ٹی ٹوئنٹی کرکٹ ورلڈ کپ کے سپر 12 مرحلے میں نیوزی لینڈ نے افغانستان کو آٹھ وکٹوں سے شکست دے کر سیمی فائنل تک رسائی حاصل کر لی ہے جب کہ بھارت اور افغانستان کی ٹیمیں ایونٹ سے باہر ہو گئی ہیں۔
اتوار کو ابو ظہبی کے شیخ زید اسٹیڈیم میں کھیلے گئے میچ میں افغانستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں نیوزی لینڈ کو جیت کے لیے 125 رنز کا ہدف دیا جو اس نے دو وکٹوں کے نقصان پر پورا کر لیا۔
نیوزی لینڈ کی جانب سے کپتان کین ولیم سن نے 42 گیندوں پر 40 رنز کی اننگز کھیلی۔
نیوزی لینڈ کی کامیابی کے ساتھ ہی بھارت کا ٹی ٹوئنٹی ورلڈ کپ میں سفر تمام ہو گیا ہے اور اب وہ پیر کو اپنا آخری میچ نمیبیا کے خلاف کھیلے گا جس کے نتیجے کا ایونٹ پر کوئی فرق نہیں پڑے گا۔
New Zealand are into the semis 👏#T20WorldCup | #NZvAFG | https://t.co/paShoZpj88 pic.twitter.com/PRo6Ulw4Dk
— T20 World Cup (@T20WorldCup) November 7, 2021
افغانستان کی ٹیم شروع سے ہی دباؤ کا شکار رہی ہے اور اس کی وکٹیں وقفے وقفے سے گرتی رہیں۔ البتہ نجیب اللہ زادران اور محمد نبی نے اننگز کو کچھ سہارا دیا اور پانچویں وکٹ کے لیے 59 رنز کی شراکت قائم کی۔
New Zealand restrict Afghanistan to 124/8 after a brilliant effort on the field.Will this score prove to be enough? 🤔 #T20WorldCup | #NZvAFG | https://t.co/paShoZpj88 pic.twitter.com/vmgS3SxjnH
— T20 World Cup (@T20WorldCup) November 7, 2021
نجیب اللہ زادران 48 گیندوں پر 73 رنز بنا کر آؤٹ ہوئے، ان کی اننگز میں چھ چوکے اور تین چھکے شامل تھے۔
محمد نبی 20 گیندوں پر 14 رنز بنا کر نمایاں رہے، افغانستان کے پانچ کھلاڑی ڈبل فگر میں داخل نہ ہو سکے۔
نیوزی لینڈ کی جانب سے ٹرینٹ بولٹ نے چار اوورز میں 17 رنز دے کر تین کھلاڑیوں کو پویلین کی راہ دکھائی جب کہ ٹم ساؤتھی چار اوورز میں 24 رنز دے کر دو وکٹیں حاصل کر کے نمایاں رہے۔
دوسری جانب بھارت کے ایونٹ سے باہر ہونے کی خبر سوشل میڈیا پر ٹاپ ٹرینڈ ہے۔ جہاں بھارتی شائقین ٹیم کے ایونٹ سے باہر ہونے پر اداس ہیں تو وہیں پاکستانی شائقین بھی طنز کے تیر چلانے میں پیچھے نہیں ہیں۔
سید حمید نامی صارف نے اپنی ٹوئٹ میں ایک تصویر شیئر کی جس کا عنوان تھا 'انڈیا مشکل صورتِ حال میں۔'
India Na mumkin sorat e Haal mai 😂#backhome#NZvAFG#IndiaBackhome pic.twitter.com/osD1Ype2e6
— Syed Hammad (@ByeHamad11) November 7, 2021
معروف بھارتی اسپورٹس جرنلسٹ وکرانت گپتا نے ٹوئٹ کی کہ بھارت اس ورلڈ کپ سے صرف 30 منٹ کے برے کھیل کے باعث باہر نہیں ہوا بلکہ اس ایونٹ میں بہت سے ایسے لمحات آئے۔
This World Cup campaign wasn’t about one bad half hour. There were many. Time to reboot T20 and look at it from a different perspective #India
— Vikrant Gupta (@vikrantgupta73) November 7, 2021
سابق بھارتی اوپنر وریندر سہواگ نے ٹی ٹوئنٹی ورلڈ کپ میں بھارت کی کارکردگی کو بھارتی سیاست سے جوڑ دیا اور بھارت کی اپوزیشن جماعت کانگریس کے رہنما راہول گاندھی کی تصویر پوسٹ کرتے ہوئے لکھا کہ ختم، بائی بائی، ٹاٹا، گڈ بائی۔'
India’s campaign at the #ICCT20WorldCup pic.twitter.com/VhsdiQld8I
— Virender Sehwag (@virendersehwag) November 7, 2021
ایک ٹوئٹر صارف نے ایک سڑک کے سائن بورڈ کی میم شیئر کی جس میں بھارتی ٹیم کو ممبئی ایئرپورٹ کے راستے مڑتے دکھایا گیا۔
Here we go 😂😂😁. #TeamIndia pic.twitter.com/5ciKJsGXTI
— ItX ChuZzA 🐥 🇵🇰 (@Moazzam_Says) November 7, 2021
ایک اور ٹوئٹر صارف نے بھارتی کپتان وراٹ کوہلی اور افغانستان کے اسپنر راشد خان کی تصویر شیئر کی جس پر لکھا گیا تھا کہ 'میں اور میرا دوست گھر جانے کے لیے ایئرپورٹ پر'
See You in IPL😂WorldcupT20 is Here for India🍌#TeamIndia pic.twitter.com/IbAnJcBpMm
— Cricket Humor (@CricketMemes360) November 7, 2021