پاکستان میں گزشتہ تین روز سے جاری انٹر نیٹ کی بندش پر امریکی قانون سازوں اور انسانی و شہری حقوق کی عالمی تنظیموں نے تشویش کا اظہار کرتے ہوئے اس کی فوری بحالی کا مطالبہ کیا ہے۔
منگل کو سابق وزیرِ اعظم عمران کی گرفتاری کے بعد پاکستان میں احتجاجی مظاہروں اور ہنگامہ آرائی کے بعد پاکستان ٹیلی کمیونیکیشن اتھارٹی (پی ٹی اے) نے ملک بھر میں موبائل پر انٹرنیٹ کی فراہمی بند کردی تھی جب کہ دیگر انٹرنیٹ سروسز بھی متاثر ہیں۔
مقامی میڈیا کے مطابق وفاقی وزیرِ داخلہ نے کہا ہے کہ جب تک گھروں اور املاک کو تباہ کرنے والوں اور انہیں اشتعال دلانے والوں کو گرفتار نہیں کرلیا جاتا انٹرنیٹ کی بندش جاری رہے گی۔
امریکی سینیٹ کی کمیٹی برائے خارجہ تعلقات نے کہا ہے کہ پاکستان کی صورتِ حال پر نظر رکھے ہوئے ہیں اور کشیدگی کم کرنے کی کوششوں کی تائید کرتے ہیں۔کمیٹی کے چیئرمین سینیٹر بوب میننڈیز نے اپنے بیان میں پاکستان حکومت پر انٹرنیٹ سروس بحال کرنے کے لیے بھی زور دیا ہے۔
Closely monitoring concerning developments in Pakistan. I support de-escalation efforts, & call for the immediate restoration of public access to internet services. These shutdowns dangerously suppress the Pakistani people%27s freedoms, including access to information. https://t.co/SG1T15cyi1
— Senate Foreign Relations Committee (@SFRCdems) May 11, 2023
ان کا کہنا تھا کہ انٹرنیٹ کی بندش پاکستانی عوام کی آزادی اور معلومات تک رسائی جیسے حقوق کے منافی ہے۔
دنیا بھر میں انٹرنیٹ کی فراہمی اور سائبر سیکیورٹی پر نظر رکھنے والے ادارے ’نیٹ بلاکس کے مطابق پاکستان میں انٹرنیٹ کی بندش کے ساتھ ساتھ سوشل میڈیا ویب سائٹ تک رسائی نہیں ہے۔
⚠️ Update: Metrics show that social media remain restricted in #Pakistan alongside widespread mobile/broadband internet shutdowns, amid reports that the army has been mobilised against protesters following the arrest of former PM Imran Khan 📵📰 Report: https://t.co/BCs5hPqris pic.twitter.com/BimIPiKn1k
— NetBlocks (@netblocks) May 11, 2023
نیٹ بلاک کا کہنا ہے کہ یہ صورتِ حال ایسے حالات میں ہے جب سابق وزیرِ اعظم عمران خان کی گرفتاری کے خلاف ہونے والے احتجاج کے بعد فوج کو طلب کیا جا چکا ہے۔
عالمی تنظیموں کا اظہارِ تشویش
اقوامِ متحدہ کے دفتر برائے انسانی حقوق نے بھی پاکستان میں انٹرنیٹ پر عائد پابندیاں فوری طور پر ہٹانے کا مطالبہ کیا ہے۔
یو این ہیومن رائٹس نے اپنے ایک ٹوئٹ کہا ہے کہ آزادیٔ اظہار، اجتماع کے حق اور قانون کی حکمرانی سیاسی تنازعات کو حل کرنے کے لیے کلیدی حیثیت رکھتے ہیں۔ غیر ضروری طاقت کا استعمال نہیں کیا جائے اور مظاہرین کو تشدد سے گریز کرنا چاہیے۔
#Pakistan: @Volker_Turk urges restraint by security forces. Internet restrictions must be lifted. Freedom of expression, peaceful assembly & rule of law are key to resolving political conflicts - with no place for disproportionate force. Protesters should refrain from violence. pic.twitter.com/oXHPMPQvQg
— UN Human Rights (@UNHumanRights) May 11, 2023
ایمنسٹی انٹرنیشنل نے بھی اپنے بیان میں پاکستان میں جاری موبائل انٹرنیٹ پر ’غیر معینہ‘ پابندی ختم کرنے کے لیے زور دیا ہے۔
🇵🇰Pakistan: Amnesty International strongly urges Pakistani authorities to exercise restraint and use minimum force without resorting to the use of firearms to disperse protestors. The ‘indefinite’ ban on mobile internet must be immediately lifted. https://t.co/DWf0aWLOUd
— Amnesty International South Asia, Regional Office (@amnestysasia) May 11, 2023
جمعرات کو پاکستان کی بزنس کمیونٹی اور سول سوسائٹی سے تعلق رکھنے والی 100 سے زائد شخصیات نے مشترکہ بیان میں انٹرنیٹ اور سوشل میڈیا کی بندش پر گہری تشویش کا اظہار کیا تھا۔
بیان میں کہا گیا تھا کہ انٹرنیٹ کی بندش بلا جواز ہے اور شہری حقوق کے خلاف ہے۔ اس کے علاوہ اس پابندی سے ملک کو شدید معاشی نقصان اٹھانا پڑ رہا ہے۔
ان شخصیات کا اپنے بیان میں کہنا تھا کہ انٹرنیٹ پر پابندیاں پاکستانی اسٹارٹ اپس کو متاثر کررہی ہیں جن میں گزشتہ دو برسوں کے دوران 70 کروڑ ڈالر سے زائد سرمایہ کاری کی گئی ہے۔
SEE ALSO: پاکستان میں انٹر نیٹ کی بندش؛ ’کچھ نقصانات ایسے ہیں جن کا آپ حساب بھی نہیں لگا سکتے‘پاکستان ایسوسی ایشن آف سافٹ ویئر ہاؤسز (پاشا) کے مطابق موبائل انٹرنیٹ بندش کی وجہ سے پاکستان کی آئی ٹی انڈسٹری کو روزانہ کی بنیادوں پر تیس سے چالیس لاکھ ڈالر کا نقصان ہورہا ہے۔
پاشا کے چیئرمین زوہیب خان کے مطابق ان کی تنظیم وزارتِ آئی ٹی اور پی ٹی اے کو نام ایک خط میں ملک میں انٹرنیٹ کی فوری بحالی کی اپیل کرچکے ہیں۔