پاکستان میں اس ہفتے سوشل میڈیا پر وفاقی وزیر فیصل واوڈا اور اینکر پرسن عمران خان کے رویے توجہ کا مرکز بنے رہے۔
ایک طرف سیاسی رہنما کے صحافیوں سے رویے کی مذمت کی گئی اور دوسری جانب ایک میڈیا کارکن کے سیاسی رہنما سے سلوک کو کڑی تنقید کا نشانہ بنایا گیا۔
وفاقی وزیر فیصل واوڈا آئے دن صحافیوں سے الجھتے رہتے ہیں اور انھیں برے ناموں سے پکارتے ہیں۔ چند دن پہلے انھوں نے ڈان کے صحافیوں مبشر زیدی، ضرار کھہڑو اور وسعت اللہ خان کو مسلم لیگ ن کا ٹاؤٹ کہا۔ اس کے بعد سرل المیڈا کو جوکر قرار دے ڈالا۔
30 جون کو دی نیوز کے رپورٹر فخر درانی نے ایک پرانی خبر شئیر کرتے ہوئے سوال اٹھایا کہ فیصل واوڈا کی امریکی شہریت کے بارے میں خبر کو شائع ہوئے چھ ماہ گزر چکے ہیں، لیکن الیکشن کمیشن نے اس پر کوئی کارروائی نہیں کی۔
چھوٹے! پہلے اُس بزدل ،فراڈ ، چور ، جنگ جیو کے مالک میر شکیل الرحمن کے پاس جیل جاؤ اور اُسے بتاؤ کہ جن چیزوں کو روکنے کے لئے وہ میرے خلاف تم لوگوں سے بے بنیاد خبریں لگوا رہا تھا وہ سب شواہد میں جمع کر چکا ہوں اور اب بے تابی سے میر شکیل کے جیل سے باہر آنےکا انتظار کر رہا ہوں۔ https://t.co/qRh2x3lvQG
— Faisal Vawda (@FaisalVawdaPTI) June 30, 2020
اس کے جواب میں فیصل واوڈا نے فخر درانی کو چھوٹے کہہ کر مخاطب کیا اور جنگ گروپ کے مالک شکیل الرحمان کہ وہ فراڈ اور چور ہیں۔
فخر درانی کے کولیگ عمر چیمہ نے ٹوئیٹ کیا کہ اگر نیب آزاد ہوتا تو میر شکیل الرحمان کے بجائے فیصل واوڈا جیسے لوگ اندر ہوتے۔ اس پر فیصل واوڈا نے انھیں میر شکیل الرحمان کا ٹشوپیپر کہہ کر پکارا اور کہا کہ "پہلے بھی انھیں حرکتوں کی وجہ سے پبلک سے سر منڈوایا اور جوتے کھائے۔"
اوئےچیمے!!میر شکیل کے ٹشو پیپر- پہلے بھی استعمال ہوئے اب پھر؟؟ پہلے بھی انہی حرکتوں کی وجہ سے پبلک سے سر مُنڈوایا اور جوتے کھائے- کیا پھر سر پہ بال آگئے؟؟ بزدل میر شکیل سے پوچھ جو بیماری کا بہانہ کر کے جیل سے ہسپتال چھپ کے بیٹھا ہوا ہے! اُسی کمرے میں جس میں نواز شریف چھپا تھا۔ https://t.co/tuzbWcsMkU
— Faisal Vawda (@FaisalVawdaPTI) June 30, 2020
فیصل واوڈا کا اشارہ اس واقعے کی جانب تھا جب عمر چیمہ کو نامعلوم افراد نے اغوا کرکے تشدد کیا اور زبردستی ان کے بال اور بھنوئیں مونڈ دیں۔ اس واقعے کے ذمے داروں کو آج تک گرفتار نہیں کیا جاسکا۔ پاکستان میں بعض لوگ اس کا الزام ایک خفیہ ایجنسی پر لگاتے ہیں۔
عمر چیمہ بین الاقوامی سطح پر ایوارڈ یافتہ صحافی ہیں اور پاکستان میں پاناما پیپرز اسکینڈل سامنے لانے میں ان کا مرکزی کردار تھا۔
فخر درانی اور عمر چیمہ کے خلاف نازیبا الفاظ استعمال کرنے پر سوشل میڈیا پر بہت سے لوگوں نے فیصل واوڈا کی مذمت کی اور ان کے رویے کو سیاست دان کے درجے سے گرا ہوا کہا۔
A Pakistani minister taunts and ridicules a journalist reminding him of being abducted by intelligence agencies and tortured. What a shame!#shameonvawda https://t.co/ehd4BAiVBu
— Matiullah Jan (@Matiullahjan919) June 30, 2020
سینئر صحافی مطیع اللہ جان نے لکھا کہ ایک پاکستانی وزیر ایک صحافی کا مذاق اڑا رہا ہے اور اسے یاد دلارہا ہے کہ اسے انٹیلی جنس ایجنسیوں نے اغوا کرکے تشدد کیا تھا۔ کتنے شرم کی بات ہے۔
خالد حمید فاروقی نے لکھا کہ سب سے زیادہ کرپٹ فیصل واوڈا دوسروں کو کرپشن کا الزام دے رہے ہیں اور سوال پوچھنے پر صحافیوں کو دھمیاں دے رہے ہیں۔
بعد میں راولپنڈی اسلام آباد یونین آف جرنلسٹس نے ایک بیان جاری کیا جس میں فیصل واوڈا کی بدزبانی کی مذمت کی اور وزیراعظم سے نوٹس لینے کا مطالبہ کیا۔
دوسری جانب نیوز چینل جی این این کے اینکرپرسن عمران خان کے اس رویے پر کڑی تنقید کی گئی جو انھوں نے پیپلز پارٹی کی رکن اسمبلی پلوشہ خان کے ساتھ اختیار کیا۔
اس پروگرام کا جو کلپ سوشل میڈیا پر موجود ہے اس میں دیکھا جاسکتا ہے کہ پلوشہ خان اینکرپرسن سے کہتی ہیں کہ آپ سندھ کی وکالت نہ کریں۔ آپ کی بات کیا صحیفہ ہے؟ لیکن پھر ان کی آواز سنائی نہیں دیتی اور اینکرپرسن عمران خان چلا چلا کر کہتے ہیں کہ یہ بدمعاشی نہیں چلے گی۔ میں آپ کو چڑھائی نہیں کرنے دوں گا۔ مائیک اتاریں اور یہاں سے چلی جائیں۔ میرے منہ نہ لگیں۔
پیپلز پارٹی کی رہنما نفیسہ شاہ نے اینکرپرسن کے بارے میں کہا کہ اس کا رویہ احترام نہ کرنے والا، غیر پیشہ ورانہ، متعصب اور اختیار کا ناجائز استعمال تھا جس کا اظہار کرتے ہوئے پلوشہ خان کا مائیک بند کیا گیا اور انھیں پروگرام سے جانے کو کہا گیا۔ انھیں پلوشہ خان سے معافی مانگنی چاہیے یا چینل کو نوٹس لینا چاہیے۔
He is disrespectful, unprofessional, biased & using his power in a most obnoxious manner, by muting her & then asking her to leave the program. He must publicly apologize to @PalwashaKhan18 or channel must take notice. @ImranRiazKhan https://t.co/14WSJuM5CH
— Nafisa Shah (@ShahNafisa) July 2, 2020
تجزیہ کار مرتضیٰ سولنگی نے ٹوئیٹر پر لکھا کہ یہ ہائبرڈ مخلوق سنجیدگی سے سمجھتی ہے کہ اسے دوسروں کی بے عزتی کا حق حاصل ہے۔ آپ اس اینکرز کلب کے ارکان کا تکبر محسوس کرسکتے ہیں۔
ریحام خان نے لکھا کہ اینکرپرسن کی زبان اور رویہ صحافت کی اخلاقیات کے منافی اور فاشزم کے رویوں کے مطابق ہے۔
Birds of a feather flock togetherیہ صحافتی نہیں گھر کی تربیت کا معاملہ ہے۔ pic.twitter.com/xR4bFeIWFi
— Najia Ashar (@najiaashar) July 2, 2020
صحافیوں کے لیے تربیتی ورکشاپس منعقد کرنے والی جی این این کی سابق اینکر ناجیہ اشعر نے اس پر تبصرہ کرتے ہوئے کہا کہ یہ صحافتی تربیت کا نہیں، گھر کی تربیت کا معاملہ ہے۔