ایلون مسک نے سوشل میڈیا پلیٹ فارم ایکس پر ایک پوسٹ میں کہا ہے کہ فیس بک کے بانی مارک زکر برگ کے ساتھ ان کی مجوزہ کُشتی کو ایکس پر براہِ راست نشر کیا جائے گا۔
رواں برس جون سے ایلون مسک اور مارک زکر برگ کے مابین مکس مارشل آرٹس کشتی کی خبریں سوشل میڈیا پر زیرِ بحث ہیں۔
ایلون مسک نے ایک پوسٹ میں کہا ہے ’’زکر برگ اور ایلون مسک کی’ کشتی‘ ایکس پر لائیو اسٹریم کی جائے گی۔ اس پر کمایا جانے والا منافع سابق فوجیوں کے فنڈ میں جمع کرایا جائے گا۔‘‘
یاد رہے کہ ایلون مسک نے حال ہی میں اپنے سوشل میڈیا پلیٹ فارم ٹوئٹر کا نام تبدیل کرکے ایکس رکھا ہے۔
Zuck v Musk fight will be live-streamed on 𝕏.All proceeds will go to charity for veterans.
— Elon Musk (@elonmusk) August 6, 2023
اتوار کو ایلون مسک نے لکھا کہ وہ اس کشتی کی تیاری کے لیے وزن اٹھا کر ورزش کر رہے ہیں۔
انہوں نے کہا کہ ان کے پاس چوں کہ ورزش کا وقت نہیں ہے اس لیے وہ تیاری کے لیے وزن سے کام لے رہے ہیں۔
Am lifting weights throughout the day, preparing for the fight. Don’t have time to work out, so I just bring them to work.
— Elon Musk (@elonmusk) August 6, 2023
جب ایک صارف نے ایکس پر ان سے پوچھا کہ اس کشتی کا مقصد کیا ہے؟
تو مسک نے دعویٰ کیا کہ مردوں کو جنگ پسند ہے اور یہ جنگ کا ایک مہذب طریقۂ کار ہے۔
It’s a civilized form of war. Men love war.
— Elon Musk (@elonmusk) August 6, 2023
خبر رساں ادارے رائٹرز کے مطابق فیس بک کی مالک کمپنی میٹا کی جانب سے اس خبر پر تبصرہ کرنے کا کوئی جواب نہیں دیا گیا۔
زکربرگ کشتی کے ایک طریقۂ کار جی جٹسو کی تیاری کر رہے ہیں۔
ایلون مسک کی جانب سے 20 جون کو ’ جنگلے میں کشتی‘ کی دعوت دی گئی تھی۔
SEE ALSO: نیلی چڑیا کے بجائے 'ایکس': ٹوئٹر کے نئے لوگو پر تنازعاس کے ایک دن بعد زکر برگ نے اپنی کمپنی کے انسٹاگرام پیج پر ان لڑائیوں کی تصویر لگائی جن میں انہیں فتح حاصل ہوئی تھی۔
انہوں نے مسک سے مجوزہ کشتی کے مقام کے بارے میں پوچھا تھا۔
اس پر ایلون مسک نے ردِعمل میں کہا تھا کہ ویگس آکٹاگان اس کے لیے موزوں رہے گی۔
اس خبر میں کچھ مواد خبر رساں ادارے ’رائٹرز‘ سے لیا گیا ہے۔