اسرائیل پر جنگ بندی کے لیے ’دباؤ‘ کم نہیں ہونے دیں گے: امریکہ

ایران کے رہبرِ اعلیٰ نے اسرائیل پر میزائل حملے کی قیادت کرنے والے پاسداران انقلاب کے ایئراسپیس کمانڈر کو فوجی اعزاز سے نوازا ہے۔

آیت اللہ خامنہ ای کی ویب سائٹ سے جاری ہونے والے بیان میں کہا گیا ہے کہ ایرانی رہبر اعلیٰ نے جنرل امیرعلی حاجی زادہ کو نشانِ فتح میڈل سے نوازا ہے۔

ویب سائٹ کے مطابق یہ اعزاز اسرائیل پر بیلسٹک میزائل حملے کی کامیابی پر دیا گیا ہے۔

باسٹھ سالہ حاجی زادہ 2009 سے پاسدارانِ انقلاب کے ایئرواسپیس یونٹ کے سربراہ ہے۔

اسرائیل کی فوج نے کہا ہے کہ شمالی غزہ سے اسرائیل پر راکٹ حملہ کیا گیا ہے۔

فوج کے مطابق غزہ کی پٹی سے فائر کیے گئے متعدد راکٹ اسرائیلی حدود میں داخل ہوئے ہیں جن میں سے ایک اور مار گرایا گیا ہے جب کہ دیگر کھلے علاقوں میں گرے ہیں۔

گزشتہ برس سات اکتوبر کو اسرائیل پر حماس کے غیرمعمولی حملے کو ایک سال مکمل ہونے والا ہے جس پر اسرائیلی فورسز کو ہائی الرٹ رکھا گیا ہے۔

نائب صدر کاملا ہیرس نے کہا ہے کہ امریکہ اسرائیل اور مشرقِ وسطیٰ کی عرب قیادت پر غزہ میں جنگ بندی اور یرغمالوں کی رہائی کے لیے کسی معاہدے پر اتفاق کے لیے ’دباو‘ کم نہیں ہونے دے گا۔

ایک انٹرویو میں کاملا ہیرس نے کہا کہ واشنگٹن امدادی سرگرمیوں خے لیے اسرائیل کے ساتھ مل کر کام کر رہا ہے۔

انہوں ںے کہا کہ ایسا معاہدہ بہت ضروری ہے جس کے نتیجے میں یرغمالوں کی رہائی اور جنگ بندی ہو۔ اور ہم اس کے لیے دباؤ میں کمی نہیں لائیں گے۔