چین کے لبنان میں سفارت خانے میں ویزا اور پاسپورٹ سروس بند
چین کے لبنان کے دارالحکومت بیروت میں قائم سفارت خانے نے ویزا اور پاسپورٹ کے اجرا کی سروسز سمیت دیگر خدمات معطل کر دی ہیں۔
چینی سفارت خانے کے مطابق وہ لبنان میں چین کے شہریوں کے سفری دستاویزات کے اجرا کا عمل جاری رکھے گی۔
سفارت خانے نے دیگر سروسز کی بحال کے حوالے سے کسی تاریخ کا اعلان نہیں کیا۔
حماس کے سینئر رہنما کا روس کا دورہ
غزہ کو کنٹرول کرنے والی عسکری تنظیم حماس کے ایک سینئر رہنما موسیٰ ابو مرزوق نے روس کا دورہ کیا ہے۔
اسرائیلی میڈیا کے مطابق موسیٰ ابو مرزوق کے دورے میں روس کے اعلیٰ حکام سے ملاقاتیں کریں گے۔
واضح رہے کہ روس کے اسرائیل، ایران، لبنان سمیت خطے کے تمام اسٹیک ہولڈر سے تعلقات ہیں۔
وقت آ گیا ہے کہ غزہ میں تنازع ختم کیا جائے: امریکہ
امریکہ کے وزیرِ خارجہ اینٹنی بلنکن نے کہا ہے کہ اب وقت آ گیا ہے کہ غزہ میں تنازع ختم کیا جائے۔
بدھ کو سعودی عرب روانگی سے قبل انہوں نے اسرائیل پر بھی زور دیا کہ وہ ایران کے ساتھ کشیدگی کو مزید نہ بڑھائے۔
واضح رہے کہ گزشتہ برس اکتوبر میں غزہ کی جنگ کے آغاز کے بعد امریکہ کے وزیرِ خارجہ مشرقِ وسطیٰ کا 11واں دورہ کر رہے ہیں تاکہ خطے میں جنگ بندی ہو سکے اور کشیدگی میں مزید اضافہ نہ ہوا۔
امریکی وزیرِ خارجہ کی سعودی عرب آمد
امریکہ کے وزیرِ خارجہ اینٹنی بلنکن سعودی عرب پہنچ گئے ہیں۔
اینٹنی بلنکن نے اس سے پہلے اسرائیل کا دورہ کیا تھا اور وہاں اسرائیلی صدر، وزیرِ اعظم سمیت دیگر اعلیٰ حکام سے ملاقاتیں کیں۔
قبل ازیں یہ رپورٹس بھی سامنے آئی تھیں کہ امریکی وزیرِ خارجہ اردن کا بھی دورہ کریں گے۔ لیکن اب یہ واضح نہیں ہے کہ وہ وہاں جائیں گے یا نہیں۔