پاکستانی کوہ پیما شہروز کاشف 19 برس کی عمر میں سطح سمندر سے آٹھ ہزار 611 میٹر بلند چوٹی کے ٹو سر کرنے والے دنیا کے کم عمر ترین کوہ پیما بن گئے ہیں۔
لاہور سے تعلق رکھنے والے شہروز کاشف اس سے قبل دنیا کی بلند ترین چوٹی ماؤنٹ ایورسٹ بھی سر کر چکے ہیں جب کہ اُنہوں نے محض 17 برس کی عمر میں دنیا کی بارہویں بلند چوٹی براڈ پیک بھی سر کی تھی۔
شہروز کاشف نے منگل کی صبح آٹھ بجے کے قریب کے کے ٹو سر کیا اور وہاں پاکستان کا پرچم لہرایا۔
پاکستان کے انگریزی اخبار 'ڈان' کی رپورٹ کے مطابق اس سے قبل ساجد سدپارہ نے 20 برس کی عمر میں کے ٹو سر کر کے کم عمر ترین پاکستانی کوہ پیما کا اعزاز حاصل کیا تھا۔
ساجد سدپارہ رواں برس سردیوں میں کے ٹو سر کرنے کی کوشش میں ہلاک ہونے والے کوہ پیما محمد علی سد پارہ کے صاحبزادے ہیں۔
#PakistanOnK2 #Project14x8000ers #ShehrozeKashif has completed Black Pyramid Section on #K2. He is on his way to Camp 3. #Pakistan #TheBroadBoy #TheKarakoramClub @KarakoramClub pic.twitter.com/ylLIhTnJoo
— TheBroadBoy (@Shehrozekashif2) July 25, 2021
شہروز کاشف کے اس کارنامے پر سوشل میڈیا پر بھی اُن کی ستائش کا سلسلہ جاری ہے۔
پاکستان کے وزیرِ اعظم عمران خان کے دفتر کی جانب سے کی گئی ٹوئٹ میں شہروز کاشف کے کے ٹو سر کرنے پر پاکستانیوں کو مبارک باد دی گئی ہے۔
صدرِ پاکستان ڈاکٹر عارف علوی نے بھی شہروز کاشف کو مبارک باد پر مبنی ٹوئٹ کی۔
President Dr. Arif Alvi extends his heartiest congratulations to #ShehrozeKashif - the Broad Boy on becoming the youngest mountaineer in the world to scale K2. pic.twitter.com/fiXDbcpdOI
— The President of Pakistan (@PresOfPakistan) July 27, 2021
پاکستان میں امریکی سفارت خانے کی جانب سے ایک ٹوئٹ میں شہروز کاشف کے اس کارنامے پر انہیں داد دی گئی ہے۔
Congratulations Pakistan! @Shehrozekashif2 has set the record for being the youngest Pakistani to reach the K2 summit! What an amazing accomplishment! Congratulations Shehroze Kashif! #PakistanOnK2 Photo Credit: @SF360Digital pic.twitter.com/tt47VIFwHf
— U.S. Embassy Islamabad (@usembislamabad) July 27, 2021
قومی کرکٹر احمد شہزاد نے بھی شہروز کاشف کی تعریف کرتے ہوئے ٹوئٹ کی کہ ہمیں آپ پر فخر ہے۔
Thank You !!!@iamAhmadshahzad https://t.co/HBsnvuCKMi
— TheBroadBoy (@Shehrozekashif2) July 27, 2021