روس دوہری شہریت رکھنے والے امریکیوں کو یوکرین جنگ کے لیے بھرتی کر سکتا ہے: امریکی محکمہ خارجہ
امریکی محکمہ خارجہ نے بدھ کے روز اس پر تشویش کا اظہار کیا کہ ماسکو روس کے ساتھ دوہری شہریت کے حامل امریکیوں کو یوکرین کے خلاف اپنی جنگ میں لڑائی میں مدد کے لیے بھرتی کر سکتا ہے۔
محکمے کے ایک بیان میں کہا گیا ہے کہ ،" روس دوہری شہریت کے حامل امریکی شہریوں کی شہریت کو تسلیم کرنے سے انکار کر سکتا ہے۔ امریکی قونصلر کی معاونت کے لیے ان کی رسائی سے انکار کر سکتا ہے ۔ روس سے ان کی روانگی کو روک سکتا ہے اور دوہری شہریت رکھنے والوں کو فوجی سروس کے لیے بھرتی کر سکتا ہے۔
انہوں نے مزید وضاحت سے کہا کہ امریکی شہریوں کو روس کا سفر نہیں کرنا چاہئے اور یہ کہ جو کوئی بھی وہاں ہے ، اسے فوری طور پر روس سے روانہ ہو جانا چاہئے۔
اس کے علاوہ امریکی محکمہ خارجہ نے امریکیوں کو خبردار کیا کہ،" روس میں پر امن اجتماع اور اظہار کی آزدی کے حق کی ضمانت نہیں ہے۔ ہر قسم کے سیاسی یا معاشرتی مظاہروں سے گریز کریں اور ان واقعات کے دوران سیکیورٹی کے عملے کے فوٹو نہ بنائیں ۔ روسی حکام نے ان امریکی شہریوں کو گرفتار کر لیا ہے جنہوں نے مظاہروں میں شرکت کی ۔
اٹلی کی سیاست میں تبدیلی، نئی منتخب لیڈر کا جھکاؤ تائیوان کی جانب
اٹلی نے دوسری جنگ عظیم کے خاتمے کے بعد سے اپنی انتہائی دائیں بازو کی حکومت کو منتخب کیا ہے، اور اٹلی کی اگلی وزیر اعظم بننے کی پوزیشن کی حامل جارجیا میلونی کی جانب سےبیجنگ اور تائیوان سےمتعلق ان کےتبصروں کی بنیاد پر چین کےمبصرین ان کے اور بیجنگ کے درمیان ایک مختلف قسم کے تعلقات کی توقع کر رہے ہیں۔
اطالوی انتخابات میں ایشیا میں سفارتی امور عام طور پر سیاسی بحث کا محور نہیں ہوتے ہیں، لیکن تجزیہ کاروں کا کہنا ہے کہ انتخابات سے قبل میلونی نے تائیوان کے بارے میں ایک غیر معمولی بیان دیا، جس میں جزیرے کے لیے چین کے فوجی خطرات کے خلاف آواز اٹھائی گئی۔
انہوں نے یہ بھی کہا کہ وہ اٹلی اور تائیوان کے درمیان دو طرفہ رابطوں کو فروغ دیں گی، جس کی بیجنگ سختی سے مخالفت کرتا ہے۔
گزشتہ ہفتے ، تائیوان کی سرکاری سینٹرل نیوز ایجنسی کو ایک انٹر ویو میں میلونی نے کہا کہ ان کی پارٹی جس کی وہ قائد ہیں، اٹلی کے بھائی ، تائیوان کے لیے چین کے فوجی خطرے کی مذمت کرنے میں جمہوری ملکوں کےساتھ شامل ہو ں گے اور یہ کہ یورپی یونین کو اپنے تمام سفارتی اور سیاسی وسائل کو آبنائےتائیوان میں تنازعوں سے گریز پر دباؤ ڈالنے کے لیے استعمال کرنا چاہئے۔
جنوبی کوریا، امریکہ اور جاپان کی بحریہ کی مشترکہ فوجی مشقیں
اس ہفتے شمالی کوریا کی جانب سے بظاہر جنوبی کوریا اور امریکی فورسز کی دوطرفہ تربیت کے جواب میں، بالسٹک میزائلوں کے تجربات کی تجدید کے بعد ،جنوبی کوریا ، امریکہ اور جاپان کے بحری جنگی جہازوں نے جمعے کے روزپانچ برسوں میں اپنی پہلی اینٹی سب میرین مشقیں شروع کیں ۔
جنوبی کوریا کی بحریہ کےایک بیان کے مطابق جزیرہ نما کوریا کے مشرقی ساحل کے قریب ایک روزہ سہ فریقی تربیت کا مقصد شمالی کوریا کی جانب سے آبدوزوں سے میزائل فائر کر نے کی اپنی صلاحیت میں اضافے کے دباو سے نمٹنا ہے ۔
شمالی کوریا، جوہری طاقت سے چلنے والی ایک آبدوز سمیت، زیادہ بڑی آبدوزیں بنا رہا ہے اور جدید میزائلو ں کے تجربات کر رہا ہے جنہیں حالیہ برسوں میں فائر کیا جا سکتا ہے ۔
شمالی کوریا کی جانب سے حال ہی میں پانچ میزائلوں کے تجربات ، ایک ماہ میں ایسے پہلے تجربات ہیں اور امریکی نائب صدر کاملا ہیرس کے جنوبی کوریا کے دورے سے قبل اور بعد میں ہوئے ہیں ۔
ملکہ الزبتھ دوم کے انتقال کی وجہ طویل العمری
برطانیہ کی سب سے طویل عرصے تک حکمرانی کرنے والی ملکہ الزبتھ دوم کے بارے میں نیشنل ریکارڈز آف اسکاٹ لینڈ کی جانب سے جاری ڈیتھ سرٹیفکیٹ کے مطابق ، ان کی موت کی وجہ ان کی " طویل العمری تھی۔
ان کی وفات کا وقت سہ پہر تین بجے درج کیا گیا ہے۔
انتقال کے وقت وہ اسکاٹ لینڈ ، بالٹر کےبالمورل قلعے میں تھیں۔ بکنگھم پیلیس نے ان کی وفات کا اعلان آٹھ ستمبر کو شام ساڑھے چھ بجے اس نشاندہی کے ساتھ کیا کہ آخری لمحات میں ان کےساتھ صرف کنگ چارلس سوم اور ان کی بہن شہزادی این موجود تھیں۔
ڈیتھ سرٹیفکیٹ کی تصدیق ڈاکٹر ڈگلس جیمز ایلن گلاس نے کی ۔
ایلزبتھ اپنی زندگی کے آخری مہینوں کے دوران گاہے گاہے نقل و حرکت کے مسائل سے دوچار تھیں جس کی وجہ سے وہ اکثر ایک واکنگ چھڑی پر انحصار کرتی تھیں اور کئی عوامی تقریبات میں جانے سے قاصر تھیں۔