کووڈ۔19 کے خلاف ایک نئی ویکسین کی منظوری

امریکہ کے صحت کے مشیروں نے اومیکرون ویرئینٹ کے خلاف مؤثر ایک نئے بوسٹرز کی توثیق یہ کہتے ہوئے کی کہ اگر کافی لوگوں نے یہ اپ ڈیٹڈ شاٹس لگوائے تو موسم سرما میں ہونے والے اضافے کو روکا جا سکتا ہے ۔

فائزر اور موڈیرنا کے بنائے ہوئے یہ شاٹس امریکیوں کو پینڈیمک کے ایک اور سخت عرصے میں انتہائی اپ ٹو ڈیٹ تحفظ فراہم کریں گے ۔

سی ڈی سی کا کہنا ہے کہ نئے اپ ڈیٹد شاٹس صرف بوسٹر کے طور پر استعمال ہونے کے لی

ے ہیں نہ کہ کویڈ کے پہلے شاٹس کے طور پر ۔ سی ڈی سی کے ایڈوائزر ڈاکٹر میتھِو ڈیلے Matthew Daley نے کہا ، کہ میرا خیال ہے کہ یہ شاٹس اس موسم خزاں سے لے کر موسم سرما تک بیماری کی روک تھام کے لئے ایک موثر ذریعہ ہوں گے۔

سی ڈی سی کے عہدے دارو ں نے کہا ہے کہ توقع ہے کہ اس ویکسین کی لاکھوں خوراکیں لیبر ڈے تک ملک بھر کے ویکسی نیشن سنٹرز تک پہنچ جائیں گی۔

نیویارک میں عوامی مقامات پر اسلحہ لے جانے پر پابندی لگا دی گئی

نیو یارک کے حکام نے اعلان کیا ہے کہ جلد ہی مشہور ٹائم اسکوائر ڈسٹرکٹ , نیو یارک شہر اور نیو یارک ریاست کے دوسرے عوامی مقامات پر اسلحہ لے کر جانے کی ممانعت ہو گی ، حتی کہ چھپا کر بھی ۔ اس سا ل کے شروع میں نیو یارک کی مقننہ نے حساس مقامات پر اسلحہ لے جانے پر پابندی کے قانون کی منظوری دی اور اس کی ڈیمو کریٹک گورنر کیتھی ہوچل نے اس پر دستخط کئے اور جمعرات کو یہ نافذ ہو گیا ۔ نیو یارک سٹی کے مئیر ایرک ایڈمز نے کہا ؛

" شہر نے ٹائم اسکوائر کے ارد گرد ایسے تحریری پیغامات پوسٹ کر دیے ہیں جن میں لوگوں کو مطلع کیا گیا ہے کہ یہ علاقہ گن فری زون ہے ۔ آپ اس بارے میں سوچئے ۔ ہمیں در اصل یہ کہنا ہے کہ ہما را شہراسلحہ سے پاک ایک علاقہ ہے "۔

یہ جون کے آخر میں امریکہ کی قدامت پسند اکثریت کی حامل سپریم کورٹ کے اس فیصلے پر رد عمل کا ایک حصہ تھا جس میں، امریکیوں کے اپنے گھر سے مسلح نکلنے کے حق کو تحفظ دیا گیا ہے اور نیو یارک کے 1913 کے اس قانون کو ختم کر دیا گیا ،جس میں اسلحہ ساتھ رکھنے پر پابندی تھی ۔ میئر نے " مین ہٹن کے مرکز میں واقع مشہور اسکوائر اور اس کے ارد گرد جمعرات تک لٹکا دئے جانےوالے ایک سائن بورڈ کی نقاب کشائی کی ۔ ٹائمز اسکوائر وہ مقام ہے جہا ں ہر سال اکٹھے ہونے والے 50 ملین لوگوں کے لیے دن رات بڑے بڑے الیکٹرانک بل بورڈز روشن کیے جاتے ہیں۔

جرمنی کی وزارت داخلہ کے ترجمان نے جمعے کے روز بتایا ہے کہ جرمنی اور 1972 کے میونخ اولمپکس میں قتل ہونے والے اسرائیلی ایتھلیٹس کے اہل خانہ نے کل 28 ملین ڈالر کے معاوضے کی پیشکش پر جمعہ کے روز اتفاق کیا ہے۔

خبر رساں ادارے رائٹرز کے مطابق مقتول کھلاڑیوں کے خاندانوں نے پچھلے مہینے، کہا تھا کہ وہ جرمن معاوضے کی تازہ ترین پیشکشوں سے ناخوش ہیں اور انہوں نے احتجاج کے طور پر حملے کی 50 ویں برسی کے موقع پر پیر کو میونخ میں ایک تقریب کا بائیکاٹ کرنے کا منصوبہ بنایا تھا۔

یہ واقعہ 5 ستمبر 1972 کو پیش آیا تھا جب بلیک ستمبر کے بنیاد پرست گروپ کے فلسطینی بندوق برداروں نے ، ایک ناقص سکیورٹی والے اولمپک ولیج سے اسرائیلی اولمپک ٹیم کے ارکان کو یرغمال بنا لیا تھا

24 گھنٹوں کے اندر اندر ، یرغمال کی کارروائی اور اس کے بعد ریسکیو کی کوششوں میں تعطل اور تنازعہ پھوٹ پڑنے کے بعد 11 اسرائیلی، 5 فلسطینی اور ایک جرمن پولیس اہلکار گولیاں لگنے سے ہلاک ہو گئے تھے۔

جمعرات کو ایک حملہ آور نے ان کی طرف بندوق تان لی ، لیکن وہ فائر کرنے میں ناکام رہا۔

ارجنٹائن کے صدر البرٹو فرنینڈیز نے ٹیلی وژن پر نشر ہونے والے خطاب میں بتایا کہ حملہ آور نے نائب صدر کرسٹینا فرنینڈز کے سر کا نشانہ لیا اور ٹرگر دبا دیا تھا۔

ناکام شوٹنگ کی ویڈیو میں دکھایا گیا ہے کہ بندوق کرسٹینا فرنینڈز کے چہرے کو تقریباً چھو رہی ہے۔

یہ واقعہ اس وقت پیش آیا جب نائب صدر اپنے حامیوں کے جھرمٹ میں عدالت سے گھر واپس لوٹ رہی تھیں۔

کرسٹینیا فرنینڈز کو، جو سال 2007 سے 2015 تک کے عہدہ صدارت پر فائز رہی ہیں، اس عرصے کے دوران بدعنوانی کے ارتکاب کے الزامات کا سامنا ہے۔ تاہم مز فرنینڈز ان الزامات کو سیاسی انتقام قرار دیتے ہوئے مسترد کر چکی ہیں۔

حملہ آور کو گرفتار کر لیا گیا ہے لیکن اس کی شناخت ظاہر نہیں کی گئی ہے۔