کرتار پور میں سکھ یاتریوں کے لیے نئے لنگر خانے کا افتتاح
لنگر خانے کی افتتاحی تقریب میں سکھ رہنماؤں کے علاوہ مقامی مسلم رہنماء بھی شریک ہوئے۔
کرتار پور میں سکھ یاتریوں کے لیے دو منزلہ نئے لنگر خانے کا افتتاح کر دیا گیا ہے۔
اس لنگر خانے میں 1500 افراد بیک وقت کھانا کھا سکتے ہیں۔
لنگر خانے کا افتتاح متروکہ وقف املاک بورڈ کے چیئرمین ڈاکٹر عامر احمد اور پاکستان سکھ گوردوارہ پربھندک کمیٹی کے صدر ستونت سنگھ نے کیا۔
لنگر خانے میں یاتریوں کے لیے داخلی اور خارجی راستے الگ الگ بنائے گئے ہیں۔
لنگر خانے میں کھانا پکانے اور کھانے کی جگہ بھی علیحدہ بنائی گئی ہے۔