کلکتہ میں حکام نے بتایا ہے کہ بالی وڈ کے مقبول سنگر کرشنا کمار کناتھ جنہیں ’K K‘ کے نام سے پکارا جاتا ہے، ان کی شہر میں ایک شو میں پرفارمنس دینے کے بعد موت واقع ہوگئی۔
بھارتی میڈیا کی رپورٹس کے مطابق 53 برس کے ’k k‘ جب کلکتہ میں نذر المنچ میں منعقد ہونے والے اپنے کانسرٹ میں پرفارمنس دینے کے بعد شہر کے علاقے اسپلانڈے میں واقع اپنے ہوٹل پہنچے تو انہوں نے بے چینی محسوس ہونے کی شکایت کی تھی۔
ٹائمز آف انڈیا کی رپورٹ کے مطابق انہیں جب رات کے ساڑھے دس بجے کے قریب کلکتہ میڈیکل ریسرچ انسٹی ٹیوٹ لے جایا گیا تو ڈاکٹروں کے مطابق ان کی موت واقع ہوچکی تھی۔
بھارت کے وزیراعظم نریندر مودی نے اپنے ٹوئٹر اکاؤنٹ پر ان کی ناگہانی موت پر گہرے دکھ کا اظہار کیا۔ ان کا کہنا تھا کہ کرشنا کمار کناتھ کے گانے گہرے جذبات کا اظہار تھے جنہیں ہر عمر کے افراد شوق سے سنتے تھے۔ مودی نے ان کے عزیزوں اور مداحوں سے تعزیت کرتےہوئے لکھا کہ ہم کرشنا کمار کناتھ کو ان کے گانوں کے ذریعے ہمیشہ یاد رکھیں گے۔
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022
سوشل میڈیا پر بالی وڈ سے تعلق رکھنے والے فنکار اور صارفین KK کی موت پر دکھ کے اظہار کے ساتھ ساتھ ان کے فن کو خراج عقیدت پیش کررہے ہیں۔
SEE ALSO: دل کا دورہ پڑنے سے جان کی بازی ہارنے والے پاکستانی فن کار اور کھلاڑیسٹینڈ اپ کامیٖڈین ورون گروور نے اپنے ٹوئٹر پر لکھا کہ ’K K‘ کے فن سے آپ تنہائی میں محظوظ ہو سکتے ہیں۔ ان کا بہترین کام محرومی اور اضطراب کے اظہار میں ہے۔ سچ کہہ رہا ہے دیوانہ، تڑپ تڑپ کے اس دل میں، یاروں، آوارہ پن اور میں نے دل سے کہا میں ان کی آواز تاریک کمرے میں چراغ کی سی کیفیت پیدا کرتی ہے۔
KK was an artist you%27d discover in private. His best works were all about personal moments of loss & vulnerability. Sach Keh Raha Hai, Tadap Tadap Ke, Yaaron, Awarapan Banjarapan, Maine Dil Se Kaha.His voice was a candle in a dark room, a ग़म-गुसार.Goodbye and thanks, sir. pic.twitter.com/p28vA8zoDD
— वरुण 🇮🇳 (@varungrover) May 31, 2022
بالی وڈ اداکار اجے دیوگن نے لائیو پرفارمنس کے بعد ان کی موت کو المناک قرار دیتے ہوئے کہا کہ انہوں نے اجے دیوگن کی فلموں کے لیے کئی گانے گائے، اس لیے بھی ان کی موت پر اجے کو بہت دکھ ہے۔
It seems so ominous. The news of KK’s death that too right after a live performance is terrible. He sang for films I was associated with, so his loss seems that much more personal. RIP #KrishnakumarKunnath.Prayers & condolences to his family🙏 pic.twitter.com/HOOjgs4tY5
— Ajay Devgn (@ajaydevgn) May 31, 2022
KK نے کئی زبانوں کی فلموں میں گانے گائے جن میں ہندی، تامل، تیلگو، کانڑا، مالیالم، مراٹھی، بنگالی اور دیگر زبانیں شامل ہیں۔