پاکستان کرکٹ ٹیم کے کپتان اور ون ڈے انٹرنیشنل میں عالمی نمبر ایک بابر اعظم نے مزید دو اعزاز ات حاصل کرلیے ہیں۔ بابر اعظم نے 2022 کے او ڈی آئی کرکٹر آف دی ایئر کے ساتھ ساتھ سر گارفیلڈ سوبرز ٹرافی بھی اپنے نام کرلی ہے۔
جمعرات کا دن بابر اعظم کے لیے دو خوشیاں اس وقت لے کر آیا جب انٹرنیشنل کرکٹ کاؤنسل (آئی سی سی) کی جانب سے انہیں دو اعزازت سے نوازا گیا۔
پاکستانی کپتان مسلسل دوسرے برس آئی سی سی او ڈی آئی کرکٹر آف دی ایئر کا ایوارڈ حاصل کرنے میں کامیاب ہوگئے۔
سال 2022 کے کرکٹر آف دی ایئر کا ایوارڈ حاصل کرنے کے پیچھے بابر اعظم کی نو ایک روزہ میچز میں شاندار کارکردگی تھی۔
بابر اعظم نے اگرچہ گزشتہ برس صرف نو ون ڈے انٹرنیشنل کھیلے۔ لیکن ان نو میں سے تین میچز میں انہوں نے سینچریز جب کہ پانچ میں نصف سینچریز اسکور کی۔ صرف ایک میچ میں وہ زیادہ متاثر کن کاکردگی نہ دکھا سکے۔
Babar Azam is the ICC Men%27s ODI Cricketer of the Year for the second year in a row ✨#ICCAwards pic.twitter.com/JcTIEtwwPe
— Pakistan Cricket (@TheRealPCB) January 26, 2023
انہوں نے مجموعی طور پر نو میچز میں 84 اعشاریہ 87 کے اوسط سے 679 رنز اسکور کیے۔
او ڈی آئی کرکٹر آف دی ایئر ایوارڈ کے ساتھ ہی بابر اعظم نے آئی سی سی کرکٹر آف دی ایئر کے لیے سرگار فیلڈ سوبرز ٹرافی بھی اپنے نام کرلی ہے۔
سرگار فیلڈ سوبرز ٹرافی کی نامزدگیوں میں بابر اعظم کے علاوہ انگلش بیٹر بین اسٹوکس، نیوزی لینڈ کے فاسٹ بالر ٹم ساؤتھی اور زمبابوے کے کھلاڑی سکندر رضا بھی شامل تھے۔
بابر اعظم دوسرے پاکستانی کھلاڑی بن گئے ہیں جو یہ ٹرافی جیتنے میں کامیاب ہوئے ہیں۔ اس سے قبل سال 2021 میں پاکستانی فاسٹ بالر شاہین شاہ آفریدی نے یہ اعزاز حاصل کیا تھا۔
گزشتہ برس بابر اعظم کے لیے اچھا ثابت ہوااور بابر وہ واحد کھلاڑی تھے جنہوں نے کلینڈر ایئر کے دوران تمام فارمیٹس میں دو ہزار رنز کا ہندسہ عبور کیا۔
انہوں نے ٹیسٹ، ون ڈے اور ٹی ٹوئنٹی انٹرنیشنل میں مجموعی طور پر 44 میچز میں دو ہزار 598 رنز بنائے جس میں ان کی آٹھ سینچریاں اور 17 نصف سینچریاں شامل تھیں۔ جو اب تک کی ان کی بہترین کارکردگی ہے۔
Double delight for Babar Azam 🤩After being named the ICC Men%27s ODI Cricketer of the Year, the Pakistan star bags the Sir Garfield Sobers Trophy for the ICC Men%27s Cricketer of the Year 👏#ICCAwards
— ICC (@ICC) January 26, 2023
دو ایوارڈ جیتنے پر سوشل میڈیا پر بابر اعظم کے نام کا ہیش ٹیگ ٹرینڈ کر رہا ہے اور کھلاڑیوں سمیت شائقین کرکٹ کی جانب سے بابر اعظم کو مبارک باد دی جا رہی ہے۔
پاکستان کرکٹ بورڈ کی منیجنگ کمیٹی کے چیئرمین نجم سیٹھی نے ایک ٹوئٹ میں بابر اعظم کو مبارک باد دیتے ہوئے لکھا کہ یہ بہت اچھی خبر ہے۔آپ نے ہمارا سر فخر سے بلند کردیا ہے۔
What great news! Wah ji Wah! Congratulations @babarazam258 You make us proud!
— Najam Sethi (@najamsethi) January 26, 2023
ذیشان قیوم نامی ایک صارف نے لکھا کہ 'بابر اعظم نے مسلسل دوسرے برس او ڈی آئی کرکٹر آف دی ایئر کا ایوارڈ حاصل کیا ہے۔ اس لڑکے کا کوئی مقابلہ نہیں کرسکتا۔'
The King Babar Azam has bagged the ICC Men%27s ODI Cricketer of the Year for the second year in a row.No one could match this guy.#BabarAzam𓃵#BabarAzam pic.twitter.com/qYQndhSLYZ
— Zeeshan Qayyum (@XeeshanQayyum) January 26, 2023
عبدالغفار نامی ایک ٹوئٹر صارف نے ٹوئٹ کیا کہ بابر اعظم نے او ڈی آئی کرکٹر آف دی ایئر کا ایوارڈ اور سرگار فیلڈ سوبرز ٹرافی جیتی، یہ پاکستان کے لیے کتنا فخر کا لمحہ ہے۔
What a proud moment for Pakistan Babar Azam ICC Men%27s ODI Cricketer of the Year, & The Sir Garfield Sobers Trophy for the ICC Men%27s Cricketer of the Year 👏#BabarAzam𓃵 #ICCAwards pic.twitter.com/57LWgbK37j
— Abdul Ghaffar (@GhaffarDawnNews) January 26, 2023