بھارت کے شہر ممبئی میں نامور گلوکار سونو نگم پر ایک کنسرٹ کے دوران شیو سینا کے رہنما کے بیٹے اور ان کے ساتھیوں کی جانب سے مبینہ حملے اور بدتمیزی کا مقدمہ درج کر لیا گیا ہے۔
پیر کی شب ممبئی کے علاقے چیمبور میں ایک کنسرٹ کے دوران اس وقت صورتِ حال کشیدہ ہو گئی تھی جب کچھ فینز نے گلوکار کے ساتھ سیلفی لینے کی کوشش کی۔
واقعے کی ویڈیوز سوشل میڈیا پر وائرل ہیں جن میں دیکھا جا سکتا ہے کہ گلوکار سونو نگم جب اسٹیج سے اتر رہے ہیں تو کچھ افراد ان کی جانب بڑھتے ہیں جن کے بارے میں کہا جا رہا ہے کہ وہ ان کے ساتھ سیلفی لینے کے خواہش مند تھے۔
کانسرٹ کے دوران اس وقت بدمزگی پیدا ہوئی جب سونونگم کے ساتھ موجود ان کے عملے کا ایک فرد اسٹیج کی سیڑھیوں سے نیچے گر کر زخمی ہوا جب کہ اس دوران دھکم پیل کی وجہ سے گلوکار کی حفاظت پر مامور اہلکار بھی زخمی ہوئے۔
Attack on #singer Sonu Nigam in #Chembur, #Mumbai.Sonu Nigam is getting an FIR registered at Chembur police station. #SonuNigam and some of his associates got hurt.His wife was saved by bodyguard. Sonu Nigam has been admitted to the hospital in Chembur pic.twitter.com/PVqezhrRn5
— Jacob Mathew (@Jacobmathewlive) February 21, 2023
اخبار ’دی ہندو‘ کی رپورٹ کے مطابق سونو نگم نے کانسرٹ کے دوران پیش آئے واقعے کے خلاف چیمبور تھانے میں مقدمہ درج کرا دیا ہے جب کہ پولیس نے سواپنیل پرکاش نامی شہری کے خلاف مقدمہ درج کرنے کی تصدیق کی ہے۔
سواپنیل پرکاش ریاست مہاراشٹرا اسمبلی کے رکن اور شیو سینا کے رہنما پرکاش پھترپیکر کے بیٹے ہیں۔
Update: Singer Sonu Nigam reached Chembur police station in Mumbai after a scuffle happened with him during an event. Police personnel are recording his statement pic.twitter.com/BMN5ShoPnr
— Megh Updates 🚨™ (@MeghUpdates) February 20, 2023
خبر رساں ادارے ’انڈیا ٹوڈے‘ کے مطابق اس واقعے کے حوالے سے شیو سینا کے رہنما پرکاش پھترپیکر کا کہنا ہے کہ کنسرٹ کے بعد سونو نگم اسٹیج سے اتر رہے تھے جب کچھ افراد اسٹیج کی جانب بڑھے۔ وہ گلوکار کے ساتھ سیلفی لینا چاہتے تھے۔
ان کے مطابق اس دوران حفاظت پر مامور افراد نے ان لوگوں کو پیچھے ہٹانے کی کوشش کی، البتہ سونو نگم کے عملے میں موجود ایک فرد کو غلطی سے دھکا لگا۔ اس کے علاوہ کچھ نہیں ہوا۔
سواپنیل پرکاش پھترپیکر کی بہن سوپرادا نے بھی سوشل میڈیا پر ایک بیان میں کہاہے کہ ان کے بھائی سواپنیل سونونگم کے ساتھ سیلفی لینا چاہتے تھے۔
my brother was trying to take a selfie with him. Due to the rush & furore, there was a commotion that ensued. The person who fell was taken to Zen hospital & was discharged after examination ( 2/3 )
— Suprada Phaterpekar (@suprada17) February 20, 2023
انہوں نے سونونگم اور ان کی ٹیم سے اس واقعے پر معذرت بھی کیا ہے۔
Shri Sonu Nigam is unhurt. On behalf of the organisation team, we have officially apologised to Sonu sir & his team for the unpleasant incident.Please donot believe any baseless rumours and those who are trying to politicize the matter. ( 3/3 )
— Suprada Phaterpekar (@suprada17) February 20, 2023
دوسری جانب سونو نگم کے عملے کے افراد نے دعویٰ کیا ہے کہ پرکاش پتھرپیکر کے بیٹے سواپنیل پرکاش پھترپیکر نے سونو نگم کی مینیجر سائرہ مکانی سے بدتمیزی کی تھی اور ان کو فوری طور پر اسٹیج خالی کرنے کے لیے کہا تھا۔
مقامی تھانے میں معاملے کی درخواست دینے کے بعد سونونگم کا میڈیا سے گفتگو میں کہنا تھا کہ وہ جب اسٹیج سے اتر رہے تھے کچھ لوگ ان کے ساتھ سیلفی لینا چاہتے تھے اسی دوران یہ سارا معاملہ ہوا۔
#SonuNigam made an official police complaint against Shivsena MLA son, Swapnil Phaterpekar in Chembur Police Station.This #Selfiee and VIP culture is really shameful.Sonu Nigham Spoke the media after registering his complaint. pic.twitter.com/vbYg9iKXXw
— Ashwani kumar (@BorntobeAshwani) February 21, 2023
سونونگم کے عملے کے مطابق جس وقت گلوکار اسٹیج سے اتر رہے تھے اسی وقت شیوسینا کے رہنما کے بیٹے نے ایک باڈی گارڈ ہری کو دھکا دیا جب کہ اس کے بعد گلوکار کو بھی دھکے دیے گئے۔
واضح رہے کہ چیمبور فیسٹیول کے آخری روز یہ کنسرٹ رکھا گیا تھا جس میں سونونگم کو بھی فن کا مظاہرہ کرنے کے لیے مدعو کیا گیا تھا۔
بھارت میں چار روز تک جاری رہنے والا یہ ثقافتی میلہ ہر سال منعقد ہوتا ہے جس میں فن کار اپنے فن کا مظاہرہ کرتے ہیں۔