ایان نے کیٹیگری فور کے خطرناک طوفان کی شکل اختیار کرلی، فلوریڈا سے 25 لاکھ افراد کے انخلا کا حکم

سمندری طوفان ایان ایک خطرناک بڑے سمندری طوفان کے طور پر فلوریڈا کی طرف بڑھ رہا ہے ، اور بہت سے رہائشیوں طوفان کی آمد سے پہلے محفوظ مقامات کی طرف چلے گئے ہیں۔

سمندری طوفانوں کی نگرانی سے متعلق امریکی ادارے یو ایس نیشنل ہریکین سینٹر کا کہنا ہے کہ ایان بدھ کے روز جنوب مغربی فلوریڈا سسے ٹکرا سکتا ہے، اس وقت تک ایان کیٹیگری 4 کا سمندری طوفان بن سکتا

ہے۔ اس کیٹیگری کو خطرناک طوفان سمجھا جاتا ہے۔

موسمیات کے ماہرین کا کہنا ہے کہ اس طوفان کے ساتھ شدید بارشیں، تیز ہوائیں اور طاقت ور بپھرئی ہوئی سمندری لہریں متوقع ہیں، جس کے پیش نظرحکام نے طوفان کا ہدف بننے والے امکانی علاقوں سے کم ازکم 25 لاکھ افراد کو محفوظ مقامات پر چلے جانے کا مشورہ دیا ہے۔

طوفان کے ساتھ 39 میل فی گھنٹہ کی رفتار سے چلنے والی ہوائیں صبح تین بجے کے لگ بھگ فلوریڈا پہنچ گئی تھیں ۔ فلوریڈا کے گورنر ران ڈیسنٹس نے کہا کہ ایک ساحلی شہر ساراسوٹا میں ایک نیوز کانفرنس میں کہ یہ ایک بڑا طوفان ہے۔ انہوں نے انتباہ کیا کہ طوفان کی شدت میں اضافہ زندگیوں کے لیے خطرناک ہو سکتا ہے۔

کیوبا کے مغربی سرے پر ہری کین ایان کے ٹکرانے کے بعد پاور گرڈ بند ہو گیا جس سے ملک تاریکی میں ڈوب گیا اور ملک کے کچھ انتہائی اہم تمباکو کے فارمز کو بری طرح نقصان پہنچا ۔

کیوبا کی الیکٹرک یونین نے کہاہےکہ حکام رات بھر گیارہ ملین لوگوں پر مشتمل اس ملک میں بجلی کی بتدریج بحالی کے لئے رات بھر کام کرتے رہے ۔ایان نے کیوبا کو ایسے میں اپنی لپیٹ میں لیا ہے جب وہ ایک اقتصادی بحران سے نمٹ رہا ہے اور حالیہ مہینوں میں متعدد بار بجلی کی بندش کا شکار رہا ہے ۔

برطانوی پاؤنڈ کی قدر میں کمی، آئی ایم ایف کا ٹیکس کٹوتیوں پر نظرثانی کا مشورہ

بین الاقوامی مالیاتی فنڈ نے برطانوی حکومت پر زور دیا ہے کہ وہ غیر فنڈڈ ٹیکس کٹوتیوں کے پیکج کا "دوبارہ جائزہ" لے جس کے بارے میں اس کا کہنا ہے کہ وہ افراط زر اور معاشی عدم مساوات میں اضافے کی وجہ بن سکتا ہے ۔

حکومت نے معاشی شرح نمو کو تیز کرنے کی کوشش میں جمعے کے روز ٹیکسوں میں کٹوتیوں کے 45 ارب پاؤنڈ یا 48 ارب ڈالر کا ایک پیکیج پیش کیا ۔ لیکن یہ منصوبہ اخراجات میں کمی کے ساتھ نہیں تھا، جس سے یہ خدشات پیدا ہوئے کہ اس سے حکومتی قرضے بڑھ جائیں گے اور افراط زر میں مزید اضافہ ہو گا جو پہلے ہی 40 سال کی بلند ترین سطح پر پہنچ چکی ہے۔

حکومت کی پالیسیوں کے بارے میں سرمایہ کاروں کی تشویش کے دوران پیر کو برطانوی پاؤنڈ امریکی ڈالر کے مقابلے میں ایک ریکارڈ کم ترین سطح پر آگیا۔

روس نے ریفریڈم کے بعد یوکرین کے چار علاقوں سے الحاق کا انتظام کر ا

وائٹ ہاؤس میں بھوک پر قابو پانے سے متعلق کانفرنس

امریکی صدر جو بائیڈن نے بھوک پر وائٹ ہاؤس کی50 سال میں ہونے والی پہلی کانفرنس کا آغاز کرتے ہوئے امریکہ میں 2030 تک بھوک کے خاتمے اور خوراک سے منسلک بیماریوں میں کمی کے لیے متعدد اہداف طے کئے ۔

کانفرنس میں ماہرین نے اس بارے میں گفتگو کی کہ دنیا بھر میں خوراک کی سب سے زیادہ بین الاقوامی معاونت فراہم کرنے والا ملک اپنے لوگوں کو کس طرح بہتر طور پر خوراک فراہم کر سکتا ہے۔

صدر بائیڈن نے وفاقی حکومت کے متعدد اقدامات اور پبلک اور پرائیویٹ سیکٹر کے لیے آٹھ ارب ڈالر کے وعدوں کا اعلان کیا ۔

اس پروگرام کے تحت اسکولوں کے کھانوں میں اضافہ اور بچوں اور خاندانوں کے لیے خوراک سے منسلک سرکاری مراعات میں توسیع شامل ہیں۔

نیو یارک میں قائم بھوک سے متعلق ایک عالمی تنظیم ، کی ایگزیکٹیو ڈائریکٹر ، نورین سپرنگسٹیڈ نے وی او اے کو زوم کے ذریعے بتایا کہ ،" وفاقی حکومت بہت سے کام کر سکتی ہے لیکن بھوک کا خاتمہ درحقیقت وفاقی حکومت ، ریاستی حکومت ، مقامی حکومت ، کارپوریشنز ، فلاحی اداروں اور تمام سول سوسائٹی کی ایک مشترکہ کوشش ہونی چاہئے۔