پاکستان کرکٹ ٹیم کے فاسٹ بالر اور کھیلوں کےنگراں صوبائی وزیرِ ،وہاب ریاض ان دنوں سوشل میڈیا پر تنقید کی زد میں ہیں جس کی وجہ لاہور میں ہونے والی حالیہ بارشوں کے دوران ان کی سڑک پر انٹری بنی ہے۔
وہاب ریاض کی متعدد ویڈیوز سوشل میڈیا پر وائرل ہو رہی ہیں جن میں انہیں بارش کے بعد سڑکوں پر جمع ہونے والے پانی میں دیکھا جا سکتا ہے۔ کچھ ویڈیوز میں انہیں سڑکوں پر کھڑے ہونے والے پانی کا جائزہ لینے اور پانی میں خراب ہونے والی گاڑی کو دھکا لگاتے دیکھا گیا ہے۔
لیکن انہیں سب سے زیادہ تنقید کا سامنا اس ویڈیو پر ہے جو انہوں نے بارش کے جمع شدہ پانی میں اپنی گاڑی دوڑاتے ہوئے بنوائی تھی۔
وائرل ویڈیو کے مطابق وہاب ریاض بے دھیانی میں گاڑی دوڑاتے جاتے ہیں اور ان کی گاڑی سے اچھلنے والا پانی سڑک کے کنارے سے گزرنے والے موٹرسائیکل سواروں پرگرتا ہے۔
وہاب ریاض کی اس ویڈیو پر سوشل میڈیا صارفین اپنے غصے کا اظہار کر رہے ہیں اور انہیں مشورہ دے رہے ہیں کہ آپ آخر پانی میں کیا تلاش کرنے نکلے تھے؟ اس سے بہتر ہوتا کہ آپ گھر میں بیٹھ کر پکوڑے کھاتے۔
حماد شیخ نامی ٹوئٹر صارف نے وہاب ریاض کی ویڈیو پر تبصرہ کرتے ہوئے لکھا کہ بارش کے بعد وہاب ریاض کا سڑک پر کیا کام ہے اور جیسا کہ وہ دکھانے کی کوشش کر رہے ہیں، وہ نہ تو وزیرِ بلدیات ہیں، نہ کونسلر اور نہ ہی وزیرِ اعلیٰ۔
ان سے ملولاہور میں بارش کے بعد غیر قانونی نگراں حکومت میں غیر قانونی وزیر کھیل ایکٹنگ کر رہے ہیں۔میرا سوال ہے کہ بارش کے بعد سڑک پر ان کا کیا کردار ہے جیسا کہ وہ دکھانے کی کوشش کر رہے ہیں، یاد رہے کہ وہ نا وزیر بلدیات یا وزیر اعلیٰ یا کونسلر نہیں ہیں.1/2#WahabRiaz pic.twitter.com/oqMuJFiVQY
— Hammad Shaikh (@Hammadshaaikh) July 5, 2023
ایک ٹوئٹر صارف نے وہاب ریاض کی ویڈیو پر تبصرہ کیا کہ وزیرِ کھیل وہاب ریاض کا عمل انتہائی افسوس ناک ہے۔ بارش کے بعد سڑک پر پانی جمع ہونے پر انہیں محتاط انداز میں گاڑی چلانی چاہیے تھی۔
Extremely awful act by Sports Minister Wahab Riaz as he can been seen driving carelessly on Lahore Roads which are flooded with water after heavy rain, he can be seen splashing water onto passing vehicles and people who are riding on their bikes. #wahabriaz #Rain pic.twitter.com/czOXf5F1Tt
— Rayham Wadud🇵🇰🏏|BA56 Stan (@56rayham) July 5, 2023
امین زبیری نامی صارف نے لکھا کہ نگراں وزیرِ کھیل لاہور میں شدید بارش کے بعد سڑک پر لاپرواہ ڈرائیونگ کرتے ہوئے موٹرسائیکل سواروں اور گاڑیوں پر پانی اچھال رہے ہیں۔ انہوں نے مزید کہا کہ لاپرواہی ایک بیماری ہے اور وہاب ریاض بھی بیمار شخص ہیں۔
CARETAKER Sports Minister, a CARELESS prick driving and splashing water onto passing motor bike & vehicles after heavy rain in Lahore city.Carelessness is a disease and #WahabRiaz is a sick man 😡 ... pic.twitter.com/sJVNoVqkTb
— Amin Zuberi 🇵🇰 🇱🇾 (@Amin_Zuberi) July 5, 2023
وہاب ریاض کی بارش میں پیدل چلنے والی ایک ویڈیو پر طاہر منیر نامی صارف نے تبصرہ کرتے ہوئے ان کے اس عمل کو اداکاری قرار دیا۔
صارف نے کہا کہ بارش کے پانی میں ڈمی پوز لوگوں کو بے وقوف بنانے کے لیے ہے۔
A Topi Drama acting by Wahaab Riaz For a dummy Pose in Rain water to make People Fool.#Lahore #Islamabad #WahabRiaz#ISPR pic.twitter.com/V2hrFpkrvZ
— Tahir Munir (@TahirMu49047594) July 5, 2023
سفینہ خان نے تبصرہ کرتے ہوئے لکھا کہ وہاب ریاض خود کو امیتابھ بچن سمجھ رہے تھے یا شہباز شریف؟
My Views وہاب ریاض اپنے آپکو امیتابھچن سمجھ رہا تھا یا شہباز شریف ؟ #Pakistan #WahabRiaz pic.twitter.com/JIyHmCvZAf
— Safina Khan (@SafinaKhann) July 5, 2023
سوشل میڈیا پر ہونے والی تنقید پر کرکٹر وہاب ریاض نے کہا کہ سکّے کے دو رخ ہوتے ہیں لیکن بدقسمتی سے ہم ہمیشہ غلط رخ دیکھتے ہیں۔ انہوں نے لکھا کہ کل جو ہوا اس کے لیے میں معذرت خواہ ہوں، یہ سب غیر ارادی طور پر ہوا اور اسے بالکل غلط انداز میں لیا گیا۔
There are always two sides of the coin, but unfortunately we always see the wrong one only. I’m sorry for what happened yesterday, it was purely unintentional and was misperceived in a very wrong way. Let’s try to spread positivity always and not malign this beautiful country of…
— Wahab Riaz (@WahabViki) July 6, 2023
بعض ٹوئٹر صارف شدید بارش کے دوران سڑک پر آنے کے ان کے عمل کو سراہ رہے ہیں۔
خواجہ جنید نامی ٹوئٹر صارف نے بارش کے پانی میں کھڑے وہاب ریاض کی ایک تصویر شیئر کرتے ہوئے کہا کہ" ریکارڈ مون سون بارش کے بعد لاہور کے شہریوں کے ساتھ کھڑے ہونے پر آپ کا بہت شکریہ۔
انہوں نے مزید کہا کہ یہ اچھا اشارہ ہے کہ حکومت یہ تاثر دے رہی ہے کہ وہ عوام کے ساتھ کھڑی ہے اور دستیاب وسائل میں رہتے ہوئے کوششیں کر رہی ہے۔
Thankyou @WahabViki for standing with the people of Lahore during the record monsoon rain. Its a great gesture for the common man who faces the rain challenges. Its a gesture that the Government stands with the people and trying their best In available resources. #WahabRiaz pic.twitter.com/80kjkdrisw
— Khawaja Junaid Hockey Academy (@kjhockeyacademy) July 5, 2023