کی چوری سے انکار کیا ہے لیکن روس کی سرکاری خبر رساں ایجن سی طاس نے 16 جون کو خبر دی تھی کہ یوکرین کا اناج ٹرکوں کے ذریعےکرائمیا بھیجا جا رہا ہے جس کے نتیجے میں سر حدی چیک پوائنٹس پر طویل قطاریں لگ گئی ہیں۔

طاس نے بعد میں خبر دی کہ اناج کرائمیا پہنچ گیا ہے اور کہ اضافی رسدیں توقع ہے کہ مشرق وسطی اور افریقہ کے صارفین کے لیے بھیجی جائیں گی۔

سمندیر طوفان ایان: عام شہری سیلاب میں پھنسنے ہوئے افراد کو نکالنے میں پیش پیش

ایسے میں کہ جب فلوریڈا میں حکام گزشتہ ہفتے سمندری طوفان ایان کے ساحل پر آنے کے بعد سیلابی پانیوں میں پھنسے ہوئے یا جزیروں پر الگ تھلگ ہو جانے والے لوگوں تک پہنچنے کی کوشش کر رہے ہیں، لوگ بھی سرکاری امدادی کوششوں میں مدد کے لیے آگے آ رہے ہیں۔

ایسو سی ایٹڈ پریس کے مطابق ایک گروپ، پراجیکٹ ڈائنومو نے 20 سے زیادہ لوگوں کی جان بچائی ہے، جن میں سے بہت سے عمر رسیدہ افراد ہیں۔

یہ لوگ اس وقت سینیبل جزیرے پر پھنس گئے تھے جب طوفان نے اسے فلوریڈا سے ملانے والا پل بہا دیاتھا۔

جزیرے میں پھنسے ہوئے لوگوں کو بچانے کے لیے امدادی گروپ کشتیوں، پیڈل بورڈز، واٹر اسکوٹروں اور دیگر وسائل کا استعمال کرتے ہوئے جزیرے تک پہنچا اور انہیں وہاں سے نکلنے میں مددفراہم کی۔