بھارت میں حال ہی میں منعقد ہونے والے 'نیتا مکیش امبانی کلچر سینٹر' کے لانچنگ ایونٹ کے بعد سوشل میڈیا پر میمز کی بھرمار ہے۔ ایک طرف'اسپائیڈر مین' کے چرچے ہو رہے ہیں تو وہیں جی جی حدید اور زینڈئیا کی روایتی ساڑھی پر بھی بات ہو رہی ہے۔
ممبئی میں جمعے کو 'نیتا مکیش امبانی کلچر سینٹر' کا رنگا رنگ لانچ ہوا جس کا افتتاح بھارت کے ارب پتی مکیش امبانی کی اہلیہ نیتا امبانی نے کیا تھا۔
نیتا مکیش امبانی کلچر سینٹر کا مقصد فن کے ذریعے بھارت کی ثقافت اور روایات کو نمایاں کرنا بتایا جاتاہے۔
اکتیس مارچ سے شروع ہونے والے اس دو روزہ ایونٹ میں امریکی ماڈل جی جی حدید، ہالی وڈ اداکار ٹام ہالینڈ، اداکارہ زینڈئیا کے علاوہ بالی وڈ سپر اسٹار شاہ رخ خان، سلمان خان، عامر خان، دپیکا پڈوکون، کرینہ کپور اور پریانکا چوپڑا سمیت کئی نامور شخصیات نے شرکت کی۔
ایونٹ کے بعد امریکی ماڈل جی جی حدید اور اداکار ٹام ہالینڈ نے اپنی اپنی انسٹاگرام پوسٹ کے ذریعے انہیں بھارت مدعو کرنے پر شکریہ بھی ادا کیا۔
سوشل میڈیا پر اس ایونٹ کی تصاویر وائرل ہونے کے ساتھ ساتھ صارفین کی جانب سے دلچسپ تبصروں کا سلسلہ بھی جاری ہے۔
#GigiHadid in saree💃 it%27s only possible in India.#NMACC #NitaAmbani #TomHolland #GigiHadid pic.twitter.com/HglltDwTX3
— Movie Flix Zone (@Movie_Flixzone) April 2, 2023
مووی فلکس زون نامی اکاؤنٹ کی جانب سے ٹوئٹ میں کہا گیا کہ "ساڑھی میں ملبوس جی جی، یہ صرف بھارت میں ہی ہو سکتا ہے۔"
Ambani ji please ONE DIRECTION ka reunion krva do🙏🏻🥺 #NMACC #Ambani #OneDirection pic.twitter.com/XtYh9N5m3w
— Girdhar jewrani (@Girdhar_Jewrani) April 2, 2023
گردھار جیروانی نے کہا کہ "امبانی جی پلیز ون ڈائریکشن کا بھی ری یونین کروا دیں۔"
We cannot get over indian paps!😂#nmacc #indian #tomholland #zendaya #tomandzendaya #rekha #rekhaji #nmaccgala #bollywood #gigihadid #gigi #paperazzi #paps pic.twitter.com/aggw7LSGlF
— Amirsays (@Amirbut78367484) April 2, 2023
ایک صارف نے بھارت کے پاپا رازی فوٹو گرافرز کے سلیبریٹیز کو پکارنے کے انداز کا لطف لیا۔
😂🔥#TomHolland #MukeshAmbani #NitaAmbani #NMACC #Zendaya pic.twitter.com/TsjvrDctkK
— Vishal Gupta (@vishallguptaa) April 3, 2023
وشال گپتا نے ایک میم شیئر کی جس میں مکیش امبانی اداکار ٹام ہالینڈ سے کہہ رہے ہیں کہ "جاکے کاسٹیوم پہن لو تھوڑی ہی دیر میں بچے آنے والے ہیں۔"
Indian paparazzi calling #TomHolland MAKADI MAN 🤣😭 I haven%27t laughed this much in so long! THANK YOU! #NMACC #NMACCGala pic.twitter.com/wXc2X0z0IM
— Dipika (@Diplii) April 3, 2023
دیپیکا نامی صارف نے ایک میم شیئر کرتے ہوئے لکھا بھارتی پاپا رازی ٹام ہالینڈ کو 'مکڑی مین' کہہ رہے ہیں، بہت عرصے بعد مجھے اتنی ہنسی آئی ہے۔
Ambani things 🤣#Ambani #NMACC pic.twitter.com/yKn5iH9koZ
— be Laibabutt (@BeLaibabutt) April 3, 2023
ایک اور صارف نے میم شیر کی جس میں مکیش امبانی ان کے پوتے کے ساتھ موجود ہیں جس پر لکھا ہے کہ ان کے پوتےنے کہا "دادا جی مجھے اسپائیڈر مین دیکھنا ہے۔" اور مکیش امبانی نے حقیقی اسپائیڈر مین کو ہی بلا لیا۔
Gigi Hadid after seeing Zayn Malik’s picture outside every barber shop in India pic.twitter.com/Jr1zltsOHA
— Stavya (@stavyakandoth) April 1, 2023
ایک اور میم میں لکھا تھا کہ "جی جی حدید بھارت میں ہر نائی کی دکان کے باہر زین ملک کی تصویر دیکھنے کے بعد۔"