ٹی ٹوئنٹی ورلڈکپ کے سب سے بڑے سمجھے جانے والے میچ میں پاکستان کی جیت اور بھارت کی ہار پر سوشل میڈیا مباحثوں سے بھرا ہوا ہے اور میمز کی بھرمار ہے۔ کوئی پاکستانی ٹیم کو مبارکبادیں دے رہا ہے تو کوئی بھارتی ٹیم کی ناکامی کے ذمہ داروں کا تعین کرنے کا مطالبہ کر رہا ہے۔
پاکستان نے ٹی ٹوئنٹی ورلڈکپ میں پہلی مرتبہ بھارت کو شکست دی ہے۔ یہ صرف شکست ہی نہیں بلکہ گرین شرٹس نے دس وکٹوں سے میچ جیت کر نئی تاریخ بھی رقم کی ہے۔
دونوں ٹیموں کے درمیان اتوار کو دبئی انٹرنیشنل کرکٹ اسٹیڈیم میں کھیلے گئے میچ میں محمد رضوان اور بابر اعظم نے نہ صرف بھارت کے خلاف طویل ترین اوپننگ پارٹنر شپ کا ریکارڈ بنایا بلکہ ٹی ٹوئنٹی ورلڈ کپ مقابلوں میں سب سے بڑی پارٹنرشپ قائم کرنے کا نیا عالمی ریکارڈ بھی قائم کر لیا ہے۔
اس سے قبل یہ اعزاز ویسٹ انڈیز کے کرس گیل اور ڈیون اسمتھ کے نام تھا جنہوں نے جنوبی افریقہ کے خلاف 2007 میں 145 رنز کی اوپننگ پارٹنرشپ قائم کی تھی۔
ادھر پاکستان سے شکست پر بھارتی ٹیم کے فاسٹ بالر محمد شامی تنقید کی زد میں ہیں۔ ان کے انسٹاگرام پر سینکڑوں افراد نے انہیں 'غدار' قرار دیا ہے اور مطالبہ کیا ہے کہ انہیں ٹیم میں نہیں ہونا چاہیے تھا۔
بھارت کے سابق اوپنر ورندر سہواگ نے محمد شامی کے دفاع میں اپنے ایک ٹوئٹ میں کہا ہے کہ شامی پر آن لائن حملے حیران کن ہیں۔ ہم ان کے ساتھ کھڑے ہیں۔ انہوں نے کہا کہ محمد شامی چیمپئن ہیں اور جس نے بھی بھارتی ٹیم کی کیپ اور جرسی پہنی ہے اس کے دل میں بھارت دھڑکتا ہے۔
The online attack on Mohammad Shami is shocking and we stand by him. He is a champion and Anyone who wears the India cap has India in their hearts far more than any online mob. With you Shami. Agle match mein dikado jalwa.
— Virender Sehwag (@virendersehwag) October 25, 2021
واضح رہے کہ دونوں ملکوں پاکستان اور بھارت کے درمیان انٹرنیشنل میچز تو نہیں کھیلے جاتے لیکن ان کا سامنا آئی سی سی کے مقابلوں میں ہوتا ہے۔ ان مقابلوں سے قبل دونوں ملکوں کے ذرائع ابلاغ میں بھی تجزیوں، تبصروں اور مباحثوں کے خصوصی پروگرام نشر ہوتے ہیں۔
پاک بھارت میچ سے قبل نہ صرف نشریاتی اداروں کے درمیان بحث و مباحثے ہوتے ہیں بلکہ سابق کرکٹرز بھی اس میں کود پڑتے ہیں۔
بھارت کے سابق اسپنر ہربھجن سنگھ نے میچ سے قبل پاکستان کو مشورہ دیا تھا کہ بھارت کے خلاف کھیلنے کا کیا فائدہ، ہمیں واک اوور ہی دے دیں۔
اس پر پاکستان کے سابق فاسٹ بالر شعیب اختر نے میچ کے بعد بھارت کے سابق اسپنر ہربھجن سنگھ کو مخاطب کرتے ہوئے ایک ویڈیو پیغام میں کہا کہ کیا آپ کو واک اوور چاہیے تھا۔
Congratulations on your win guys. U guys played better..✅ https://t.co/x9JEN5xSfO
— Harbhajan Turbanator (@harbhajan_singh) October 25, 2021
شعیب اختر کے ویڈیو پیغام پر جواب دیتے ہوئے ہربھجن سنگھ نے پاکستانی ٹیم کو مبارکباد دی اور کہا کہ آپ نے بہت اچھا کھیلا۔
بھارت کے خلاف پاکستان کی جیت پر بھارت میں جشن منانے اور آتش بازی کے واقعات بھی سامنے آئے ہیں جس پر سابق بھارتی کرکٹرز سیخ پا ہیں۔
سابق بھارتی اوپننگ بلے باز ورندر سہواگ نے اپنے ایک ٹوئٹ میں کہا ہے کہ دیوالی پر آتش بازی پر پابندی ہے، لیکن گزشتہ روز بھارت کے بعض علاقوں میں پاکستان کی جیت کا جشن منایا گیا ہے۔ اگر دیوالی پر آتش بازی کی جائے تو کیا نقصان ہوتا ہے۔ ایسا منافقانہ طرز عمل کیوں۔ سارا گیان تب ہی یاد آتا ہے۔
Firecrackers are banned during Diwali but yesterday in parts of India there were firecrackers to celebrate Pakistan ‘s victory. Achha they must have been celebrating victory of cricket. Toh , what’s the harm in fireworks on Diwali. Hypocrisy kyun ,Saara gyaan tab hi yaad aata hai
— Virender Sehwag (@virendersehwag) October 25, 2021
اسی طرح سابق بھارتی بلے باز گوتم گمبھیر نے کہا کہ پاکستان کی جیت پر آتش بازی کرنے والے بھارتی نہیں ہو سکتے۔ انہوں نے مزید کہا کہ ہمیں اپنے کھلاڑیوں کے ساتھ کھڑے ہونے کی ضرورت ہے۔
Those bursting crackers on Pak winning can’t be Indian! We stand by our boys! #Shameful
— Gautam Gambhir (@GautamGambhir) October 25, 2021
البتہ بھارتی ٹیم کے سابق کپتان محمد اظہرالدین نے پاکستان کی جیت پر کہا کہ پاکستان نے بہت عمدہ کھیل پیش کیا اور اس کا کریڈٹ اسے دینا چاہیے۔ انہوں نے کہا کہ بھارت نے اب بھی کچھ نہیں گنوایا اور اسے غلطیوں سے سیکھ کر آگے بڑھنا چاہیے۔
Give credit where it’s due. Pakistan played better today. It was a complete team effort. As for India nothing is lost there is still time to learn from these mistakes and move forward. #INDvPAK #T20WorldCup
— Mohammed Azharuddin (@azharflicks) October 24, 2021
میچ سے قبل بھارتی ذرائع ابلاغ میں بلو شرٹس کو گرین شرٹس پر سبقت دی جا رہی تھی اور ماضی کے مقابلوں کا بھی حوالہ دیا جا رہا تھا۔ گو کہ ٹی ٹوئنٹی ورلڈکپ میں بھارت کا ماضی کا ریکارڈ پاکستان سے بہتر ہے، لیکن میچ کے دن بھارت کی بیٹنگ اور بالنگ لائن ماضی کی کارکردگی نہ دوہرا سکی۔
वरुण चक्रवर्ती पर देखिए क्या बोले @harbhajan_singh और @MadanLal1983#INDvPAK #T20WorldCup @vikrantgupta73 @swetasinghat pic.twitter.com/CCZwCElMUK
— AajTak (@aajtak) October 24, 2021
بھارتی صحافی مانک گپتا نے پاکستان ٹیم کی بیٹنگ کی تعریف کرتے ہوئے کہا کہ بھارت کے مقابلے میں پاکستانی ٹیم زیادہ اچھی نہیں لیکن اگلی بار جب دونوں ٹیمیں آمنے سامنے ہوں گی تو نتائج مختلف ہوں گے۔ انہوں نے امید ظاہر کی کہ فائنل میچ میں پاکستان اور بھارت کی ٹیمیں مدِ مقابل ہوں گی۔
Pakistan played better cricket today. They are NOT a better team than India. Result would be very different the next time we play them. Hopefully in the final 😍 #INDvPAK
— Manak Gupta (@manakgupta) October 24, 2021
کرکٹ تجزیہ کار ومل کمار نے بھارتی ٹیم کے اوپننگ بلے باز شیکر دھون کی ایک تصویر شیئر کرتے ہوئے کہا کہ ٹیم میں شامل کھلاڑی شیکر دھون تماشائیوں کے اسٹینڈ میں بیٹھ کر میچ دیکھ رہے ہیں۔
Am I the only one to think that a current player like Shikhar Dhawan watching his team mates from stand? Don%27t recall the last time an active big player watching a match from stands . #INDvPAK #IndiaVsPak #indiaVsPakistan #IndianCricketTeam #ICCT20WorldCup #ICCT20WorldCup2021 pic.twitter.com/k1uPyfmlNu
— Vimal Kumar/विमल कुमार (@Vimalwa) October 24, 2021
ایک بھارتی شائق نے اپنے ویڈیو پیغام میں کہا کہ پاکستان نے اچھا کھیلا لیکن انہیں اس طرح کرنے کی ضرورت نہیں تھی۔ ایک وکٹ تو انسان ایسے ہی دے دیتا ہے۔ پیار محبت میں کہ اگلا بھی جوتے پہن کر کھیلنے کے لیے آیا ہے اسے بھی انجوائن کرنے دو۔ پاکستانی کھلاڑیوں کو آج ریکارڈ توڑنے تھے۔
Pakistan took all the revenge in one game. Swiftly outplayed ! Must watch and enjoy😁 #IndiaVsPak #PakistanZindabad 🇵🇰 pic.twitter.com/yVSih1LCWi
— Rabbiya Chaudhary (@RomeoCharlie29) October 24, 2021
بھارتی نشریاتی ادارے اے این آئی کے مطابق دبئی میں موجود ایک کرکٹ فین نے پاکستان کے خلاف بھارتی ٹیم کی سلیکشن پر سوال اٹھاتے ہوئے کہا کہ ٹیم کی سلیکشن اچھی نہیں تھی۔ ایشانت کشن کو ٹیم میں شامل کیا جانا چاہیے تھا۔ ایک تماشائی نے کا کہا کہ یہ میچ بہت اچھا تھا جس میں پاکستان نے کھیل کے تینوں شعبوں میں بھارتی ٹیم کو آؤٹ کر دیا۔
#T20WorldCup: India vs Pak | "Selection of team was not good. Ishan Kishan should have been picked," says a cricket fan in Dubai It was an amazing match. Batting, fielding, bowling we (Indian Team) were totally bowled out: A cricket fan after Pak wins a T20I match by 10 wickets pic.twitter.com/RwgDWrshMa
— ANI (@ANI) October 24, 2021
ایک بھارتی سپورٹر امت مشرا نے سابق کپتان مہندرا سنگھ دھونی کی تصویر شیئر کرتے ہوئے کہا کہ آپ کی بہت یاد آ رہی ہے۔
Miss you #Dhoni #IndiaVsPak #TeamIndia pic.twitter.com/Q7IzLaQ6bm
— Amit Mishra (@Amitjanhit) October 24, 2021