سعودی عرب میں عام تعطیل کے اعلان کے بعد بدھ کو تمام سرکاری و نجی ملازمین چھٹی منا رہے ہیں اور تعلیمی اداروں میں بھی تدریسی عمل موقوف ہے جس کی وجہ فٹ بال کے عالمی مقابلے میں ارجنٹائن کے خلاف سعودی ٹیم کی تاریخی فتح ہے۔
سعودی فرماں رواں شاہ سلمان بن عبد العزیز نے منگل کو سرکاری چھٹی کا اعلان اس وقت کیا تھا جب سعودی فالکنز نے فٹ بال ورلڈ کپ 2022 کے اپنے افتتاحی میچ میں دو مرتبہ کی چیمپئن ارجنٹائن کو ایک کے مقابلے میں دو گول سے شکست دے کر سب کو حیران کر دیا۔
اس کامیابی کے بعد سعودی عرب کو دنیا بھر سے مبارک باد ملنے کا سلسلہ جاری ہے اور سوشل میڈیا پر بھی سعودی کھلاڑیوں کی خوب تعریفیں ہو رہی ہیں۔
منگل کو کھیلے گئے میچ میں ارجنٹائن کے کپتان لیونل میسی نے پہلے ہاف میں پنالٹی پر گول کر کے ٹیم کو کامیابی دلائی تھی لیکن دوسرے ہاف میں سعودی عرب کے اسٹرائیکر صالح الشہری اور سلیم الدوسر نے ایک کے بعد دوسرا گول کر کے اپنی ٹیم کو ناقابلِ یقین کامیابی دلائی۔
سعودی عرب نے ارجنٹائن کو شکست دے کر نہ صرف پوائنٹس ٹیبل پر تین قیمتی پوائنٹس حاصل کیے ہیں بلکہ ایک ایسی ٹیم کو شکست دی جو مسلسل 36 میچز میں ناقابلِ شکست رہی۔
سعودی عرب کے خلاف ارجنٹائن کی اس شکست کو فٹ بال کی تاریخ کے چند بڑے اپ سیٹس میں سے ایک قرار دیا جا رہا ہے۔
میچ شروع ہونے سے قبل سعودی عرب کی جیت کا صرف چار فی صد امکان ظاہر کی جا رہا تھا لیکن منگل کو اسٹیڈیم میں وہ ہوا جس کی کسی کو امید نہیں تھی۔
ایک ٹوئٹر صارف نے سعودی عرب کی جیت پر تبصرہ کرتے ہوئے کہا کہ سعودی کھلاڑیوں نے عزم اور استقامت کا مظاہرہ کرتے ہوئے ہر موازنہ پسِ پشت ڈال دیا ہے۔
The Green Hawks do not recognize these comparisonsWith determination and persistence, Saudi Arabia does not know the impossible 💚🇸🇦🇸🇦 #Worlds2022 #WorldcupQatar2022 #السعوديه_الارجنتين pic.twitter.com/bapSwteSCG
— ßÚ RÄ¥Äñ 🇬🇧 🇦🇪 (@BU_RAYAN_99) November 22, 2022
پاکستان کے وزیرِ اعظم شہباز شریف نے شہزادہ محمد بن سلمان اور سعودی عوام کو مبارک باد دیتے ہوئے کہا ہے کہ سعودی عرب نے ارجنٹائن کے خلاف سنسنی خیز مقابلے کے بعد فتح حاصل کر کے فیفا ورلڈ کپ کی تاریخ میں ایک بڑا اپ سیٹ کیا ہے۔
What a game of football it was! Saudi Arabia made history today by staging the biggest upset in FIFA World Cup thriller against Argentina. Heartiest congratulations to HRH Crown Prince Mohammed Bin Salman. We share the happiness of our Saudi brothers & sisters on this great win.
— Shehbaz Sharif (@CMShehbaz) November 22, 2022
سعودی عرب اور ارجنٹائن کے درمیان میچ دیکھنے کے لیے امیر قطر شیخ تمیم بن حماد بھی اسٹیڈیم میں موجود تھے۔
سعودی عرب کی ٹیم کی کامیابی کو دیکھتے ہوئے انہوں نے ایک مداح سے سعودی پرچم لے کر اپنے گلے میں ڈال لیا۔
The Emir of Qatar, Sheikh Tamim bin Hamad, wears the flag of the Kingdom of Saudi Arabia during the match between the Saudi national team and Argentina .messi#FIFAWorldCup#Qatar2022#السعوديه_الارجنتين #محمد_بن_سلمان #أخضرنا_قبل_الكل pic.twitter.com/ldGuVzcnLf
— Abid Baloch 🇵🇰 (@Itx_Abid686) November 22, 2022
لطیفہ الخلیفہ نامی ٹوئٹر صارف نے ایک ویڈیو شیئر کی جس میں ایک سعودی مداح کو اسٹیڈیم کو باہر یہ پوچھتے ہوئے دیکھا جا سکتا ہے کہ کہاں ہے میسی؟ میسی کہاں ہے؟
Where is MESSI?? 🤣🤣🤣🤣🤣#السعوديه_الارجنتين #المنتخب_السعودي pic.twitter.com/AETIeCu3fk
— Lateefa.Al_Khalifa MBS🇸🇦🇧🇭🇦🇪 (@elrifffa3) November 22, 2022
ٹوئٹر پر ایک ویڈیو وائرل ہو رہی ہے جس میں سعودی عرب کی جیت کے بعد ایک گھر میں موجود سعودی شائقین کو ٹیم کی جیت کی خوشی مناتے ہوئے دیکھا جا سکتا ہے۔
ٹیم کی جیت کے جشن میں ایک شخص تو کمرے کا دروازہ ہی اکھاڑ دیتا ہے۔
#FIFAWorldCupQatar2022 #السعوديه_الارجنتين that’s unbelievable 😀😀😀 pic.twitter.com/TAlnRH6MUZ
— Shabeer Ahmad (@shabeee529) November 22, 2022
ایک ٹوئٹر صارف نے لکھا کہ "ہم نے ارجنٹائن کو تاریخی شکست دی ہے جسے صدیوں تک یاد رکھا جائے گا۔
انہوں نے مزید کہ کہا کہ’’ وہ دن دور نہیں جب فٹ بال ورلڈ کپ سعودی عرب آئے گا اور ہم دوبارہ جشن منائیں گے۔‘‘
Hey Saudis! We have given a historic defeat to 🇦🇷 & this defeat will be remembered for centuries & GOOD MORNING to you all. The day is not far when #FIFAWorldCup will come to 🇸🇦 and we will celebrate again.#محمد_بن_سلمان | #المنتخب_السعودي#السعوديه_الارجنتين | #أخضرنا_قبل_الكل pic.twitter.com/LhkVziH7KG
— Mujeeb UR Rehman (@Mujeebtalks) November 23, 2022
ایک ٹوئٹر صارف نے سعودی عرب کی ٹیم کے ڈریسنگ روم کی ویڈیو شیئر کی جس میں کوچ کو کھلاڑیوں سے بات کرتے ہوئے دیکھا جا سکتا ہے۔
اس ویڈیو پر تبصرہ کرتے ہوئے صارف کہتے ہیں سعودی عرب کی جیت کی ایک وجہ یہ بھی ہے کہ ان کے پاس یہ کوچ موجود ہیں۔
one of the reasons for saudi wining today!! They got this dude#كأس_العالم #saudi#السعودية 🇸🇦💚 #السعوديه_الارجنتين #Argentina #كأس_العالم_قطر_2022 | #FIFAWorldCup pic.twitter.com/NJftkphdl0
— 🛢 Solix 🕋🌴 (@soli77787) November 22, 2022