پاکستان کرکٹ ٹیم کے بلے باز عمر اکمل کی تین سال بعد ٹی ٹوئنٹی ٹیم میں مایوس کُن واپسی پر اُنہیں شدید تنقید کا سامنا ہے۔
عمر اکمل نے آخری بار ستمبر 2016 میں ویسٹ انڈیز کے خلاف ٹی ٹوئنٹی سیریز کھیلی تھی۔ تین سالہ وقفے کے بعد اُنہیں دوبارہ ٹیم میں شامل کیا گیا لیکن وہ سری لنکا کے خلاف مسلسل دو میچز میں 'گولڈن ڈک' یعنی پہلی ہی گیند پر بغیر کوئی رنز بنائے آؤٹ ہوئے۔
عمر اکمل کی اس کارکردگی کے بعد سوشل میڈیا پر ایک مرتبہ پھر مکی آرتھر کو یاد کیا جارہا ہے۔
عمر اکمل کا پاکستان کرکٹ ٹیم کے سابق ہیڈ کوچ مکی آرتھر کے ساتھ تنازع اُس وقت سامنے آیا تھا جب بلے باز نے الزام لگایا تھا کہ ہیڈ کوچ اُنہیں گالیاں دیتے ہیں۔
مکی آرتھر نے ان الزامات کی تردید کرتے ہوئے عمر اکمل کو ڈومیسٹک کرکٹ پر زیادہ توجہ دینے کا مشورہ دیا تھا۔
محمد بخش جتوئی نامی ٹوئٹر صارف لکھتے ہیں کہ ہر شخص کو مکی آرتھر کا احترام کرنا چاہیے، وہ پروفیشنل کوچ تھے۔ انہوں نے ایک تصویر بھی شیئر کی جس پر نمایاں لکھا ہے کہ ایک مرتبہ کسی عقل مند شخص نے کہا تھا کہ جاؤ ڈومیسٹک کرکٹ کھیلو۔
Everybody should appreciate Mickey.He was very professional coach.His dedication and effort for Pakistan team was phenomenal!#UmarAkmal#AhmedShehzad #asif#PAKvSL pic.twitter.com/mpfv6RDt2I
— Jatoi Muhammad Bux (@muhammadbux29) October 8, 2019
محمد بخش قریشی لکھتے ہیں، مکی آپ کو بہت یاد کر رہے ہیں، آپ نے بہت اچھا کام کیا تھا۔ عمر اکمل اور احمد شہزاد اس کے حق دار تھے۔
Miki missing you .You did very well . Umar Akmal and Ahmad Shahzad deserve for it . #UmarAkmal pic.twitter.com/YW1dTTtg6C
— محمد بخش قریشی (@mbqureshi54321) October 8, 2019
عمر اکمل اور مکی آرتھر کے تنازع کی ایک تصویر شیئر کرتے ہوئے حق نواز وڑائچ نامی ٹوئٹر صارف لکھتے ہیں کہ مکی آرتھر نے بہت عظیم کام کیا تھا۔ صارف کی شیئر کردہ تصویر ایک مقامی ٹی وی چیلنج کی تھی جس پر عمر اکمل کا بیان موجود ہے کہ انضام الحق کی موجودگی میں مکی آرتھر نے اُنہیں گالیاں دیں۔
Miki done a great job #UmarAkmal pic.twitter.com/NbWQZ96Q8y
— haqnawaz warraich (@warraich8777) October 7, 2019
اسی قسم کا ایک ٹوئٹ سردار عدنان عمران نے کیا اور لکھا کہ ہمیں پیار ہے مکی آرتھر سے۔
Hamay pyaar hay micky arthur say.!#UmarAkmal pic.twitter.com/qwEBgQX6KG
— SARDAR ADNAN IMRAN (@Sardarspeaks) October 8, 2019
حسنات نامی ٹوئٹر صارف لکھتے ہیں عمر اکمل کے ٹیم میں آتے ہی بابر اعظم نے بھی رنز بنانا چھوڑ دیا۔
یاد رہے کہ بابر اعظم پاکستان کرکٹ ٹیم میں تسلسل کے ساتھ رنز بنانے والے کھلاڑی ہیں اور وہ عمر اکمل کے کزن بھی ہیں۔
عمر اکمل کے ٹیم میں آتے ہی بابر نے بھی رنز بنانا چھوڑ دیے، ، ،عمر اکمل بہت ہی کوئی ڈیش انسان ہے۔۔۔۔#UmarAkmal
— Hasnaat (@MrHasnat0046) October 8, 2019
درجان سودھا نامی صارف کہتے ہیں عمر اکمل نے جس طرح کھیلا اس پر میں کچھ کہنے کے قابل نہیں، کیا عظیم واپسی کی ہے۔
What a Knowk played by @Umar96Akmal 😅😅😅I%27m simply speechlessGreat comeback 👏👏#UmarAkmal pic.twitter.com/pV360mNMjQ
— Durjan_Sodha (@Durjan_041) October 7, 2019
حذیف علی شاہ نامی ٹوئٹر صارف ایک خاتون تماشائی کی تصویر شیئر کرتے ہیں جس میں وہ پریشان دکھائی دے رہی ہیں۔ اس پر تبصرہ کرتے ہوئے کہتے ہیں "شاید یہ خاتون محسوس کررہی ہیں کہ ٹکٹ لینے سے اچھا تھا کہ وہ لان کا سوٹ لے لیتی۔"
The moment she realized that" Ticket lene sa acha tha ma lawn ka suit la leti" #PAKvsSL #UmarAkmal #PakVsSri pic.twitter.com/DSRL2snB7p
— Huzaiفa Ali Shah (@huzaifaas12) October 8, 2019