بھارت میں حزبِ اختلاف کی سب سے بڑی جماعت کانگریس کے رہنما راہل گاندھی کو دہلی پولیس گرفتاری کے لگ بھگ چھ گھنٹے بعد رہا کر دیا ہے۔
اخبار ’ٹائمز آف انڈیا‘ کی رپورٹ کے مطابق نئی دہلی کی پولیس کے ڈپٹی کمشنر کا کہنا ہے کہ ان کو رہا کیا جا چکا ہے۔
حکام کے مطابق حراست میں لیے گئے دیگر ارکان کو بھی رہا کر دیا گیا ہے۔
قبل ازیں جماعت کانگریس کے رہنما راہل گاندھی کو لگ بھگ 50 ارکانِ پارلیمنٹ کے ہمراہ دارالحکومت نئی دہلی میں احتجاجی دھرنے سے حراست میں لیا گیا تھا۔
بھارتی نشریاتی ادارے ’این ڈی ٹی وی‘ کی رپورٹ کے مطابق کانگریس کے رہنما راہل گاندھی نے ارکان پارلیمان کے ہمراہ ہائی سیکیورٹی زون میں راج پاتھ کے قریب دھرنا دیا، جہاں پر قریب ہی پارلیمان اور دیگر اہم سرکاری دفاتر بھی ہیں۔ ان کو پولیس اہلکاروں کی ایک بڑی تعداد نے گھیر رکھا تھا۔
پولیس حکام نے راہل گاندھی اور 50 ارکانِ پارلیمان کو حراست میں لینے کی تصدیق کی ہے۔
Congress leader Rahul Gandhi along with 50 MPs detained from the North fountain near Parliament. They are detained in Kingsway camp PS: DCP New Delhi
— ANI (@ANI) July 26, 2022
کانگریس ملک میں اشیا کی قیمتوں میں اضافے، جی ایس ٹی سمیت کئی دیگر معاملات پر احتجاج کر رہی ہے جن میں سیاسی رہنماؤں کو ملکی اداروں کے ذریعے ہدف بنانا بھی شامل ہے۔
کانگریس نے اپنے سوشل میڈیا اکاؤنٹس پر دو تصاویر شیئر کی ہیں جن میں ایک جانب ان کی دادی کی بلیک اینڈ وائٹ فوٹو ہے جس میں وہ اسی انداز میں احتجاج کر رہی ہے جب کہ دوسری جانب راہل گاندھی کے احتجاج کی تصویر ہے۔
जंजीर बढ़ा कर साध मुझे,हाँ, हाँ दुर्योधन! बाँध मुझे।बाँधने मुझे तो आया है,जंजीर बड़ी क्या लाया है?इतिहास दोहरा रहा है...#SatyagrahaWithSoniaGandhi pic.twitter.com/wroc7cLtk9
— Congress (@INCIndia) July 26, 2022
میڈیا سے گفتگو میں راہل گاندھی کا کہنا تھا کہ وہ عوام کے لیے اشیا کی قیمتوں میں اضافے اور بے روزگاری کے خلاف احتجاج کر رہے ہیں۔
جس وقت ان کو حراست میں لیا جا رہا تھا اس وقت وہ تنہا تھے کیوں کہ پولیس اہلکار ان کے ہمراہ موجود دیگر افراد کو پہلے ہی گرفتار کر چکی تھی۔
گرفتاری کے بعد پولیس کے ہمراہ جاتے ہوئے ان کا کہنا تھا کہ بھارت ایک پولیس اسٹیٹ ہے جہاں نریندر مودی راجا ہیں۔
They (Police) are not allowing us to sit at Vijay Chowk. This is the reality of India that it is a Police state, it is the truth...Modiji (PM Modi) is a %27raja%27 (king): Congress leader Rahul Gandhi during dharna at Vijay chowkRahul Gandhi was later detained by the Delhi police pic.twitter.com/szDdr95av0
— ANI (@ANI) July 26, 2022
دوسری جانب نئی دہلی میں ہی راہل گاندھی کی والدہ اور کانگریس کی صدر سونیا گاندھی نیشنل ہیرالڈ کیس میں تفتیش کے لیے انفورسمنٹ ڈائریکٹوریٹ میں پیش ہوئیں۔ سونیا گاندھی کے ہمراہ ان کی بیٹی پریانکا گاندھی بھی تھیں۔ قبل ازیں راہل گاندھی بھی ان کے ساتھ تھے البتہ بعد ازاں وہ پارلیمنٹ کے قریب احتجاج میں شریک ہوئے تھے۔
خبر رساں ادارے ’انڈیا ڈاٹ کام‘ کا کہنا تھا کہ راہل گاندھی کو حراست میں لے جانے کے بعد ان کو پولیس کی بس میں سوار کرکے لے جایا گیا۔
#WATCH | Delhi: Congress MPs march from Gandhi Statue in the Parliament premises towards Vijay Chowk, in protest against ED questioning of party%27s interim president Sonia Gandhi in National Herald case. Rahul Gandhi also taking part in the protest march. pic.twitter.com/dfu18gdUoN
— ANI (@ANI) July 26, 2022
واضح رہے کہ پارلیمان میں کانگریس کے ارکان نے احتجاج کیا تھا کہ پارلیمنٹ میں حزبِ اختلاف کو خاموش کرنے کی کوشش کی جا رہی ہے۔ جس کے ایک دن بعد کانگریس چار ارکان پارلیمنٹ کو معطل کر دیا گیا تھا۔
پارلیمان کے ایوانِ زیریں راجیہ سبھا میں اپوزیشن لیڈر اور کانگریس کے رہنما ملی کارجن کھرگے کا کہنا تھا کہ مظاہرین پولیس کے طے کردہ ضابطے کے مطابق احتجاج کر رہے تھے۔
Parliament is meant for debate and that%27s what the opposition is demanding - a discussion on Price rise and GST on essential food items.Will PM @narendramodi come out of his comfort monologue zone and dare to debate in the house? Why is this oppressive regime scared of? pic.twitter.com/0aZf7wtpxx
— Leader of Opposition, Rajya Sabha (@LoPIndia) July 26, 2022
انہوں نے وزیرِ اعظم اور وزیرِ داخلہ پر الزام لگاتے ہوئے کہا کہ یہ سب کچھ مودی اور امیت شاہ کی سازش ہے جس کا مقصد حزبِ اختلاف کو مکمل طور پر ختم اور ان کی آوازوں کو خاموش کرانا ہے۔
انہوں نے کہا کہ ہم خاموش نہیں ہوں گے بلکہ اس تمام صورتِ حال کا مقابلہ کریں گے۔
سونیا گاندھی پر الزام ہے کیا؟
بھارتیہ جنتا پارٹی (بی جے پی) کے رہنما سبرامنین سوامی نے 2013 میں دہلی کی ایک عدالت میں درخواست دائر کرکے یہ الزام عائد کیا تھا کہ راہل گاندھی کی نجی تنظیم ’ینگ انڈیا لمٹیڈ‘ نے کانگریس پارٹی کے اخبار ’نیشنل ہیرالڈ‘ کو حاصل کرنے میں فنڈز میں بدعنوانی کی ہے۔
انہوں نے وزارتِ خزانہ میں کانگریس رہنماؤں کی جانب سے مبینہ ٹیکس چوری کی شکایت بھی کی تھی۔ اخبار نیشنل ہیرالڈ کانگریس پارٹی کی کمپنی ایسو سی ایٹڈ جرنلز لمٹیڈ (اے جے ایل) کی ملکیت تھا۔
کانگریس الزامات کی تردید کرتی ہے۔ اس کے مطابق چونکہ کوئی مالی لین دین نہیں ہوا ہے اس لیے ٹیکس چوری کا الزام بھی غلط ہے۔ اس کا کہنا ہے کہ اس معاملے میں کوئی ایف آئی آر بھی درج نہیں ہوئی ہے۔
کانگریس نے سونیا گاندھی کو طلب کرنے کی مخالفت کی اور کہا حکومت حزب اختلاف کو اپنا دشمن مانتی ہے۔