بھارت کی لیجنڈ گلوکارہ لتا منگیشکر کی اتوار کو ممبئی میں آخری رسومات کے موقع پر جہاں ہر آنکھ اشک بار نظر آئی وہیں اس موقع پر بالی وڈ سپر اسٹار شاہ رخ خان کی 'دعا' موضوعِ بحث بنی ہوئی ہے۔
ممبئی کے شیوا جی پارک میں آنجہانی گلوکارہ کی آخری رسومات کے موقع پر بھارت کے وزیرِ اعظم نریندر مودی، بالی وڈ اسٹار شاہ رخ خان، کرکٹر سچن ٹنڈولکر سمیت سیکڑوں افراد نے شرکت کی تھی۔
سوشل میڈیا پر لتا کی آخری رسومات کی تصاویر اور ویڈیوز سامنے آئیں جن میں شاہ رخ خان کی دعا کے لیے ہاتھ اٹھائے تصویر پر بھارت میں بحث کا سلسلہ جاری ہے۔
سوشل میڈیا پر وائرل ہونے والی ایک ویڈیو میں شاہ رخ خان کے ساتھ ان کی منیجر پوجا ددلانی کو دیکھا جا سکتا ہے۔ پوجا نے ہندو روایت کے مطابق 'پرانام' یعنی دونوں ہاتھ جوڑے ہوئے ہیں اور ان کے ساتھ کھڑے شاہ رخ خان نے دعا کے لیے ہاتھ بلند کیے ہوئے ہیں۔
وائرل ہونے والی اس ویڈیو میں شاہ رخ خان کو دعا مانگنے کے بعد میت پر پھونکتے ہوئے بھی دیکھا جا سکتا ہے۔ ان تصاویر اور ویڈیوز کے سامنے آنے کے بعد بھارت میں ٹوئٹر پر ہیش ٹیگ 'شاہ رخ خان' بھی ٹرینڈ کرنے لگا۔
شاہ رخ کے چاہنے والے ان کے اس عمل کو پسند کر رہے ہیں جب کہ ہندو انتہا پسند اور بعض سیاست دانوں کا اس پر شدید ردِ عمل سامنے آیا ہے۔
ریاست ہریانہ سے تعلق رکھنے والے بھارتیہ جنتا پارٹی (بی جے پی) کے عہدیدار ارن یادو نے شاہ رخ خان کی ویڈیو شیئر کرتے ہوئے سوال کیا کہ کیا یہ ان پر تھوک رہے ہیں؟
क्या इसने थूका है ❓ pic.twitter.com/RZOa2NVM5I
— Arun Yadav (@beingarun28) February 6, 2022
بی جے پی کے ریاست اتر پردیش کے ترجمان پراشانت امراؤ نے بھی ویڈیو شیئر کرتے ہوئے لکھا کہ "شاہ رخ خان تھوک رہے ہیں۔"
Shahrukh is Spitting! https://t.co/mhX8i7lnNk
— Prashant Umrao (@ippatel) February 6, 2022
الوک بھٹ نامی صارف نے شاہ رخ خان کی ویڈیو شیئر کرتے ہوئے کہا کہ سوال یہ نہیں ہے کہ شاہ رخ خان نے تھوکا ہے یا نہیں۔ سوال یہ ہے کہ کیا انہوں نے ایسا کرنے کے لیے لتا منگیشکر کے گھر والوں سے اجازت لی؟
انہوں نے کہا کہ اگر کوئی ہندو سلیبریٹی کسی مسلمان کی میت پر گنگا جل چھڑکے تو کیا یہ قابلِ قبول ہو گا؟
Spitting or no spitting,blowing or no blowing is immaterial!2 relevant Q:1.Did he take her family approval? 2.If no,this attempt to normalise Islamic culture with non believers must be resisted! If Hindu celeb sprinkling GangaJal on a devout deceased Muslim be acceptable? https://t.co/5fRHXpz1ww
— Alok Bhatt (@alok_bhatt) February 7, 2022
تاہم شاہ رخ خان پر تنقید کے جواب میں کانگریس رہنما سمیت اداکار کے چاہنے والوں کی جانب سے بھی ردِ عمل سامنے آ رہا ہے۔
کانگریس رہنما سپریا شری ناتے نے اپنے ٹوئٹ میں کہا کہ "مرنے والے کے لیے کی گئی دعا کو توڑ مرڑ کر پیش کرنا برائی ہے۔"
You aren’t just a bigot but pure evil to twist a dua said in reverence of the departed soul to spread hatred. Think about it people, will we let the evil win?#LataMangeshkar #ShahRukhKhan
— Supriya Shrinate (@SupriyaShrinate) February 6, 2022
بی جے پی سے کنارہ کشی کرنے والے سابق رہنما چندرا کمار بوس نے بھی اپنے خیالات کا اظہار کرتے ہوئے کہا کہ "لتا منگیشکر کی آخری رسومات کے موقع پر شاہ خان کی دعا بھارت کے حقیقی ورثہ اور ثقافت کی عکاسی کرتی ہے اور ایسا کرنا تعصب پھیلانے والوں سے ہضم نہیں ہو رہا۔"
#ShahRukhKhan at #LataMangeshkar %27s funeral offering prayers! This is the real heritage & culture of India. Certain religious bigots cannot digest it! pic.twitter.com/75B4w0GY3A
— Chandra Kumar Bose (@Chandrakbose) February 7, 2022
ایکٹیوسٹ عائشی گھوش نے شاہ رخ خان کی تصویر شیئر کرتے ہوئے لکھا کہ "نفرت اس پر غالب نہیں آ سکتی۔"
No hate can conquer this....❤️#ShahRukhKhan pic.twitter.com/rCKoKu2mvX
— Aishe (ঐশী) (@aishe_ghosh) February 6, 2022
کانگریس کے رہنما عمران پرتاپ گڑھی نے کہا کہ" یہ صرف ایک تصویر نہیں بلکہ مکمل ہندوستان ہے۔"
ये महज़ तस्वीर नहीं बल्कि मुकम्मल हिंदोस्तान है❤️ pic.twitter.com/Fhtus84BVL
— Imran Pratapgarhi (@ShayarImran) February 6, 2022
علی شیخ نامی صارف نے کہا کہ "اکثر ہمارے پاس اپنی قوم کی خوبصورتی بیان کرنے کے لیے الفاظ کم پڑ جاتے ہیں۔ میرے خیال میں یہ ایسا ہی ایک لمحہ ہے۔"
Sometimes your words fall short to describe the beauty of this great nation and I think this was one such moment. 🇮🇳🇮🇳❤#LataMangeshkar #ShahRukhKhan pic.twitter.com/HdeKiUvVz4
— Ali shaikh (@alishaikh3310) February 6, 2022
ایک اور صارف نے کہا کہ "یہ آج انٹرنیٹ کی سب سے بہترین تصویر ہے، یہ ہمارا بھارت ہے۔"
BEST PICTURE ON INTERNET TODAY, unfortunately at sad & heartbreaking atmosphere. But this is my INDIA 🇮🇳❤️ #ShahRukhKhan@pooja_dadlani pic.twitter.com/b0zC3vGt7d
— Aavishkar (@aavishhkar) February 6, 2022
رینوکا نے کہا کہ "شاہ رخ خان کو کسی وجہ کے سبب ہی پسند کیا جاتا ہے۔"
This man is loved for a reason.#ShahRukhKhan pic.twitter.com/huLMt1eqxF
— Renuka Vyavahare (@renukaVyavahare) February 6, 2022