بنگلہ دیش پریمیئر لیگ (بی پی ایل) میں اپنی فرنچائز فارچیون بریشال کو چھوڑ کر جانے والے شعیب ملک ایک مرتبہ پھر خبروں میں آ گئے ہیں۔
جمعے کو بنگلہ دیشی میڈیا نے ان کی مبینہ طور پر فکسنگ میں ملوث ہونے کی خبریں چلائیں، ان افواہوں کے مطابق شعیب ملک کارروائی سے بچنے کے لیے بی پی ایل چھوڑ کر دبئی چلے گئے تھے جس کے بعد فارچیون بریشال نے ان کا معاہدہ منسوخ کردیا۔
تاہم شعیب ملک اور ان کی فرنچائز ٹیم کے مالک میزان الرحمان نے ان افواہوں کی تردید کرتے ہوئے انہیں بے بنیاد قرار دیا ہے۔
سوشل میڈیا پر جاری اپنے بیان میں سابق کپتان نے کہا کہ انہوں نے لیگ چھوڑنے سے قبل کپتان تمیم اقبال کو اعتماد میں لیا تھا اور ان سے مشاورت کے بعد ہی مستقبل کا لائحہ عمل طے کیا تھا۔
Official statement ; I would like to address and dismiss the recent rumors circulating about my playing position with Fortune Barishal. I had a thorough discussion with our captain, Tamim Iqbal, and we mutually planned the way forward. I had to leave Bangladesh for a… pic.twitter.com/kmPqPt1nxv
— Shoaib Malik 🇵🇰 (@realshoaibmalik) January 26, 2024
انہوں نے مزید کہا کہ بنگلہ دیش سے دبئی واپس جانا اس لیے ضروری تھا کیوں کہ دبئی میں ان کی ایک پہلے ہی سے طے شدہ مصروفیت تھی جسے پورا کرنا تھا۔
اپنے اس بیان میں انہوں نے واضح کیا کہ فارچیون بریشال کے ساتھ ان کی نیک خواہشات ہیں، اگر مستقبل میں انہیں ان کی ضرورت پڑی تو وہ تعاون کے لیے موجود ہوں گے۔
شعیب ملک نے اپنی ٹیم کے مالک کی ویڈیو بھی شئیر کی جس میں انہوں نے اپنے نام سے منسوب بیان کو غلط قرار دیا، شعیب ملک کا کہنا تھا کہ ان کے خلاف چلنے والی خبروں میں کوئی صداقت نہیں۔
انہوں نے یہ بھی کہا کہ ایسی افواہوں پر یقین کرنے سے پہلے ان کی تحقیقات کرنی چاہیے تاکہ غلط فہمی سے بچا جا سکے۔
CONTRACT TERMINATED. ❌🚨 Fortune Barishal terminated the contract of Shoaib Malik as per Barishal team owner. Malik bowled three no-balls in a row during a match. #BPL2024 pic.twitter.com/LVQMCJbnmZ
— Saif Ahmed 🇧🇩 (@saifahmed75) January 26, 2024
آخر شعیب ملک کی کس بات نے فکسنگ الزامات کو ہوا دی؟
پینتیس ٹیسٹ، 287 ون ڈے اور 124 ٹی ٹوئنٹی انٹرنیشنل میچوں میں پاکستان کی نمائندگی کرنے والے شعیب ملک نے 2007 میں ہونے والے پہلے ٹی ٹوئنٹی ورلڈ کپ میں پاکستان کی قیادت کی تھی۔
وہ نہ صرف 2009 کی ورلڈ کپ وننگ ٹیم کا حصہ تھے بلکہ انہوں نے کئی انٹرنیشنل مقابلوں میں پاکستان کی جیت میں اہم کردار بھی ادا کیا۔
سوشل میڈیا پر گردش کرنے والی افواہ نے اس وقت جنم لیا جب شعیب ملک نے 22 جنوری کو کھلنا ٹائیگرز کے خلاف میچ میں ایک ہی اوور میں تین نو بالز پھینکیں۔
اس ایک اوور میں شعیب ملک نے 18 رنز دیے، لیکن ان کی تینوں نو بالز کو سوشل میڈیا صارفین نے شک کی نظر سے دیکھا۔
#ShoaibMalik’s BPL contract has been terminated due to alleged match fixing . pic.twitter.com/g29tVZFM4J
— Amitabh Chaudhary (@MithilaWaala) January 26, 2024
گو کہ ان کی پہلی نوبال کے بعد اگلی دو گیندوں پر رنز نہیں بنے، لیکن دوسری نو بال کے بعد ملنے والی فری ہٹ پر ایون لیوس نے چوکا اور تیسری نو بال کے بعد ملنے والی فری ہٹ پر چھکا مار دیا۔
یہ پہلا موقع نہیں جب شعیب ملک پر فکسنگ میں ملوث ہونے کا شک ظاہر کیا گیا ہو، سن 2010 میں جب عمران نذیر نے ہانگ کانگ سکسز میں ایک اوور میں 48 رنز دیے تھے تو اس وقت شعیب ملک ہی ان کی ٹیم کے کپتان تھے۔
کسی کا تیسری نوبال پر دلچسپ تبصرہ، کسی کا خبر پر یقین کرنے سے انکار
شعیب ملک کے خلاف اس خبر کو لے کر سوشل میڈیا پر کافی بات ہو رہی ہے، کوئی صارف دلچسپ تبصرہ کر رہا ہے تو کسی کے خیال میں یہ خبر ثانیہ مرزا نے پھیلائی ہے۔
سماجی کارکن صنم جمالی نے 'ایکس' میں اپنی پوسٹ پر جہاں شعیب ملک کی تیسری شادی سے تین نو بالز کو جوڑا بلکہ ان کی ایک نوبال کی تصویر بھی پوسٹ کی۔
تیسری شادی کے بعد 3 نو بالز۔۔!!میچ فکسنگ الزامات کے باعث بنگلہ دیش پریمیئر لیگ نے شعیب ملک کا معاہدہ منسوخ کر دیا، شعیب ملک نے میچ میں مسلسل 3 نو بالز کرائیں، بھارتی میڈیا کا دعویٰ۔ pic.twitter.com/a8ElMvq2Py
— Sanam Jamali🇵🇰 (@sana_J2) January 26, 2024
مریم نامی صارف نے شعیب ملک کی نئی اہلیہ ثنا جاوید کی ایک حالیہ 'ایکس' پوسٹ کا حوالہ دیتے ہوئے کہا کہ کیا اب وہ 'سو پراؤڈ آف یو' لکھ کر پوسٹ کریں گی؟
کچھ افراد اس کانٹریکٹ کی منسوخی پر یقین نہیں کر رہے ہیں اور ان کے خیال میں یہ خبر درست نہیں۔
We stand with Shoaib Malik. Don%27t trust on fake news .@realshoaibmalik #shoaibmalik pic.twitter.com/gF2wd8rIg1
— shoaib Malik army (@ranasikandarra3) January 26, 2024
شہریار نامی صارف نے کہا کہ انہیں اس الزام کے پیچھے بھارتی ٹرولز کا ہاتھ لگ رہا ہے جو ثانیہ مرزا سے علیحدگی پر بغیر ثبوت کے شعیب ملک پر الزام لگا رہے ہیں۔
Unconfirmed allegations on Shoaib Malik and Indians taking their hate out on Malik because of Sania. Without any evidence lol😂.#ShoaibMalik #BPL24 pic.twitter.com/vQ8sabvkXC
— Shaharyar🏏 (@PakCricketPulse) January 26, 2024
کفایت علی نامی صارف نے بھی اس خبر کو ثانیہ مرزا کی جانب سے بدلہ قرار دیا، ان کا کہنا تھا کہ شعیب ملک کی سابقہ اہلیہ نے اس غلط خبر کو وائرل کرنے کے لیے لوگوں کو پیسے دیے۔
Breaking: As per sources Sania Mirza has allegedly propagated fake news against Shoaib Malik, accusing him of involvement in fixing by paying some individuals. #SaniaMirza #ShoaibMalik #BPL2024 pic.twitter.com/dspqV5ndFb
— Kifayat Ali (@KiffayatAli) January 26, 2024
شعیب ملک کا کانٹریکٹ منسوخ ہوا کہ نہیں، اس پر تو نہ کھلاڑی نے کچھ کہا ہے، نہ ہی فرنچائز ٹیم کے اونر نے، البتہ تفصیلات کے مطابق ان کی جگہ فارچیون بریشال نے سابق پاکستانی اوپنر احمد شہزاد کو اسکواڈ میں شامل کرلیا ہے۔
اس وقت پوائنٹس ٹیبل پر کھلنا ٹائیگرز چار پوائنٹس کے ساتھ سرِ فہرست ہے جب کہ فورچیون باریشال کی سات ٹیموں میں سے چھٹی پوزیشن ہے۔