Khalil Ahmed is a multimedia journalist based in Karachi, Pakistan.
مویشی پالنا، ان کی دیکھ بھال کرنا اور لائیو اسٹاک کا کاروبار کرنا عموما دیہاتی زندگی کا معمول سمجھا جاتا ہے۔ مگر کراچی جیسے شہر میں یہ کام اگر کوئی لڑکی کر رہی ہو تو یہ حیران کن ہے اور دلچسپ بھی۔ ملیے 19 سالہ طالبہ ثانیہ منیف سے جو تعلیم کے ساتھ لائیو اسٹاک کا کاروبار بھی کر رہی ہیں۔
بھارتی فلم 'حنا' کو ریلیز ہوئے 30 سال ہو گئے ہیں۔ فلم میں مرکزی کردار نبھانے والی پاکستانی اداکارہ زیبا بختیار نے وائس آف امریکہ کے عمیر علوی سے بات کرتے ہوئے اس فلم سے متعلق اپنی یادیں تازہ کی ہیں۔
کراچی میں گزشتہ برس بارشوں کے بعد ہونے والی تباہی تو آپ کو یاد ہو گی؟ محکمۂ موسمیات نے اس سال بھی کراچی میں غیر معمولی بارشوں کی پیش گوئی کی ہے۔ کیا شہر کی انتظامیہ ان بارشوں کے لیے تیار ہے؟ کیا کراچی اس بار بھی پانی پانی ہوگا یا نالوں کی صفائی کچھ کام آئے گی؟ جانیے کاشف اعوان کی رپورٹ میں۔
پاکستان کا سب سے بڑا شہر کراچی آج کل توڑ پھوڑ کی زد میں ہے۔ کہیں عدالتی احکامات پر عمارتیں گرائی جا رہی ہیں تو کہیں برساتی نالوں سے تجاوزات ہٹانے کے لیے آپریشن جاری ہے۔ لیکن جن لوگوں کی املاک آپریشن کی زد میں آ رہی ہیں، وہ شدید مشکلات کا شکار اور اپنے مستقبل کے بارے میں پریشان ہیں۔
بابا آئی لینڈ کراچی کے ساحل کے قریب ایک آباد جزیرہ ہے۔ یہاں کا ایک بڑا مسئلہ طبی سہولتوں کی کمی ہے لیکن اب یہ مشکل کچھ کم ہو رہی ہے۔ جزیرے پر رہنے والی خواتین کے علاج کے لیے اب ایک خاتون ڈاکٹر مقرر ہیں جو روز شہر سے کشتی میں بیٹھ کر یہاں پہنچتی ہیں۔ مزید دیکھیے سدرہ ڈار اور خلیل احمد کی رپورٹ میں۔
دیکھیے ایک ایسے پاکستانی سائنس دان کی کہانی جو بلوچستان کے انتہائی پسماندہ علاقے سے برطانیہ کی کیمبرج یونیورسٹی تک پہنچنے میں کامیاب ہوئے اور اب وہ چاند اور مریخ پر جانے کے منصوبوں پر خلائی اداروں کے ساتھ کام کر رہے ہیں۔ یار جان عبدالصمد کی کہانی لائے ہیں محمد ثاقب اور خلیل احمد اس ڈیجیٹل رپورٹ میں۔
ثانیہ سعید ہمیشہ سے اپنے منفرد کرداروں کی وجہ سے ناظرین میں مقبول رہی ہیں۔ انہوں نے ٹی وی پر پہلا ڈرامہ 32 سال قبل کیا تھا۔ وائس آف امریکہ کے عمیر علوی کے ساتھ انٹرویو میں ثانیہ نے اداکاری کے اپنے طویل سفر، پاکستان کی ڈراما انڈسٹری کی صورتِ حال اور ڈرامہ 'رقیب سے' میں حاجرہ کے کردار پر بات کی ہے۔
امر خان کا شمار ان ابھرتی ہوئی پاکستانی اداکاراؤں میں ہوتا ہے جنہوں نے کم وقت میں اپنی صلاحیتیوں کا لوہا منوایا ہے۔ وائس آف امریکہ کے عمیر علوی کو دیے گئے انٹرویو میں امر خان نے ڈراموں میں اپنے کرداروں اور اپنی ڈیبیو فلم 'دم مستم' پر بات کی ہے جس کی ہیروئن کے ساتھ رائٹر بھی وہ خود ہیں۔
ایمیزون نے پاکستان کو اپنی سیلر لسٹ میں شامل کر لیا ہے۔ توقع کی جا رہی ہے کہ اس سے پاکستان کے چھوٹے کاروباری اداروں اور تاجروں کو فائدہ پہنچے گا۔ پاکستانی اس سے کیسے فائدہ اٹھا سکتے ہیں اور ایمیزون پر دکان چلانے والوں کو کن چیزوں کا خیال رکھنا ہو گا؟ جانتے ہیں سدرہ ڈار اور خلیل احمد کی رپورٹ میں۔
پی آئی اے کے کراچی طیارہ حادثے کو ایک برس گزر چکا ہے۔ پی کے 8303 لینڈنگ سے چند سیکنڈ قبل ایئرپورٹ کے قریب ایک رہائشی علاقے میں گر کر تباہ ہوا تھا۔ جس گلی میں جہاز گرا تھا، حادثے کے دن وہاں کے رہائشیوں نے کیا دیکھا اور ان پر کیا بیتی؟ جانیے سدرہ ڈار اور خلیل احمد کی رپورٹ میں۔
کراچی میں بھارت سے ہجرت کر کے آنے والی بہت سی برادریاں آباد ہیں۔ یہ مہاجرین اپنے ساتھ وہاں کی ثقافت اور مختلف پکوان بھی لائے ہیں۔ جیسے سلاوٹ اور مارواڑی گھرانوں کی افطار راجستھانی پکوڑوں کے بغیر مکمل نہیں ہوتی۔ آخر ان پکوڑوں میں ایسی کیا خاص بات ہے اور یہ برادریاں کیسے افطار کرتی ہے؟ جانیے۔
جسمانی کمی یا معذوری کا شکار افراد کی صلاحیتوں کو اکثر نظر انداز کیا جاتا ہے۔ لیکن کراچی کی زنیرہ طارق کے ساتھ ایسا نہیں ہوا۔ وہ بچپن سے مختلف ضرور تھیں لیکن زنیرہ وہ سب کچھ حاصل کر چکی ہیں جو ایک عام شخص خواہش کرتا ہے۔ ملیے ایسی باہمت خاتون سے جو کامیاب بزنس وومن ہیں اور ٹیچر بھی۔
عورت مارچ کو گزرے ایک ماہ سے زائد وقت ہو چکا ہے لیکن اس سے متعلق تنازعات اور ان پر بحث کا سلسلہ تاحال جاری ہے۔ پاکستان میں عورتوں کے حقوق کے لیے کیا جانے والا یہ مارچ کیوں متنازع ہے اور مارچ منتظمین پر توہینِ مذہب کا الزام کن رویوں کی نشان دہی کرتا ہے۔ جانیے اس رپورٹ میں۔
پاکستان کے سب سے بڑے شہر کراچی میں طلبہ کا ایک ایسا گروہ کام کر رہا ہے جس کا مقصد آوارہ جانوروں کے حقوق کا تحفظ کرنا ہے۔ اگرچہ انہیں اکثر اپنے خاندان اور معاشرے کے مختلف طبقات کی مخالفت کا بھی سامنا رہتا ہے مگر یہ رضا کار لوگوں کے رویے تبدیل کرنے کی کوشش کر رہے ہیں۔ محمد ثاقب اور خلیل احمد کی رپورٹ۔
پاکستان کی میوزک انڈسٹری میں ابھرتے ہوئے گلوکار اور موسیقار اذان سمیع خان نے اپنے فنی سفر کا آغاز فلم کے میوزک کمپوز کرنے سے کیا تھا۔ اب ان کا اپنا میوزک البم آ رہا ہے جس میں ان کے بقول انہوں نے کئی نئے تجربات کیے ہیں۔ اس میوزک البم اور خود اذان سمیع کے بارے میں جانتے ہیں اس انٹرویو میں۔
کرونا وائرس کے دوران فیس ماسک اب روز مرہ کی ضرورت ہیں۔ البتہ یہ جیب پر اضافی بوجھ ہونے کے ساتھ ساتھ آلودگی بھی بڑھا رہے ہیں۔ کراچی کے کچھ نوجوانوں نے اس مسئلے کے حل کے لیے کئی ماہ تک قابلِ استعمال رہنے والا ماحول دوست ماسک بنایا ہے۔ مزید جانتے ہیں سدرہ ڈار اور خلیل احمد کی اس رپورٹ میں۔
پاکستان میں کرونا وائرس کا پہلا کیس سامنے آئے ایک سال مکمل ہوگیا ہے۔ ملک میں کرونا کا پہلا مریض 26 فروری 2020 کو رپورٹ ہوا تھا۔ سدرہ ڈار ملا رہی ہیں ایک ایسی نرس سے جو اس وبا کے آغاز سے اب تک کووِڈ وارڈ میں خدمات انجام دے رہی ہیں۔ انہوں نے اس ایک برس میں کیا دیکھا اور محسوس کیا؟ جانیے انہی کی زبانی۔
پاکستان میں آج بھی معذور افراد کو پرانے دور کے مصنوعی اعضا لگائے جاتے ہیں۔ لیکن اب روبوٹک اعضا پر کام ہو رہا ہے جو کچھ منفرد بھی ہیں۔ سدرہ ڈار کی رپورٹ میں ملیے ایک ایسے شخص سے جنہوں نے ایک حادثے میں اپنا ہاتھ کھونے کے بعد روبوٹک ہاتھ لگوایا اور وہ اب اپنے اس ہاتھ سے لوگوں کو حیران کر دیتے ہیں۔
پاکستان میں شادی بیاہ کی کوئی تقریب ہو یا کہیں مرگ ہو، گلاب کا پھول خوشی غم کی تقریبات کا لازمی حصہ ہوتا ہے۔ صوبۂ سندھ میں دیگر زرعی اجناس کے ساتھ گلاب بھی بڑے پیمانے پر کاشت کیا جاتا ہے۔ باغوں سے لے کر تقریبات تک کا اپنا یہ سفر گلاب کیسے طے کرتا ہے؟ دیکھیے محمد ثاقب اور خلیل احمد کی رپورٹ میں۔
سندھ کے صحرائی علاقے تھرپارکر کا ایک گاؤں ایسا بھی ہے جہاں ہر گھر میں کپڑا بننے والی کھڈیاں موجود ہیں۔ اس گاؤں کے بیشتر افراد کا روزگار کھڈیوں پر شالیں اور کپڑے تیار کرنے سے وابستہ ہے۔ آج کے اس ترقی یافتہ دور میں بھی یہ شالیں اور کپڑا کیسے تیار ہوتا ہے؟ دیکھیے سدرہ ڈار اور خلیل احمد کی رپورٹ میں۔
مزید لوڈ کریں