پاکستانی شوبز اسٹار علی ظفر اور سابق کرکٹر شعیب اختر کے درمیان سوشل میڈیا پر ہونے والی نوک جھونک صارفین کے لیے دلچسپی کا مرکز بنی ہوئی ہے۔
دونوں دوبدو ایک دوسرے کے مقابلے پر ہیں اور دونوں جانب سے ہونے والا چیلنج دلچسپی سے خالی نہیں۔
پیار بھری نوک جھونک کا آغاز شعیب اختر کی جانب سے ہوا تھا۔ انہوں نے سماجی رابطے کی ویب سائٹ ٹوئٹر پر علی ظفر کے نام اپنے پیغام میں کہا کہ سنا ہے بڑا کرکٹر ہے تو؟
Suna hai bara cricketer hai tu @AliZafarsays ??
— Shoaib Akhtar (@shoaib100mph) December 3, 2019
جواب میں علی ظفر نے بھی دلچسپ انداز میں شعیب اختر سے پوچھا کہ سنا ہے بڑی بالنگ کراتے ہیں آپ؟
Suna hai bari bowling kerwaate hain aap :) https://t.co/JSpx20zxyQ
— Ali Zafar (@AliZafarsays) December 3, 2019
شعیب اختر بھی کہاں چپ رہنے والے تھے۔ انہوں نے فوراً چیلنج کر دیا کہ "علی ظفر تو وقت اور جگہ بتا اور پھر میری صرف ایک بال چھو کر دکھا۔"
Tu time aur jagah bataa. Aur phir aik ball touch ker k dikha. https://t.co/eBIitcYJsT
— Shoaib Akhtar (@shoaib100mph) December 3, 2019
اس پر علی ظفر نے بھی گویا آستینیں چڑھاتے ہوئے جواب دیا کہ گراؤنڈ میں انتظار کر رہا ہوں، اور میں بھی ایک بال 172 میل فی گھنٹہ کی رفتار سے کرواؤں گا۔
Ground mein Intezar ker raha hoon. Aik ball mein bhaee kervaoon ga. 172 miles/hour. https://t.co/UUiLkm5LPf pic.twitter.com/Q5uryX4uf1
— Ali Zafar (@AliZafarsays) December 3, 2019
شعیب اختر نے مزاحاً دھمکی بھرے انداز میں کہا کہ پریکٹس کر لے راک اسٹار، جلد ملتے ہیں۔