مریکی بحری ڈرون جہاز پر ایرانی فورسز کے قبضے کی کوشش ناکام بنا دی

امریکی بحریہ کا کہنا ہے کہ ایران کی نیم فوجی گروپ پاسداران انقلاب نے خلیج فارس میں ایک امریکی سمندری ڈرون پر قبضہ کیا اور اسے کھینچ کر دور لے جانے کی کوشش کی لیکن امریکی بحریہ کے ایک جنگی جہاز اور ہیلی کاپٹر کے پہنچنے کے بعد کسی انسان کے بغیر چلنے والے اس ڈرون جہاز کو چھوڑ دیا گیا۔

یہ پہلی بار تھی کہ ایران نے مشرق وسطی میں موجود امریکی بحریہ کے پانچویں بیڑے کی نئی ڈرون ٹاسک فورس کو ہدف بنایا۔

اگرچہ یہ مداخلت کسی واقعےکے بغیر ختم ہو گئی تاہم واشنگٹن اور تہران کے درمیان کشیدگی کی سطح مسلسل بلند ہے جب کہ عالمی طاقتوں کے ساتھ اسلامی جمہوریہ کے ٹوٹے ہوئے معاہدے پر بات چیت کا توازن برقرار ہے۔

لوگ خبریں دیکھ کر خوش نہیں ہوتے، سروے رپورٹ

16 سے 40 سال کی عمر کے لوگوں کے ایک سروے سے ظاہر ہوا ہے کہ وہ خبریں دیکھتے ہیں ، لیکن وہ جو کچھ دیکھ رہے ہیں اس سے خوش نہیں ہیں۔

ایسوسی ایٹڈ پریس-این او آر سی سینٹر فار پبلک افیئر ریسرچ اور امریکن پریس انسٹی ٹیوٹ کی طرف سے کیے گئے اس سروے میں کہا گیا ہے کہ اس عمر کے 79 فیصد لوگ روزانہ خبریں دیکھتے ہیں اس تاثر کے برعکس کہ اس گروپ کے بہت سے لوگ خبریں نہیں دیکھتے۔

تاہم صرف 32 فی صد لوگوں کا کہنا ہے کہ وہ خبروں سے لطف اندوز ہوتے ہیں، جو سات سال قبل اسی طرح کی ایک تحقیق میں 53 فی صد کی شرح سےسے نمایاں طور پر کم ہے ۔

بدھ کے روز جاری ہونے والے اس جائزے سے یہ بھی ظاہر ہوا کہ بہت سے نوجوان خبر رساں اداروں پر غلط معلومات پھیلانے کا الزام عائد کرتے ہیں اور ان کا خیال ہے کہ وہ انتہائی خیالات رکھنے والے لوگوں کے درمیان مباحثوں کو دکھاتے ہیں۔

بغداد میں تشدد کے بعد حالات معمول پر آنا شروع ہو گئے

عراق کے بااثر عالم مقتدہ الصدر کے حامی اس کے بعد بغداد کے گرین زون سے واپس چلے گئے جب الصدر نے حریف شیعہ فورسز اور فوج کے درمیان اس لڑائی کے خاتمے کا مطالبہ کیا جس میں30 لوگ ہلاک اور سینکڑوں زخمی ہو چکےہیں۔

پیر کے روز پھوٹنے والے تشدد نے الصدر کے وفاداروں کو پڑّسی ملک ایران کے حمایت یافتہ شیعہ دھڑوں کے خلاف لا کھڑا کیا ، جس دوران رکاوٹوں کے آر پار فریقین نے ایک دوسرے پر فائرنگ کی اور تشدد کی ایسی صورتحال پیدا ہو گئی جس کے نتیجے میں عراق کے صدر ملک کو بحران سے نکالنے کے لیے جلد انتخابات پر زور دینے پر مجبور ہو گئے ۔

عراقی وزیر اعظم مصطفی الکاظمی کہتے ہیں،"اگر وہ ابتری ، تصادم، اختلاف اور دشمنی کو مسلسل ہوا دینا چاہتے ہیں اور عقل سے کام نہیں لینا چاہتے ، تو میں انہیں تاریخی طور پر عراقیوں کے سامنے جوابدہ ٹھہرانے کے لیے، اخلاقی اور حب الوطنی پر مبنی قدم اٹھاؤں گا اور عراقی آئین کے آرٹیکل 81 کے مطابق مناسب وقت پر اپنا عہدہ چھوڑ دوں گا "

کیلیفورنیا میں اصلاحی ادارے کے ایک سابق مبلغ (چیپلن) کو قیدی خواتین کو جنسی تعلق قائم کرنے پر مجبور کرنے پر وفاقی عدالت میں سزائے قید کا سامنا ہے۔ چیپلن نے اپنے جرم کا اعتراف کر لیا ہے۔

وکلاء سرکار کیلیفورنیا کے مقام ڈبلن کے اس قید خانے کے سابق چیپلن جیمز تھیوڈور ہائی ہاؤس کو دس سال کی قید کی سزا دینے کی وکالت کر رہے ہیں۔ جبکہ اسکے وکلاء چاہتے ہیں کہ اسے صرف دو سال کی سزا دی جائے۔ تھیوڈور اصلاحی مرکز کے عملے کے ان پانچ افراد میں سے ایک ہیں جن پر الزام تھا کہ وہ بے ایریا لاک اپ کے چیپل آفس میں پچھلے 14 ماہ کے دوران قید خواتین سے برا سلوک کر رہے تھے۔

اس سال کے اوائل میں ایسوسی ایٹڈ پریس کی تحقیقات میں یہ بات سامنے آئی تھی کہ ڈبلن کی جیل میں جنسی طور پر ناروا رویہ اختیار کیا گیا۔ اس ضمن میں ایک سابق وارڈن کے خلاف بھی الزامات عائد کیے گئے ہیں۔

جیمز تھیڈو نے فروری میں اقبال جرم کیا تھا۔ چیپلن کو خواتین کی روحانی رہنمائی کا کام سونپا گیا تھا۔