پاکستان نے بنگلہ دیش کے خلاف سہ ملکی سیریز کے پہلے میچ میں کامیابی تو حاصل کر لی لیکن کرکٹ مبصرین جن خدشات کا اظہار کر رہے تھے وہ ایک مرتبہ پھر درست ثابت ہو رہے ہیں۔
بنگلہ دیش کے خلاف جمعے کو کرائسٹ چرچ کے ہیگلے اوول گراؤنڈ میں پاکستان نے اسکور بورڈ پر 167 رنز سجائے لیکن ٹیم کے مجموعے میں لگ بھگ آدھے رنز محمد رضوان نے بنائے تھے۔ٹیم کا مڈل آرڈر ایک مرتبہ پھر بری طرح ناکام رہا۔ حیدر علی چھ، افتخار احمد 13 اور آصف علی چار رنز بنا کر آؤٹ ہوئے۔
نیوزی لینڈ آمد سے قبل کرکٹ مبصرین مڈل آرڈر پر سوال اٹھا رہے تھے اور بنگلہ دیش کے خلاف سہ ملکی سیریز کے پہلے ہی میچ میں مڈل آرڈر نے اپنی کارکرگی سے ان سوالات پر مہر ثبت کر دی ہے۔
انگلینڈ کے خلاف ہوم گراؤنڈ پر سات ٹی ٹوئنٹی میچزکی سیریز میں بھی پاکستان کے مڈل آرڈر بلے بازوں کی کارکردگی کچھ زیادہ مختلف نہیں تھی جس پر نہ صرف کرکٹ ماہرین نکتہ چینی کر رہے تھے بلکہ شائقین نے بھی سلیکٹرز پر تنقید کی تھی۔
کرکٹ مبصرین کا کہنا تھا کہ مڈل آرڈر بلے بازوں کی جو کارکردگی حالیہ میچز میں رہی ہے اس بنیاد پر ٹی ٹوئنٹی ورلڈکپ میں ٹیم سے زیادہ امیدیں نہیں لگائی جا سکتیں۔ تاہم ٹیم مینیجمنٹ نے مڈل آرڈر سمیت پوری ٹیم پر بھرپور اعتماد کا اظہار کیا تھا۔
البتہ جمعے کو بنگلہ دیش کے خلاف محمد رضوان کے سوا کوئی بلے باز زیادہ لمبی اننگز نہ کھیل سکا۔جس کے بعد مڈل آرڈر میں حیدر علی، افتخار احمد اور آصف علی کی کارکردگی ایک مرتبہ پھر سوشل میڈیا پر موضوعِ بحث بنی ہوئی ہے۔
ایک ٹوئٹر صارف نے اپنی ٹویٹ میں پاکستان کے مڈل آرڈر پر تبصرہ کیا کہ "اس دنیا میں ہر چیز عارضی ہے لیکن مڈل آرڈر کا پرفارم نہ کرنا مستقل ہے۔"
Everything is temporary in this fake world , but "middle order ka perform na krna is permanent " ㋡ #PAKvsBAN pic.twitter.com/bJ0mr1jbiP
— ℬ𝒶𝒷𝒶𝓇 🌹 (@raniya_angel_56) October 7, 2022
ماہم فاطمہ نامی ٹوئٹر صارف نے لکھا کہ حیدر علی ہر اننگز میں ایک ہی طرح سے آؤٹ ہو رہے ہیں۔ لیکن کیا کریں،''یہی تو قدرت کا نظام ہے۔''
Haider Ali is Getting Out On Same Fashion in Every Other Innings.Laken Kya Karain " Yahi To Qudrat Ka Nizam Hai"#PAKvsBAN
— Maham Fatima (@Maham0fficial_2) October 7, 2022
واضح رہے کہ پاکستانی ٹیم کےہیڈ کوچ ثقلین مشتاق نے انگلینڈ کے خلاف سیریز کے دوران ایک پریس کانفرنس میں کہا تھا کہ یہ قدرت کا نظام ہےکہ کبھی جیتیں گے اور کبھی ہاریں گے۔
حیدر علی کے شارٹ سلیکشن پر تنقید کرتے ہوئے ایک ٹوئٹر صارف نے کہا کہ''حیدر علی آج بھی شارٹ بال پر آؤٹ ہوئے، مجھے سمجھ نہیں آ رہی کہ کیا ہو رہا ہے۔(بیٹنگ )کوچ محمد یوسف اس مسئلے پر کام کیوں نہیں کر رہے۔''
ٹوئٹر صارف نے مزید لکھا کہ یہ بہت بھیانک ہے کہ ہم عمر اکمل کی طرح اس ٹیلنٹ کو بھی گنوا رہے ہیں۔
Haider Ali today again got out on Short ball.I don%27t understand what%27s happening, why Mohammad Yousuf is not working on this issue or players are not adopting, it%27s terrible we are wasting a unique talent just like Umar Akmal.#PAKvsBAN #HaiderAli pic.twitter.com/bHvC9Zl1q5
— Team Pakistan (@teampakistan99) October 7, 2022
اسپورٹس جرنلسٹ رشید شکور نے مڈل آرڈر کی ناکامی پر کچھ اس طرح تبصرہ کیا؛ "ہم بولے گا تو بولے گے کہ بولتا ہے۔"
ہم بولے گا تو بولوگے کہ بولتا ہے #PAKvBAN
— Rasheed shakoor (@rasheedshakoor) October 7, 2022
ایک ٹوئٹر صارف نے کہا کہ آصف علی نیٹ پریکٹس میں 150 چھکے لگاتے ہیں لیکن گزشتہ پانچ ٹی ٹوئنٹی میچز میں انہوں نے صرف 38 رنز بنائے ہیں اور یہ آٹھ کی اوسط سے بھی کم ہے۔
This guy Asif Ali hits 150 sixes in nets . In last 5 T20I he scored 38 runs . That%27s less than 8 average #PAKvsBAN pic.twitter.com/pa3kTHFS9r
— Subham. (@subhsays) October 7, 2022
کامران مظفر نامی ٹوئٹر صارف نے مڈل آرڈر پر کچھ اس انداز میں تنقید کی۔ " مڈل آرڈر ۔۔ مڈل نہیں ہو پا رہا۔"
مڈل آرڈر ۔۔۔ مڈل نہیں ہو پا رہا
— Kamran Muzaffer (@Krick3r) October 7, 2022
خاتون اسپورٹس جرنلسٹ عالیہ رشید کہتی ہیں پاکستان نے بنگلہ دیش کے خلاف 15 سے 20 رنز کم بنائے۔ اگر محمد رضوان نہ ہوتے تو بیچارے مڈل آرڈر والے اکیلے کیسے اسکور کر سکتے تھے۔
Still short of 15-20 runs. @iMRizwanPak na hota tu beecharay middle order walay akailay kaisay score kar satay thaay😜 #PakvsBD
— Aalia Rasheed (@aaliaaaliya) October 7, 2022
مروا نامی صارف نے ایک میم شیئر کی اور لکھا کہ محمد رضوان مڈل آرڈر کو کہہ رہے ہیں۔ میم پر تحریر تھا۔ '' ارےکب تک تیری غلطیوں کا ٹوکرا میں اپنے سر پر گھوماتا رہوں گا۔''
Mohammad Rizwan To Middle Order :#PAKvsBAN pic.twitter.com/TJLUvzUvO1
— 𝐌𝐚𝐫𝐰𝐚𝐧 🇵🇰 (@Marrwan56) October 7, 2022