صدر بائیڈن کا جرائم کی روک تھام پر زور

امریکی صد ر جو بائیڈن حملوں کی طرز کے ہتھیاروں پر نئی پابندی کے لیے منگل کے روز اس وقت زور دیں گے جب وہ

ولکس- بیری پنسلوینیا میں جرائم کی روک تھام کے اپنے منصوبوں پر بات کریں گے ۔

وہ یہ دورہ ایسے میں کر رہے ہیں جب ڈیمو کریٹس اور ری پبلکنز نومبر میں مڈ ٹرم انتخابات سے قبل نفاذ قانون کے معاملات پر فائدہ اٹھانے کی تلاش میں ہیں۔

ایسو سی ایٹڈ پریس کے مطابق وائٹ ہاوس کی پریس سیکرٹری کرائن جین پئِر نے کہا ہے کہ بائیڈن اپنے بیان میں اس چیز کو یقینی بنانے کی اہمیت پر زور دیں گے کہ ہم اپنی کمیونٹیز کے تحفظ کو یقینی بنائیں ۔ پنسلوینیا میں ، جو انتخابات کے لیے ایک کلیدی فیصلہ ساز ریاست ہے جرائم خاص طور پر ایک اہم مسئلہ ہے۔

امریکہ مونکی پوکس کے ویکسین کی تیاری کے لیے گیارہ ملین ڈالر د ےگا

امریکی حکومت نےپیر کےروز کہا کہ وہ مونکی پوکس کی ویکسین جنیوس کی امریکہ میں قائم تنصیب میں پیکیجنگ میں مدد کے لئے 11 ملین ڈالر فراہم کرےگی ۔ ڈنمارک کی کمپنی نے جو واحد منظور شدہ مونکی پوکس ویکسین بناتی ہے، اس ماہ کے شروع میں مشی گن میں قائم گرینڈ ریور ایسپٹک مینو فیکچرنگ سے دو خوراکوں کے شاٹ کے پیکیج کے لیے سائن اپ کیا تھا۔

امریکہ کے ہیلتھ اینڈ ہیومن سروسز ڈپارٹمنٹ نے کہا ہے کہ یہ ویکسین توقع ہے کہ اس سال کے آخر میں بننا شروع ہو جائے گی ۔ اور اس نے مزید کہا کہ فنڈنگ ویکسین بنانے والی کمپنی کو مزید عملہ بھرتی کرنے اور مزید آلات خریدنے میں مدد دے گی ۔

عالمی سطح پر مونکی پوکس کے مصدقہ کیسز کی تعداد 47600 سے تجاوز کر گئی ہے جب کہ اب تک امریکہ میں 17000 سے زیادہ کیسز رپورٹ ہو چکے ہیں۔

سی ڈی سی کی ڈائریکٹرروشیل والینسکی نے گزشتہ ہفتے کہا تھا اگست تک ملک بھر میں جنیوس ویکسین کی 207،000 خوراکیں دی جا چکی ہیں ، لیکن بہت کم لوگو ں کو مکمل حفاظت کے لیے درکار دوسرا شاٹ نہیں لگا ہے۔

عالمی ادارہ ء صحت کی اندرونی خط و کتابت کے مطابق، مغربی بحرالکاہل میں عالمی ادارہ صحت کے اعلیٰ ڈائریکٹر ڈاکٹر تاکیشی کاسائی کو ان کے عہدے سے غیر معینہ مدت کے لیے ہٹا دیا گیا ہے۔

کاسائی کی برطرفی ایسوسی ایٹڈ پریس کی مہینوں کی ایک تحقیقات کے بعد سامنے آئی ہے کہ عملے کے درجنوں ارکان نے اس پر نسل پرستی، بدسلوکی اور غیر اخلاقی رویے کا الزام لگایا ہے جس سے ایشیا میں کورونا وائرس کے وبائی مرض کو روکنے کے لیے اقوام متحدہ کی ایجنسی کی کوششوں کو نقصان پہنچاہے ۔

ڈبلیو ایچ او کے ڈائریکٹر جنرل ٹیڈروس اذانوم گیبریئس نے جمعہ کے روز ایک ای میل میں عملے کو بتایا کہ کاسائی "چھٹی پر ہیں" اور ایجنسی نے کہا کہ یہ معلوم نہیں ہے کہ وہ کب تک واپس آئے گا۔

جنوری میں، ایسوسی ایٹڈ پریس نے رپورٹ دی کہ عملے نے ڈبلیو ایچ او کی سینئر قیادت کو ایک خفیہ شکایت بھیجی تھی جس میں الزام لگایا گیا تھا کہ کاسائی نے نسل پرستانہ زبان استعمال کر کے ماحول کو زہر آلود کردیا ہے ۔ کاسائی نے ان دعوؤں کی تردید کی ہے۔

امریکہ میں متوقع اوسط عمر میں تین سال کی کمی

امریکی حکومت کی ایک نئی رپورٹ کے مطابق امریکہ میں شرح زندگی 2021 میں مسلسل دوسرے سال بھی کم ہوئی اور2020 سے لگ بھگ ایک سال کم ہوئی ۔

کویڈ 19 کی وبا کے پہلے دو برسوں میں امریکیوں کی تخمینہ شدہ عمر تقریباً تین سال کم ہوئی تھی ۔ اس سے قبل 1940 کی دہائی کے اوائل میں دوسری جنگ عظیم کے عروج کے دوران ایسی ہی کمی واقع ہوئی تھی ۔

ایسو سی ایٹڈ پریس کے مطابق سی ڈی سی نے بدھ کو ان اعداد و شمار کی اطلاع دی۔ 2021 میں شرح زندگی میں تقریباً نصف کمی کے لیے کووڈ اموات کا ذمہ دار ٹھہرایا گیا۔ تاہم، کچھ دوسری بڑی وجوہات بھی تھیں ، جن میں منشیات کی زیادہ مقدار، دل کی بیماری، خودکشی اور جگر کی دائمی بیماری شامل ہیں۔