اسرائیل پر جنگ بندی کے لیے ’دباؤ‘ کم نہیں ہونے دیں گے: امریکہ

صدرِ پاکستان آصف زرداری کی زیرِ صدارت غزہ کی صورتِ حال پر بلائی گئی آل پارٹیز کانفرنس (اے پی سی) میں فوری جنگ بندی کا مطالبہ کیا گیا ہے۔

ایوانِ صدر میں ہونے والی کانفرنس میں وزیرِ اعظم شہباز شریف، سابق وزیرِ اعظم نواز شریف، جمعیت علمائے اسلام (ف) کے سربراہ مولانا فضل الرحمان، جماعتِ اسلامی سمیت دیگر مذہبی اور سیاسی جماعتوں کے نمائندے شریک ہیں۔

پاکستان تحریکِ انصاف (پی ٹی آئی) کا کوئی رہنما اے پی سی میں شریک نہیں ہے۔

ایران نے اتوار کی شب سے ہفتے کی صبح تک تمام ایئرپورٹس کی پروازیں منسوخ کردی ہیں۔

سرکاری میڈیا کے مطابق مقامی وقت کے مطابق اتوار کی شب نو بجے سے پیر کی صبح چھ بجے تک ایران کے تمام ایئرپورٹس کی پروازیں منسوخ کر دی گئی ہیں۔

سول ایوی ایشن کے ترجمان نے کہا ہے کہ آپریشنل مسائل کی وجہ سے پروازیں منسوخ کی جارہی ہیں تاہم انہوں ںے اس کی مزید تفصیل نہیں بتائی۔

ایران نے گزشتہ منگل کو اسرائیل پر میزائل حملہ کرنے سے پہلے بھی تمام پروازیں منسوخ کردی تھیں۔

نائب صدر کاملا ہیرس نے کہا ہے کہ امریکہ اسرائیل اور مشرقِ وسطیٰ کی عرب قیادت پر غزہ میں جنگ بندی اور یرغمالوں کی رہائی کے لیے کسی معاہدے پر اتفاق کے لیے ’دباو‘ کم نہیں ہونے دے گا۔

ایک انٹرویو میں کاملا ہیرس نے کہا کہ واشنگٹن امدادی سرگرمیوں خے لیے اسرائیل کے ساتھ مل کر کام کر رہا ہے۔

انہوں ںے کہا کہ ایسا معاہدہ بہت ضروری ہے جس کے نتیجے میں یرغمالوں کی رہائی اور جنگ بندی ہو۔ اور ہم اس کے لیے دباؤ میں کمی نہیں لائیں گے۔

اسرائیل کی فوج نے کہا ہے کہ شمالی غزہ سے اسرائیل پر راکٹ حملہ کیا گیا ہے۔

فوج کے مطابق غزہ کی پٹی سے فائر کیے گئے متعدد راکٹ اسرائیلی حدود میں داخل ہوئے ہیں جن میں سے ایک اور مار گرایا گیا ہے جب کہ دیگر کھلے علاقوں میں گرے ہیں۔

گزشتہ برس سات اکتوبر کو اسرائیل پر حماس کے غیرمعمولی حملے کو ایک سال مکمل ہونے والا ہے جس پر اسرائیلی فورسز کو ہائی الرٹ رکھا گیا ہے۔