افغانستان سے مذاکرات: عمران خان نے علی امین گنڈا پور کے اعلان کی حمایت کر دی

خیبر پختونخوا کے جنوبی ضلع لکی مروت میں امن و امان کی ابتر صورتِ حال بالخصوص پولیس پر حملوں کے خلاف اہلکاروں نے پانچ روز سے جاری دھرنا مذاکرات کے بعد ختم کر دیا ہے۔

دھرنا ختم کرنے کا فیصلہ خیبر پختونخوا کے انسپکٹر جنرل (آئی جی) پولیس اختر حیات خان گنڈاپور کے دورۂ لکی مروت کے دوران دھرنے کے ایک نمائندۂ وفد کے ساتھ مذاکرات کے بعد کیا۔

آئی جی خیبرپختونخوا جمعرات کی سہہ پہر لکی مروت پہنچے تھے۔ بعدازاں انہوں نے دھرںا عمائدین سے ملاقات کی تھی۔

آئی جی اور احتجاجی پولیس اہلکاروں کے درمیان ہونے والے مذاکرات سے باخبر پولیس عہدیداروں نے بتایا ہے کہ مظاہرین کے زیادہ تر مطالبات تسلیم کر لیے گئے ہیں۔

مروت قومی جرگہ کے مشیران نے مذاکرات کی کامیابی میں اہم کردار ادا کیا ہے۔

مزید پڑھیے

ڈیرہ غازی خان میں کوئٹہ روڈ کے مقام پر کاؤنٹر ٹیررازم ڈیپارٹمنٹ (سی ٹی ڈی) اہلکاروں اور دہشت گردوں کے درمیان فائرنگ کے تبادلے کے نتیجے میں دو دہشت گرد ہلاک اور دو فرار ہو گئے ہیں۔

ترجمان سی ٹی ڈی نے ایک بیان میں کہا ہے کہ دہشت گردوں کی گرفتاری کے لیے انٹیلی جینس بیسڈ کارروائی کے دوران مسلح دہشت گردوں نے اہلکاروں پر فائرنگ کی۔ دوطرفہ فائرنگ کے تبادلے میں دو دہشت گرد اپنے ساتھیوں کی فائرنگ سے مارے گئے ہیں۔

ترجمان کے مطابق دہشت گردوں کے ٹھکانے سے دستی بم، دو رائفلیں ، گولیاں اور بارودی مواد برآمد ہوا ہے جب کہ فرار ہونے والے دہشت گردوں کی گرفتاری کے لیے سرچ آپریشن جاری ہے۔

سی ٹی ڈی ٹیموں نے کوئٹہ روڈ اور ملحقہ شاہراہوں پر ناکہ بندی کرلی ہے جب کہ ترجمان سی ٹی ڈی کے مطابق ہلاک دہشت گردوں کی شناخت کا عمل جاری ہے۔

جنوبی افریقہ کی ویمنز کرکٹ ٹیم ٹی ٹوئنٹی سیریز کے لیے پاکستان پہنچ گئی ہے۔

کپتان لورا وولوارٹ کی قیادت میں جنوبی افریقی ٹیم جوہانسبرگ سے براستہ دبئی لاہور کے علامہ اقبال انٹرنیشنل ایئرپورٹ پہنچی۔ مہمان ٹیم لاہور سے بذریعہ چارٹرڈ فلائٹ ملتان روانہ ہو گی۔

جنوبی افریقی ٹیم پاکستان ویمنز کے خلاف 16، 18 اور 20 ستمبر کو ملتان کرکٹ اسٹیڈیم میں تین ٹی ٹوئنٹی انٹرنیشنل میچز کھیلے گی۔

کراچی کی ایک عدالت نے کارساز حادثے کی ملزمہ نتاشا دانش کی ضمانت مسترد کر دی ہے۔

ایڈیشنل ڈسٹرکٹ اینڈ سیشن جج نے جمعے کو امتناع منشیات ایکٹ کیس میں نتاشا کی درخواستِ ضمانت پر سماعت کی۔ فریقین کے دلائل سننے کے بعد عدالت نے ملزمہ کی درخواست مسترد کر دی۔

ملزمہ پر میتھا میٹا فائن یعنی آئس کے استعمال کے الزام میں سرکار کی مدعیت میں مقدمہ درج ہے جب کہ ملزمہ کی کار کی ٹکر سے ہلاک ہونے والے باپ بیٹے کے لواحقین کی جانب سے معاف کیے جانے پر عدالت نے نتاشہ کو ضمانت پر رہا کرنے کا حکم دیا تھا۔