فلسطینی اتھارٹی کی مغربی کنارے میں عسکریت پسندوں کے خلاف کارروائیاں

اسرائیل کی فوج نے دعویٰ کیا ہے کہ شمالی غزہ کے علاقے جبالیہ میں جاری آپریشن کے دوران درجنوں مشتبہ دہشت گردوں کو حراست میں لیا گیا ہے۔

اسرائیلی میڈیا کے مطابق اس علاقے میں شدید لڑائی جاری ہے۔

اس لڑائی کے دوران اسرائیلی فوج نے فلسطینیوں کو علاقہ خالی کرنے کا حکم دیا ہے۔ ہزاروں فلسطینی یہاں سے انخلا کی کوشش کر رہے ہیں۔ اس دوران فوج نے کئی افراد کو حراست میں لیا ہے۔

اسرائیلی فورسز کا دعویٰ ہے کہ انہوں نے منگل کو بھی کئی عسکریت پسندوں کو ہلاک کیا ہے تاہم اس حوالے سے مزید تفصیلات فراہم نہیں کی گئیں۔

امریکہ کے وزیرِ خارجہ اینٹنی بلنکن سعودی عرب پہنچ گئے ہیں۔

اینٹنی بلنکن نے اس سے پہلے اسرائیل کا دورہ کیا تھا اور وہاں اسرائیلی صدر، وزیرِ اعظم سمیت دیگر اعلیٰ حکام سے ملاقاتیں کیں۔

قبل ازیں یہ رپورٹس بھی سامنے آئی تھیں کہ امریکی وزیرِ خارجہ اردن کا بھی دورہ کریں گے۔ لیکن اب یہ واضح نہیں ہے کہ وہ وہاں جائیں گے یا نہیں۔

امریکہ کے وزیرِ خارجہ اینٹنی بلنکن نے کہا ہے کہ اب وقت آ گیا ہے کہ غزہ میں تنازع ختم کیا جائے۔

بدھ کو سعودی عرب روانگی سے قبل انہوں نے اسرائیل پر بھی زور دیا کہ وہ ایران کے ساتھ کشیدگی کو مزید نہ بڑھائے۔

واضح رہے کہ گزشتہ برس اکتوبر میں غزہ کی جنگ کے آغاز کے بعد امریکہ کے وزیرِ خارجہ مشرقِ وسطیٰ کا 11واں دورہ کر رہے ہیں تاکہ خطے میں جنگ بندی ہو سکے اور کشیدگی میں مزید اضافہ نہ ہوا۔

غزہ کو کنٹرول کرنے والی عسکری تنظیم حماس کے ایک سینئر رہنما موسیٰ ابو مرزوق نے روس کا دورہ کیا ہے۔

اسرائیلی میڈیا کے مطابق موسیٰ ابو مرزوق کے دورے میں روس کے اعلیٰ حکام سے ملاقاتیں کریں گے۔

واضح رہے کہ روس کے اسرائیل، ایران، لبنان سمیت خطے کے تمام اسٹیک ہولڈر سے تعلقات ہیں۔