مائیکرو بلاگنگ سائٹ ٹوئٹر ہو یا فیس بک جمعرات سے سوشل میڈیا پر 'فضا ' اور 'شزا' کے چرچے ہیں۔ کسی کو تو یہ قصہ ہی سمجھ نہیں آ رہا تو متعدد صارفین میمز سے لطف اندوز ہو رہے ہیں۔
پاکستان کے نجی ٹی وی چینل 'اے پلس انٹرٹینمنٹ' کے ایک ڈرامہ سیریز کا کلپ سوشل میڈیا پر اتنا وائرل ہو رہا ہے کہ ہیش ٹیگ 'فضا' ٹوئٹر پر ٹرینڈ کر رہا ہے۔
وائرل ہونے والی کلپ ڈرامہ سیریز 'حقیقت' کی 'جڑواں' عنوان پر مبنی قسط کی ہے جو فروری 2020 میں نشر ہوئی تھی لیکن اس ڈرامے کا کلپ اب وائرل ہوا ہے۔
اس قسط میں دو جڑواں بہنیں فضا اور شزا کی کہانی دکھائی گئی ہے جن کی ایک ہی گھر میں دو بھائیوں زین اور فراز سے شادی ہو جاتی ہے۔
لیکن کہانی اس وقت دوسرا رخُ اختیار کرتی ہے جب شادی کے روز جڑواں بہنوں کے کمرے تبدیل ہو جاتے ہیں اور دونوں ایک دوسرے کے کمروں میں چلی جاتی ہیں۔
Trending Fiza and Shiza full scene #fizaShiza #ShizaFiza #shiza #fiza #aplus pic.twitter.com/XPK9ul6hpE
— Zaigham Haider (@CricCrazyHaider) February 4, 2022
اس معاملے کے پیچھے 'پھپھو ' کی سازش دکھائی گئی ہے جو اپنی بیٹی کی شادی ان بھائیوں میں سے کسی ایک کے ساتھ کرنے کی خواہش مند ہوتی ہیں اس میں ناکامی پر وہ شادی کے دن دونوں دلہنوں کے کمرے تبدیل کر دیتی ہیں۔
ڈرامے کے وائرل ہونے والے منظر میں دیکھا جا سکتا ہے جب دلہا اپنی دلہن کو تحفہ دیتے وقت دلہن کو اس کے نام 'فضا ' سے مخاطب کرتا ہے تو اسی لمحے وہ ہکا بکا رہ جاتی ہے اور کہتی ہے کہ "میں فضا نہیں شزا ہوں۔" دلہن مزید کہتی ہے کہ آپ فراز نہیں ہیں جس پر لڑکا کہتا ہے کہ "نہیں میں زین ہوں۔"
ڈرامے میں چوں کہ ارینج شادی دکھائی گئی ہے تو شادی سے قبل دونوں جڑواں بہنوں اور لڑکوں نے ایک دوسری کو نہیں دیکھا ہوتا۔
اس کلپ کے وائرل ہوتے ہی سوشل میڈیا پر کہیں یہ کہا جا رہا ہے کہ پاکستانی ڈراموں میں بھارت کے مشہور ٹی وی چینل 'اسٹار پلس' کے ڈراموں کا عکس نظر آ رہا ہے تو کچھ لوگ یہ کہتے دکھائی دے رہے ہیں کہ حقیقی زندگی میں ایسا کہیں نہیں ہوتا۔
Shiza and Fiza https://t.co/MUo5IIrD5U pic.twitter.com/iGHJb262WR
— Yaseen Sani (@Sarkarsani) February 3, 2022
یاسین ثانی نے ایک میم شیئر کی جس میں انہوں نے مزاحیہ انداز اپناتے ہوئے پاکستان کے ٹی وی اینکر شاہ زیب خانزادہ اور بھارتی صحافی ارنب گوسوامی کو 'فضا ' اور 'شزا' سے موازنہ کیا۔
I think fiza shiza moment and rashi pressure cooker moment should be combined. "Jab bedroom mei faraz gaya tou kaun tha. Fiza thi shiza thi zain tha kaun tha".
— Aaliya Javed (@Aaliyajaved) February 3, 2022
عالیہ جاوید نامی صارف نے کہا کہ پاکستانی ڈرامے کے فضا اور شزا والے منظر کو بھارت کے ڈرامے 'ساتھ نبھانا ساتھیا' کی وائرل ہونے والی کلپ 'رسوڑے میں کون تھا' کے ساتھ جوڑنا چاہیے۔
عمیر جاوید کہتے ہیں کہ اب جب بھی مجھے کوئی کام کرنےکو بولے گا تو میں کہوں گا کہ میں فضا نہیں شزا ہوں۔
Pakistani Drama industry never disappoint memers. 🤣😂 #Fiza #Shiza pic.twitter.com/CS29yJWqDa
— 🤍 سعدی یوسف خان 🤍 (@YaldaramSoldier) February 3, 2022
سعدی یوسف کہتے ہیں کہ پاکستانی ڈرامہ انڈسٹری میمرز کو مایوس نہیں کرتی۔
Fiza And Shiza #fizaShiza #زهرا pic.twitter.com/65io35LqHV
— Irteza Shaikh (@IrtezaShaikh110) February 4, 2022
ایک صارف نے بالی وڈ اداکار شاہ رخ خان اور پاکستانی ٹی وی پرسن ساحر لودھی کی تصویر پر فضا اور شزا لکھ کر پوسٹ شیئر کی۔
I%27m the Only one !!Who don%27t know about Fiza and Shiza scene ??
— Mian Omer🇵🇰 (@Iam_Mian) February 3, 2022
میاں عمر نامی صارف کہتے ہیں کہ شاید میں وہ پہلاشخص ہوں جسے فضا اور شزا کا قصہ نہیں پتا۔
ایک صارف نے ماضی کے پاکستانی ڈرامے 'تنہایاں' کی ثنیہ اور زارا کا فضا اور شزا سے موازنہ کرتے ہوئے کہا کہ ہم نے کہیں نہ کہیں چند غلطیاں کی ہیں اور ہم پیچھے جا رہے ہیں۔
This is absolutely stupid. Fiza Shiza dramas are there but so are quality tv shows that you guys don’t watch because you only pay attention to Pakistani dramas when you want to trash them. https://t.co/Y7MqNIbP1j
— Mahwash Ajaz 🇵🇰 (@mahwashajaz_) February 4, 2022
صارف کے ٹوئٹ پر صحافی مہوش اعجاز نے ردِ عمل کا اظہار کرتے ہوئے کہا کہ یہ موازنہ بالکل احمقانہ ہے، فضا اور شزا جیسے ڈرامے تو ہیں لیکن وہیں ایسے پاکستانی ڈرامے بھی ہیں جنہیں آپ لوگ نہیں دیکھنا چاہتے کیوں کہ آپ لوگ صرف اس ہی ڈراموں پر توجہ دیتے ہیں جن پر آپ تنقید کرنا چاہتے ہیں۔
اس معاملے کے بعد ڈرامے میں فضا اور شزا کا کردار ادا کرنے والی کرن تعبیر نے جمعرات کو اپنے انسٹاگرام اکاؤنٹ کے ذریعے ردِ عمل کا اظہار کیا۔
اداکارہ کرن تعبیر نے کہا کہ "زیادہ ضروری ہے کہ ہم ان مسائل پر بات کریں جن پر آواز اٹھانی چاہیے، جن مسائل کو اس ملک میں ہماری آواز کی اور ٹرینڈ ہونے کی بہت ضرورت ہے۔"
انہوں نے مزید کہا کہ "پلیز اپنے وقت اور توانائی کا درست استعمال کریں شاید اس سے کسی کا بھلا ہو جائے۔ نہیں تو آپ کی مرضی ہے اور آپ فضا اور شزا کے معاملے سے لطف اندوز ہوں۔"