جکارتا میں جمعے کو گورنر کے خلاف ہونے والا مظاہرہ تشدد میں تبدیل ہوگیا اور مظاہرین نے پولیس کی گاڑیوں کو آگ لگا دی۔
پولیس اہل کاروں نے اس کا جواب آنسو گیس اور پانی کی تیز پھوار کے ذریعے دیا۔
پچاس ہزار سے زیادہ لوگوں نے انڈونیشیا کے دارالحکومت جکارتا میں گورنر کے خلاف مظاہرہ کیا اور إلزام لگایا کہ انہوں نے اپنے مخالفین کے خلاف مہم کے دوران قراني آيات کا استعمال کر کے اسلام کی توہین کی ہے۔
گورنر بسوکی تجاہاجا پورناما اپنے تبصروں پر معذرت کرچکے ہیں، لیکن کئی لوگ یہ مطالبہ کر رہے ہیں کہ انہیں انڈونیشیا کے توہین مذہب کے سخت قوانین کے تحت گرفتار کیا جائے۔
